Deut 30:9 - Kaqchiquel Bible

⁹ Ri Jehová ri qa-Dios xtuben chiwe chi ronojel k'a ri xtiben, kan utz xtel chiwech, y kan xtuya' k'a urtisanik pa kiwi' ri iwalk'ual y pa kiwi' ri iwawej y pa ruwi' ri itiko'n richin utz yixk'ase'. Y ri Jehová kan xtikikot iwik'in, roma ri' ronojel ri xtuben iwik'in kan ja ri utz, achi'el xuben kik'in ri qati't-qamama'.

Deut 30:9 ပူးပေါင်းရင်းမြစ်များ

Wuj Richin ri Jeremías 32:41

Yin Jehová kan xkikikot k'a roma utz xtinben kik'in. Kan xkenya' k'a rik'in qitzijri'il chupan re ruwach'ulew re', rik'in ronojel wánima y ronojel nuk'u'x.

Wuj Richin ri Jeremías 33:9

Kan jantape' k'a xkikikot kik'in re tinamit re'. Kan xtik'oje' k'a nim nuq'ij-nuk'ojlen chikiwech konojel tzobaj winaqi' richin re ruwach'ulew roma xtikak'axaj ronojel utzil ri xtinben kik'in ri nuwinaq. Y ri ch'aqa' chik winaqi' richin ri ruwach'ulew xtikimey y xtik'is ri kuchuq'a' roma ronojel ri utzil y ri uxlanen ri xtinya' chike ri nuwinaq.

Deut 28:4

Ri Jehová xtuben chi xtik'oje' k'iy iwalk'ual, y kan utz xtel ri itiko'n, y kan xkek'iyer ta ri taq kal ri kokoj y nima'q taq iwawej.

Wuj Richin ri Chojmirisabelri'il 26:4

yin xtinteq k'a pe job pa ruq'ijul, y ri itiko'n y ri che' kan janila xkewachin.

San Juan 15:11

Ronojel k'a ri nubin chik chiwe kan richin chi ri kikoten ri k'o wik'in yin, keri' chuqa' xtik'oje' iwik'in rix, y richin chuqa' chi nitz'aqet ri kikoten pa taq iwánima.

San Lucas 15:32

Jak'a re achaq' re' kan kamineq chik chinuwech yin, y wakami achi'el k'astajineq chik pe chinuwech. Rusachon k'a el ri', y wakami xoqaqa chik qik'in. Roma ri' k'o k'a chi k'o nimaq'ij y kikoten pa taq qánima, xcha' ri tata'aj ri', xcha' ri Jesús.

Wuj Richin ri Jeremías 31:28

Kan xinben k'a kik'in rije' chi xenk'uq, xenwelesaj-el, xenwulaj y xenyoj. Chuqa' xinya' ruk'ayewal pa kiwi'. Keri' chuqa' xkentik-qa y xkenk'iytisaj chik q'anej jun bey. Yin Jehová ri yibin.

Wuj Richin ri Isaías 65:19

Chuqa' yin kan xkikikot roma ri Jerusalem, y xkikikot koma ri nuwinaq. Y chiri' man jun bey chik xtak'axatej oq'ej, ni raqoj-chi'ij richin bis.

Deut 28:63

Achi'el toq ri Jehová kan rik'in janila kikoten utz xuben iwik'in y xixruwinaqirisaj, kan keri' chuqa' xtuben toq xkixruk'is-el jumul, kan xkixrelesaj k'a el chuwech re ruwach'ulew ri akuchi xkixok-wi richin xtiwichinaj kan.

Wuj Richin ri Chojmirisabelri'il 26:6

Kan xtik'oje' uxlanibel-k'u'x iwik'in chupan ri ruwach'ulew ri' y toq yixwer kan man jun k'a xkixbin. Xtinben k'a chi xkek'is ri k'uxunela' taq chikopi' y kan man jun k'a labal xtibanatej chi'ikojol.

Wuj Richin ri Sofonías 3:17

Roma ri Jehová kan k'o pa qanik'ajal roj. Rija' ri k'o ronojel uchuq'a' rik'in, xqojrukol. Roj kan xqojkikot rik'in. Rik'in ri rajowabal xtuya' k'ak'a' quchuq'a'.

Wuj Richin ri Isaías 62:5

Ri winaqi' richin ri tinamit kan janila xtuk'en kiwech rik'in ri kulew, achi'el jun ala' toq nik'ule' rik'in jun xten. Ri Dios kan janila xtikikot kik'in rije', achi'el nikikot jun achijlonel rik'in ri rixjayil ri k'a juba' kek'ule'.

Deut 30:8

Rix kan xtitzolej ri iwánima rik'in ri Jehová y kan xtinimaj ri ruch'abel y kan xtitaqej ri pixa' ri ya'on chiwe.

Wuj Richin ri Jeremías 31:27

Chuqa' ri Jehová xubij: Xtapon k'a jun q'ij toq yin xtinchajij ri ruwach'ulew Israel, ri Judá, ri winaqi' y ri chikopi', achi'el nuben jun tikonel.

Deut 7:14

Rix más urtisanik xtiberuya' pan iwi' chikiwech ch'aqa' chik tinamit; man xtibek'oje' ta jun ixoq ri man nik'oje' ta ral, y chuqa' man jun achin ri man ta nalk'ualan, y chuqa' chikikojol ri iwawej man xkek'oje' ta ri man ye'alan ta.

Wuj Richin ri Isaías 62:4

Man xtibix ta chik chire, jun tinamit ri xtole' kan. Ni chuqa' man xtikibij ta chik chi kan xk'is. Jak'a kan xtibix chire chi kan jebel ok, y kan achi'el rixjayil, roma ri Jehová kan xtujoyowaj ruwech, y ri ruwach'ulew kan xtok achi'el jun rixjayil.