Deut 30:19 - Kaqchiquel Bible

¹⁹ Chupan re q'ij re' kan chuwech k'a ri kaj y ri ruwach'ulew ninbij chiwe chi ninya' chiwech ri k'aslen o ri kamik, ri urtisanik o ri etzelanik. Kan ticha' k'a ri k'aslen, richin chi yixk'ase' rix y ri iwijatzul.

Deut 30:19 ပူးပေါင်းရင်းမြစ်များ

Deut 30:15

Titz'eta', wakami kan ninya' chiwech ri k'aslen o kamik, ri utz o ri ruk'ayewal.

Deut 11:26

Chupan k'a re q'ij re' ninya' chiwech richin nicha' chukojol ri urtisanik y ri etzelanik.

Wuj Richin Bix Chire ri Dios 119:30

Yin kan ja ri bey ri awichin rat ri xincha'. Kan ja ri apixa' ri ninwajo' nintzeqelibej.

Wuj Richin Etamabel-Tzij 8:36

Jak'a ri wineq ri xa man yirukanoj ta y xa yirujech'ej kan, nroyoj k'a ruk'ayewal pa ruwi', roma ri wineq ri man najowan ta wichin, xa kan nrajo' wi ri kamik, keri' k'a ri ch'abel ri nubij ri na'oj.

Deut 30:1

Xinbij yan chiwe ronojel ri urtisanik y ronojel ri etzelanik ri xtik'uluwachij. Y wi rix man nikuquba' ta ik'u'x, kan xkixrutaluj k'a el chuwech re ruwach'ulew. Jak'a wi xtoqaqa chi'ik'u'x,

San Lucas 10:42

Jak'a xaxe jun ri más nik'atzin y más utz, y jari' ri xucha' ri María. Y ri xucha' rija', man jun xtelesan chire, xcha'.

1 Timoteo 5:21

Chuwech ri Dios y chuwech ri ajaw Jesucristo y chikiwech ri ángel ri e cha'on roma ri Dios, kan ninbij k'a chawe rat Timoteo, chi tabana' ronojel re' kik'in ri qach'alal, y man jun rukojol taben.

Wuj Richin ri Jeremías 32:39

Xtinben k'a chike richin xtinjel ri kánima y ri kich'obonik richin nikiya' nuq'ij richin jantape' y keri' xkek'ase' k'a el chi utzil; rije' y ri kalk'ual chik rije'.

Deut 4:26

Roma ri' kan chikiwech k'a ri kaj y ri ruwach'ulew ninbij, wi keri' xtiben, kan xkixken. Man k'iy ta k'a q'ij xkixk'ase' chiri' y xa kan xkixk'is k'a el.

Wuj Richin Bix Chire ri Dios 119:173

Rat kan jantape' ta k'a xkinato', roma yin kan ja ri apixa' ri nutaqen.

Hechos 2:39

Roma jare' ri rusujun ri Dios, man xaxe ta chiwe rix, ni chike ri iwalk'ual, xa kan chike k'a konojel winaqi' ri ek'o nej-naqaj; roma konojel k'a re' e oyon roma ri qajaw Dios, xcha' ri Pedro.

Deut 31:28

Wakami k'a, ke'imolo-pe re wawe' chinuwech yin ri achi'a' ri k'o kiq'ij ri ek'o chupan konojel ri tzobaj, y chuqa' ri samajela' ri e richin ri tinamit, richin keri' kan xtinq'alajirisaj k'a chuqa' chike rije' re ch'abel re'. Y ri kaj y ri ruwach'ulew kan xtikitz'et k'a ronojel re'.

Wuj Richin Bix Chire ri Dios 119:111

Yin kan nubanon chire ri apixa' chi jari' ri wichinan kan richin q'asen, roma kan nuya' kikoten pa wánima.

Deut 32:1

Tawak'axaj k'a rat kaj ri xtinbij, tawak'axaj chuqa' rat ruwach'ulew ri nuch'abel.

Wuj Richin ri Isaías 1:2

Tawak'axaj k'a rat kaj, tawak'axaj k'a rat ruwach'ulew, roma ri Jehová nibech'on y niberubij: Xenk'iytisaj walk'ual, jak'a rije' xa xeyakatej chuwij.

