Deut 30:20 - Kaqchiquel Bible

²⁰ Kan tiwajo' k'a ri Jehová ri qa-Dios rik'in ronojel iwánima y kan tinimaj ri nubij y kan titzeqelibej k'a; roma pa ruq'a' rija' k'o-wi ri k'aslen, richin yixk'ase' k'iy juna' pa ruwach'ulew ri xujikiba' chike ri qati't-qamama', ri Abraham, ri Isaac y ri Jacob, xcha'.

Deut 30:20 ပူးပေါင်းရင်းမြစ်များ

Deut 10:20

Kan chuwech k'a ri Jehová ri qa-Dios tiqaxibij-qi' y kan xaxe rija' tiqaya' ruq'ij y tiqasamajij. Y pa rubi' k'a rija' xtiqaya' ri qatzij.

Hechos 17:25

Chuqa' ri winaqi' man yetikir ta nikito' ri Dios, roma xa kan ja ri Dios ri nito'on richin ri wineq, y rija' ri niya'on qak'aslen, ri kaq'iq' ri niqajiq'aj, y ronojel ri ch'aqa' chik.

San Juan 17:3

Ri k'aslen ri man k'isel ta, ja ri niketamaj awech rat nata' Dios, y chuqa' niketamaj nuwech yin Jesús ri Cristo, ri xinateq-pe wawe' chuwech re ruwach'ulew.

Hechos 17:28

Roma rija' k'o qak'aslen, roma rija' yojsilon, y roma chuqa' rija' re ojk'o. Kan achi'el k'a kibin ri bixanela' ri ek'o iwik'in, chi roj kan oj ralk'ual k'a chuqa' ri Dios.

San Juan 14:6

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.

Wuj Richin Bix Chire ri Dios 66:9

Ja rija' ri yoyon qak'aslen, y kan nuben k'a chiqe richin man yojilijo' ta.

Wuj Richin Bix Chire ri Dios 36:9

Roma kan awik'in rat k'o-wi ri tz'ukubel-ya' richin k'aslen; ri asaqil rat nusaqirisaj ri qak'aslen roj.

Wuj Richin ri Josúe 23:8

Kan ja ri Jehová ri qa-Dios ri xtitzeqelibej, achi'el ri qabanon-pe k'a re wakami.

Deut 10:12

Wakami k'a nuwinaq, ri Jehová ri qa-Dios jare' ri nuk'utuj chiqe: Kan tiqaya' rejqalen, kan tiqatzeqelibej ri bey ri niqa' chuwech rija'. Kan tiqajo' y kan tiqaya' ruq'ij-ruk'ojlen rik'in ronojel qánima y chijun ri qak'aslen.

Deut 5:16

Tiya' kiq'ij ri ite-itata', richin k'iy k'a juna' xkixk'ase-el y utz xkixbe chuwech re ruwach'ulew ri ninya' yin Jehová ri i-Dios chiwe.

Deut 4:40

Roma ri' kan titaqej k'a ri rupixa' ri ninya' chiwe wakami, richin chi utz yixk'ase' rix y ri iwijatzul; y kan xkixk'ase' k'iy juna' chuwech ri ruwach'ulew ri xtuya' chiwe ri Jehová ri qa-Dios richin jantape', xcha' ri Moisés.

Wuj Richin Bix Chire ri Dios 27:1

Ja ri Jehová ri saqil y kolotajik chire ri nuk'aslen. ¿Achoq chuwech ta k'a xtinxibij-wi'? Ja ri Jehová nichajin ri nuk'aslen. ¿Achike ta k'a roma xkik'ark'ot-qa?

Apocalipsis 22:17

Y ri Loq'olej Espíritu y ri k'o chi xtik'ule' rik'in ri Jesucristo, nikibij: Katanpe, yecha'. Y konojel ri ye'ak'axan, kan tikibij chuqa': Katanpe, kecha'. Y ri nichaqi'j ruchi', tipe y tuqumu ruya' ri niya'on k'aslen, ri maneq rajel.

Gálatas 2:20

Roma toq ri Cristo xkamisex, yin achi'el ta kan xiken rik'in. Y roma ri' re nuk'aslen re k'o wakami, man wichin ta yin, xa kan richin ri Cristo ri k'o pa wánima. Y ronojel k'a ri ninben-el chuwech re ruwach'ulew, xtinben k'a roma kan rik'in ri Cristo ri ruk'ajol ri Dios nukuquban-wi nuk'u'x; ri Cristo ri najowan wichin, y xuya' chuqa' ri' richin xkamisex woma.

Hechos 11:23

Toq ri Bernabé xapon, xutz'et k'a chi ri Dios kan ruya'on-wi k'a ruq'a' pa ruwi' ri kisamaj ri qach'alal. Roma ri' janila xkikot ránima ri Bernabé, y xubij k'a chike konojel chi kan tikuqer kik'u'x rik'in ri ajaw Jesucristo, y chi kan rik'in ronojel kánima kek'oje' rik'in.

Deut 11:9

Richin keri' kan xtiyaloj ri ik'aslen chuwech ri jebelej ruwach'ulew ri rusujun ri Jehová chike ri qati't-qamama' y chiwe rix ri ix kijatzul.

Deut 6:5

Kan tiwajo' k'a ri Jehová ri qa-Dios rik'in ronojel iwánima y rik'in ronojel ik'u'x, chupan chijun ri ik'aslen.

Deut 4:4

Jak'a chi'iwonojel rix ri kan xitzeqelibej ri Jehová ri qa-Dios, jare' k'a ix k'es na re wakami.

