Deut 30:2 - Kaqchiquel Bible

² jari' toq rix y ri iwalk'ual xkixtzolej chik pe rik'in rija' y kan rik'in ronojel iwánima y ronojel ik'u'x xtinimaj chik ri ruch'abel, achi'el re xinbij chiwe re wakami.

Deut 30:2 ပူးပေါင်းရင်းမြစ်များ

Wuj Richin ri Nehemías 1:9

Jak'a wi rik'in ronojel iwánima nitzolej-pe ik'u'x wik'in, y nitaqej ri nupixa' y kan niben, stape' ta k'a pa ruk'isibel chire ri ruwach'ulew ix nutalun-wi-el, k'a chiri' xkixinwelesaj-wi-pe richin yixink'uaj chupan ri ruwach'ulew ri nucha'on, ri akuchi utz chi niya'ox-wi nuq'ij, keri' ri abin kan chire rija'.

Wuj Richin ri K'uxla'anik 3:40

Tiqach'obo-qa rij ri bey ri qak'uan; y titzolej k'a pe qak'u'x rik'in ri Jehová.

1 Juan 1:9

Jak'a wi niqaq'alajirisaj ri qamak chuwech ri Dios, rija' kan nukuy-wi, y yojruch'ajch'ojirisaj chire ri man e choj taq banobel ta, roma rija' kan choj, y kan nuben ri nubij.

Efesios 6:24

Y ri rutzil ri Dios xtik'oje' ta k'a iwik'in chi'iwonojel rix, ri rik'in ronojel ik'u'x niwajo' ri qajaw Jesucristo. Kan keri' ta k'a.

2 Corintios 3:16

Jak'a toq nikikuquba' kik'u'x rik'in ri ajaw Jesucristo, jari' toq nelesex-el ri tz'apeyon ri kich'obonik y niq'ax chikiwech.

Wuj Richin ri Zacarías 12:10

Xtinben chike ri e aj pa rachoch kan ri David y ri aj-Jerusalem chi xtipe rayinik kik'in richin yech'on wik'in, y xtik'oje' utzil kik'in. Stape' xkiju' jun kum pa nuch'akul, jak'a kan xkinkitzu' chik jun bey. K'ari' xkebison k'a y xke'oq' k'a woma yin, achi'el xa ta niken jun juney ak'ual.

Os 3:5

Chirij ri' xketzolej chik pe ri israelita, kan xtikikanoj chik k'a ri Jehová ri ki-Dios. Xtikikanoj k'a ri ki-rey chikikojol ri e rijatzul kan ri David. Chupan ri ruk'isibel taq q'ij kan xtikik'en rukiy ri Jehová. Kan xkekikot k'a rik'in ronojel ri rubanon rija' kik'in.

Wuj Richin ri K'uxla'anik 3:32

Stape' xuben chiqe chi xqaq'axaj tijoj-poqonal, xa kan nujoyowaj chik k'a qawech, roma ri rajowabal man jun bey xtik'is.

Wuj Richin ri Jeremías 29:13

Xkinikanoj y kan xkiniwil, roma rix kan xkinikanoj rik'in ronojel iwánima.

Wuj Richin ri Jeremías 4:14

Winaqi' richin Jerusalem, tich'ajch'ojirisaj k'a ri iwánima richin xkixkolotej. Tiya' kan ri itzel taq ich'obonik,

Wuj Richin ri Jeremías 3:10

Man rik'in ri' ri aj-Judá xa xkiben achi'el xkiben ri kach'alal. Xa man xtzolin ta pe kik'u'x wik'in rik'in ronojel kánima. Ja yin Jehová ri yibin.

Wuj Richin Bix Chire ri Dios 119:80

Yin kan in tz'aqet ta k'a chupan ri apixa' ri aya'on rat, richin keri' kan man jun bey ta k'a xkik'ixbitej.

Wuj Richin Bix Chire ri Dios 41:12

Ja k'a yin kan in ato'on roma ri ruchojmilal ri nuk'aslen. Xtaben k'a chuwe richin xkik'oje' chawech rat jantape'.

1 Crón 29:17

Yin wetaman jebel chi rat natzu' ri qach'obonik, y kan yeqa' chawech ri winaqi' toq nikiben pa ruchojmilal. Yin kan rik'in ronojel wánima xinsuj ronojel re' chawe. Y ri atinamit rik'in ronojel ránima xusuj chawe ri xkik'en-pe. Roma ri' janila yikikot.

1 Crón 29:9

Ri winaqi' richin ri tinamit janila xekikot roma rik'in ronojel kánima xkiya-apo ronojel re' chire ri Jehová. Chuqa' ri rey David janila xkikot.

Deut 13:3

kan man tinimaj k'a rutzij jun wineq keri'. Roma ri Jehová ri qa-Dios xa yixrutejtobej richin nutz'et wi kan qitzij niwajo' rija' rik'in ronojel iwánima, chupan chijun ik'aslen.

Deut 6:5

Kan tiwajo' k'a ri Jehová ri qa-Dios rik'in ronojel iwánima y rik'in ronojel ik'u'x, chupan chijun ri ik'aslen.

2 Crón 30:9

Wi rix kan xtitzolin-pe ri iwánima rik'in ri Dios, rija' xtuben chi ri ye'etzelan iwichin xtikijoyowaj k'a kiwech ri iwach'alal y ri iwalk'ual, y kan xkekiteq k'a pe chupan re ruwach'ulew re'. Kere' xtuben ri Jehová ri qa-Dios roma rija' kan koch'onel-wi y xtujoyowaj iwech. Y kan xkixrak'axaj chik, wi rix kan xtitzolin-pe ik'u'x rik'in, xcha-el.

Wuj Richin Bix Chire ri Dios 119:2

Jebel ruwa-kiq'ij ri kan nikitaqej ri ruk'utun kan ri Dios, ri kan rik'in ronojel kánima nikikanoj.

Wuj Richin ri Jeremías 36:3

Rik'in juba' xtikak'axaj ta ri awinaq ri itzel ri ninch'ob richin ninya-pe pa kiwi' y nitzolin ta pe kik'u'x chikijujunal rije' chupan ri itzel laj bey ri kik'uan kan. K'ari' yin xtinkuy ri itzel taq kibanobal y ri kimak, xcha' chuwe.

Ez 6:9

Y rije' kan xkinoqaqa k'a chikik'u'x toq juk'an chik chire re ruwach'ulew ek'o-wi. Kan xtoqaqa k'a chikik'u'x chi janila kisokon ri wánima roma man xkiben ta ri xinbij chike y chuqa' roma xkich'er kan ki' wik'in y xekitzeqelibej ch'aqa' chik dios. Y k'ari' itzel xtikina-qa roma ri itzel taq kibanobal ri xekibanala'.

Wuj Richin ri Chojmirisabelri'il 26:40

Stape' ri iwijatzul, xtikiya' chikij ri itzel taq kibanobal rije' y chuqa' ri kichin ri kite-kitata', roma konojel rije' man xkinimaj ta nutzij; y xa xkipaba-ki' chinuwech.