Deut 31:12 - Kaqchiquel Bible

^12-13 Kan ke'imolo' k'a chi achi'a' chi ixoqi' y ak'uala', y chuqa' ri winaqi' ri man e iwinaq ta ri ek'o pan iruwach'ulew, richin keri' ri iwalk'ual rix ri man jun ketaman chire re pixa' re', xtikak'axaj y xtiketamaj nikiya' ruq'ij ri Jehová ri qa-Dios chupan chijun ri kik'aslen ri chiri' chupan ri ruwach'ulew ri xtiwichinaj kan, xcha' ri Moisés.

Deut 31:12 ပူးပေါင်းရင်းမြစ်များ

Deut 4:10

Toqaqa k'a chi'ik'u'x toq xqamol-apo-qi' chuwech ri Jehová ri qa-Dios, chuxe-apo ri juyu' Horeb, toq rija' xubij chuwe: Ke'amolo' k'a ri awinaq, richin chi nikak'axaj ri nuch'abel richin niketamaj nikiya' nuq'ij chijun ri kik'aslen chuwech re ruwach'ulew, y xtikik'ut chikiwech ri kalk'ual, xcha' chuwe.

Wuj Richin ri Esdras 10:1

Rokik ri Esdras nich'on rik'in ri Dios, nubij ronojel ri kimak y kan noq' xukul chiri' chuwech ri rachoch ri Dios, ri janila chi ruwinaq kan xkimol-apo-ki' chiri': Chi achi'a', chi ixoqi' y chi ak'uala'. Y rije' chuqa' kan xe'oq' roma bis.

San Juan 5:39

Rix kan nisik'ij k'a jebel rupan ri ruch'abel ri Dios ri tz'ibatel kan, roma kan nich'ob chi chupan ri' niwil-wi k'aslen ri man k'isel ta. Y chupan ri ruch'abel ri Dios kan ja yin ri yiruq'alajirisaj.

Deut 29:29

Ronojel ri man tz'etel ta pa ruq'a' ri Dios ek'o-wi, jak'a ronojel ri e q'alajirisan kan, qichin k'a roj y kichin ri qalk'ual, richin jantape' niqataqej ronojel ri ruchojmilal richin re pixa' re'.

Wuj Richin ri Josúe 8:35

Y man jun ch'abel ri man ta xsik'ix chikiwech ri winaqi', ri rubin kan ri Moisés chi nisik'ix chikiwech ri kimolon-ki'; jajun ri ixoqi' y ri ak'uala' y ri man e kiwinaq ta ri ek'o chikikojol rije'.

Wuj Richin ri Hageo 1:12

Jari' toq ri Zorobabel, ri Josué y konojel ri winaqi', xkak'axaj ri ruch'abel ri Jehová ri ki-Dios ri xubij ri Hageo. K'ari' rije' xkik'en rukiy y xkiya' rejqalen ri Jehová.

Wuj Richin ri Chojmirisabelri'il 9:5

Y ri winaqi' xkik'uaj k'a apo ronojel ri xubij ri Moisés chi k'o chi nikik'uaj-apo chuwech ri rachoch ri Dios, y ri winaqi' richin ri tinamit xkimol-apo-ki' chiri' chuwech ri Jehová.

Deut 29:9

Kan titaqej k'a ri ruchojmilal y kan tibana' ri achike ri nubij, richin keri' kan ronojel k'a utz xtel chiwech ri xtiben.

Wuj Richin ri Josúe 8:33

Y chiri' chuwech ri porobel y ri káxa richin ri rujikibel-tzij ri Dios, ri e sacerdote rijatzul ri Leví ri e uk'uayon ri káxa kibanon ka'i' tzobaj, ri nik'aj ek'o ri juk'an y ri nik'aj chik ek'o re juk'an chire ri káxa. Konojel ri e rijatzul kan ri Israel, ri aj-raqen pa kiwi' ri winaqi', ri aj-raqen pa kiwi' ri aj-labal, ri to'onela', y chuqa' ek'o-apo ri man e kiwinaq ta: Konojel rije' e pa'el-apo chikiwech ri e ka'i' tzobaj. Nik'aj chike rije' ek'o chuwech ri juyu' Ebal y ri nik'aj chik ek'o chuwech ri juyu' Gerizim, y ri e ka'i' tzobaj kan e kitzuliben k'a ri e sacerdote, achi'el rubin kan ri Moisés ri rusamajel ri Dios toq xch'on chirij ri urtisanik pa ruwi' ri Israel.