Apocalipsis 21:6

Ronojel xk'achoj yan. Ja yin ri xitikeriban-pe y ja yin ri xik'ison pa ruwi'. Y ri nichaqi'j ruchi', yin xtinsipaj ruya' ri elesan-pe pa jun alaxibel-ya' richin k'aslen.

Romanos 12:9

Kan kixajowan k'a rik'in ronojel iwánima. Tiwetzelaj ri man utz ta y tiwojqaj ri utz.

Deut 30:16

Roma ri' ninbij chiwe wakami chi tiwajo' ri Jehová ri qa-Dios y kan titzeqelibej ri rubey y titaqej chuqa' ri rupixa', richin chi yixk'ase' y yixwinaqir, y ri Jehová ri qa-Dios xkixrurtisaj k'a chupan ri ruwach'ulew ri akuchi xkixberuya-wi.

Deut 30:6

Ri Jehová ri qa-Dios xtuya' ri retal ri rujikibel-tzij pa taq iwánima y keri' chuqa' xtuben rik'in ri kánima ri iwijatzul, richin kan xtiwajo' rija' rik'in ronojel iwánima y chijun ik'aslen, richin keri' kan xkixk'ase'.

Apocalipsis 22:1

Y k'ari' ri ángel ri uk'uayon wichin xuk'ut jun ch'ajch'ojilej raqen-ya' chinuwech ri niya'on k'aslen. Ri raqen-ya' ri', chay-chay nitzu'un y nalex-pe ri akuchi k'o-wi ri rutz'uyubal ri Dios y ri Karne'l.

Wuj Richin Bix Chire ri Dios 30:5

Ri royowal rija' kan xaxe k'a jun ti ramaj nuben. Jak'a ri rutzil xa kan man k'isel ta. Stape' k'o oq'ej ri chi'aq'a', toq niseqer-pe kan k'o chik ri kikoten.

Deut 12:10

Kan napon yan k'a ri q'ij chi xtiq'axaj ri raqen-ya' Jordán y xkixbek'oje' chupan ri ruwach'ulew ri xtiberuya' chiwe. Chiri' rija' kan xtuya' k'a uxlanenri'il chiwe pa kiq'a' ri etzelanel iwichin ri ek'o chi'inaqaj, y kan kuqul k'a ik'u'x xkixk'ase'.

Deut 11:22

Wi rix kan xtitaqej pa ruchojmilal ri pixa' ri xinbij chiwe y kan niben ri nubij y kan niwajo' ri Jehová ri qa-Dios, y kan nitzeqelibej ri bey richin rija',

Wuj Richin ri Rutikeribel 12:7

Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.

Wuj Richin ri Rutikeribel 17:1

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

Deut 4:1

Wakami k'a rix nuwinaq, tiwak'axaj k'a ronojel ri nubij ri pixa' re nink'ut chiwech. Kan titaqej k'a, richin xtiwichinaj y richin xkixk'ase' chupan ri ruwach'ulew ri xtuya' chiwe ri Jehová, ri ki-Dios chuqa' ri qati't-qamama'.

Deut 4:6

Kan tik'oje' chi'ik'u'x y kan tibana', rik'in re' kan xtik'ut chikiwech konojel ri winaqi' chi k'o ina'oj y k'o iwetamabal. Rije' xtikak'axaj k'a ronojel re pixa' re' y xtikibij: Kan qitzij chi re winaqi' re' kan k'o-wi kina'oj y kan jebel niq'ax chikiwech ronojel, kan e jun nimalej ruwach'ulew, xkecha'.

Deut 31:1

Ri Moisés kere' k'a xubij chike konojel ri ruwinaq,

Deut 32:47

Roma re ch'abel re' man xabachike ta ri man ta k'o rejqalen. Re' xa kan jare' ri ik'aslen, y roma re pixa' re' kan xkixk'ase' k'iy juna' chuwech ri ruwach'ulew ri xtiya'ox chiwe richin niwichinaj kan ri k'o juk'an chik chire ri raqen-ya' Jordán, xcha'.

Wuj Richin Bix Chire ri Dios 37:3

Takuquba' ak'u'x rik'in ri Jehová, y tabana' ri utz. Man tamalij kan y xk'ase' chupan ri ruwach'ulew.

Wuj Richin ri Chojmirisabelri'il 18:5

Roma ri' kan tiyaka' pan iwánima ri pixa' ri nuya'on chiwe rix ri ix nutinamit. Roma achike k'a ri xtitaqen, kan xtik'ase'. Ja yin Jehová ri yibin.

Deut 1:8

Tiwetamaj k'a chi kan ja yin yiya'on chiwe ri ruwach'ulew, kixok chupan y tichapa' k'a y kan tibana' iwichin chire ri ruwach'ulew ri nuya'on nutzij chire. Yin in Jehová, chi kan chike ri iwati't-imama', Abraham, Isaac y ri Jacob y chiwe rix ri ix kijatzul kan rije' ninya-wi, xcha' ri Jehová, xcha' ri Moisés.

Deut 6:2

Tinimaj k'a ronojel ri pixa' ri ninbij chiwe rix, chike ri iwalk'ual y ri iwiy-imam richin chi niya' ruq'ij ri Jehová ri qa-Dios, y keri' k'iy k'a juna' xkixk'ase' chuwech re ruwach'ulew.

Wuj Richin ri Josúe 23:11

Xaxe k'a ninwajo' ninbij chiwe, chi kan titija' iq'ij richin nichajij-iwi', y kan rik'in k'a ronojel iwánima tiwajo' ri Jehová ri qa-Dios,