Deut 30:18 - Kaqchiquel Bible

¹⁸ wi keri' xtiben, yin kan ninbij k'a chiwe chi kan xkixken chi'anin. Y kan man xkixyaloj ta el chuwech ri ruwach'ulew ri'.

Deut 30:18 ပူးပေါင်းရင်းမြစ်များ

Deut 4:26

Roma ri' kan chikiwech k'a ri kaj y ri ruwach'ulew ninbij, wi keri' xtiben, kan xkixken. Man k'iy ta k'a q'ij xkixk'ase' chiri' y xa kan xkixk'is k'a el.

Deut 31:29

Roma yin wetaman chi toq xa in kamineq chik el, rix xkixyojtej jumul. Kan xtiya' kan ri bey ri xinbij chiwe ri k'o chi niwojqaj, y wetaman chuqa' ri xtipe chiwij ri chiwech-apo. Kan xtipe k'a ruk'ayewal pan iwi', roma kan itzel ri ibanobal chuwech ri Jehová, y niben chire richin nipe royowal roma ronojel ri xtiben, xcha' ri Moisés.

Wuj Richin ri Q'axanri'il 32:15

Y wi rix man niwajo' ta nitzeqelibej ri Jehová, rija' xtuben chiwe richin yixtzolej chik pa tz'iran ruwach'ulew iwoma k'a rix xkek'is ri qawinaq israelita, xcha'.

Deut 30:17

Jak'a wi man xtinimaj ta ronojel re pixa' re', y kan xtich'er kan iwi', richin yixxuke' chikiwech ch'aqa' chik dios y ye'isamajij chuqa',

Deut 4:25

Toq rix ek'o chik iwalk'ual, iwiy-imam y xixrijix yan chupan ri ruwach'ulew ri', man ke'ibanala-q'anej wachibel e paban o xabachike wachibel ri man niqa' ta chuwech ri qa-Dios richin man niyek royowal.

Deut 31:17

Y chupan ri q'ij ri' ri nuq'aq'alen kan xtiqaqa k'a pa kiwi'. Kan xkenmalij k'a kan y man xkento' ta chik. Y kan xtipe k'a k'iy ruk'ayewal y tijoj-poqonal pa kiwi' k'a toq xkenk'is. K'ari' rije' xtikik'utuj ri achike roma maneq chik ri Jehová kik'in y achike roma qajineq re ruk'ayewal re' pa kiwi'.

Deut 31:21

Y toq xtipe k'a k'iy ruk'ayewal y tijoj-poqonal pa kiwi', jari' toq re jun bixanik re' xtuq'alajirisaj chikipalej ri winaqi' ri nubin chik kan yin. Y re bix re' kan man xtimestex ta koma ri kijatzul roma kan wetaman chik achike chi ch'obonik ri k'o kik'in rije', y xa k'a man jani kenkusaj-apo chupan ri ruwach'ulew, ri kan nuya'on chik nutzij chi kan ninya' chike, xcha' ri Jehová.