Wuj Richin Etamabel-Tzij 1:29

Y kere' xtik'uluwachij roma xa xiwetzelaj ri tijonik, y roma chuqa' kan maneq chik rukiy ri Dios chiwech.

Wuj Richin ri Isaías 56:4

Yin ninjikiba' nutzij chi wi ri eunuco nikichajij ri q'ij richin uxlanenri'il y kan nikiben ri ninbij yin, y kan nikitaqej ri ya'on-tzij ri ninben kik'in,

Wuj Richin ri Rutikeribel 2:17

Xaxe ri che' ri niya'on etamabel richin ri utz y ri itzel man tatej, roma ri q'ij toq xtatej, kan xkaken, xcha'.

Deut 4:1

Wakami k'a rix nuwinaq, tiwak'axaj k'a ronojel ri nubij ri pixa' re nink'ut chiwech. Kan titaqej k'a, richin xtiwichinaj y richin xkixk'ase' chupan ri ruwach'ulew ri xtuya' chiwe ri Jehová, ri ki-Dios chuqa' ri qati't-qamama'.

Deut 4:6

Kan tik'oje' chi'ik'u'x y kan tibana', rik'in re' kan xtik'ut chikiwech konojel ri winaqi' chi k'o ina'oj y k'o iwetamabal. Rije' xtikak'axaj k'a ronojel re pixa' re' y xtikibij: Kan qitzij chi re winaqi' re' kan k'o-wi kina'oj y kan jebel niq'ax chikiwech ronojel, kan e jun nimalej ruwach'ulew, xkecha'.

Deut 30:16

Roma ri' ninbij chiwe wakami chi tiwajo' ri Jehová ri qa-Dios y kan titzeqelibej ri rubey y titaqej chuqa' ri rupixa', richin chi yixk'ase' y yixwinaqir, y ri Jehová ri qa-Dios xkixrurtisaj k'a chupan ri ruwach'ulew ri akuchi xkixberuya-wi.

Wuj Richin ri Jeremías 21:8

Ri Jehová chuqa' xubij chuwe chi tinya' re jun rutzijol re' chike ri winaqi' y xubij: Ninya' chiwech richin nicha' ri bey richin k'aslen o ri bey richin kamik.

Deut 4:25

Toq rix ek'o chik iwalk'ual, iwiy-imam y xixrijix yan chupan ri ruwach'ulew ri', man ke'ibanala-q'anej wachibel e paban o xabachike wachibel ri man niqa' ta chuwech ri qa-Dios richin man niyek royowal.

Deut 6:2

Tinimaj k'a ronojel ri pixa' ri ninbij chiwe rix, chike ri iwalk'ual y ri iwiy-imam richin chi niya' ruq'ij ri Jehová ri qa-Dios, y keri' k'iy k'a juna' xkixk'ase' chuwech re ruwach'ulew.

Deut 31:17

Y chupan ri q'ij ri' ri nuq'aq'alen kan xtiqaqa k'a pa kiwi'. Kan xkenmalij k'a kan y man xkento' ta chik. Y kan xtipe k'a k'iy ruk'ayewal y tijoj-poqonal pa kiwi' k'a toq xkenk'is. K'ari' rije' xtikik'utuj ri achike roma maneq chik ri Jehová kik'in y achike roma qajineq re ruk'ayewal re' pa kiwi'.

Wuj Richin Etamabel-Tzij 9:11

Woma k'a yin ri na'oj, ri wineq kan xkerukochij k'iy ruq'ij chuwech re ruwach'ulew, y ri rujuna' kan pa ruk'iyal k'a xkeruben-q'anej.

Wuj Richin Etamabel-Tzij 12:28

Chupan k'a ri rubey ri wineq ri choj, kan nilitej-wi k'aslen; jak'a chupan ri rubey ri wineq ri nuben xaxe ri nrajo' rija', nilitej kamik.

Wuj Richin ri Jeremías 42:21

Wakami yin xinq'alajirisaj chiwech, jak'a rix man ninimaj ta rutzij ri Jehová ri qa-Dios, ri xubij chuwe richin xinbij chiwe.

Ez 20:11

Y chiri' xinya-wi chike ri ruchojmilal y ri pixa', roma ri' ri wineq ri xtutaqej kan xtik'ase' k'iy juna'.