Deut 30:8 - Kaqchiquel Bible

⁸ Rix kan xtitzolej ri iwánima rik'in ri Jehová y kan xtinimaj ri ruch'abel y kan xtitaqej ri pixa' ri ya'on chiwe.

Deut 30:8 ပူးပေါင်းရင်းမြစ်များ

Efesios 2:16

Rik'in ri rukamik, ri Cristo xuben chiqe chi junan qawech xqaben roj judío iwik'in rix ri man ix judío ta. Y xuben k'a chiqe qonojel chi naqaj ojk'o-wi rik'in ri Dios.

Ez 36:27

Y kan xtik'oje' k'a ri nu-espíritu iwik'in richin niwajo' xtitaqej ronojel ri nupixa'.

Filipenses 2:13

Roma ri Dios jari' ri nisamej pa taq iwánima, y nuya' ri rayibel chiwe chi niben ri niqa' chuwech rija'. Y kan nuya' chuqa' iwuchuq'a' richin yixtikir niben.

Ez 37:24

Xtipe k'a jun rey achi'el ri q'asen David, ri nusamajel ri xtiq'aton-tzij pa kiwi' y rija' xtichajin kichin achi'el nuben jun yuq'unel. Y rije' kan jebel xtikinimaj ri nupixa'.

Wuj Richin ri Jeremías 31:33

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri' y kan xtinben richin xtibek'oje' ri nupixa' pa taq kánima. Chupan ri q'ij ri' yin xkinok ki-Dios y rije' xke'ok nutinamit.

Deut 30:2

jari' toq rix y ri iwalk'ual xkixtzolej chik pe rik'in rija' y kan rik'in ronojel iwánima y ronojel ik'u'x xtinimaj chik ri ruch'abel, achi'el re xinbij chiwe re wakami.

Wuj Richin Etamabel-Tzij 16:1

Kan pa ruch'obonik wi k'a ri wineq nipe-wi ri achike nrajo' nuben; jak'a richin chi nibanatej ronojel ri', k'a ja na ri Jehová nibin wi nibanatej o ni.

Deut 30:7

Rija' xtuya' k'a ronojel re itzel oyonik pa kiwi' ri etzelanel iwichin, y pa kiwi' ri xeyakatej chiwij rik'in koyowal.

Deut 30:9

Ri Jehová ri qa-Dios xtuben chiwe chi ronojel k'a ri xtiben, kan utz xtel chiwech, y kan xtuya' k'a urtisanik pa kiwi' ri iwalk'ual y pa kiwi' ri iwawej y pa ruwi' ri itiko'n richin utz yixk'ase'. Y ri Jehová kan xtikikot iwik'in, roma ri' ronojel ri xtuben iwik'in kan ja ri utz, achi'el xuben kik'in ri qati't-qamama'.

Wuj Richin ri Jeremías 36:3

Rik'in juba' xtikak'axaj ta ri awinaq ri itzel ri ninch'ob richin ninya-pe pa kiwi' y nitzolin ta pe kik'u'x chikijujunal rije' chupan ri itzel laj bey ri kik'uan kan. K'ari' yin xtinkuy ri itzel taq kibanobal y ri kimak, xcha' chuwe.