Deut 30:13 - Kaqchiquel Bible

¹³ Ni man xkixtikir ta xtibij: ¿Achike ta k'a xtiq'axan la palou la' xaxe qoma roj richin nuq'axaj-pe chiqe ri pixa' y nusik'ij chiqawech richin keri' roj kan xtiqaben ri nubij?, xkixcha' ta.

Deut 30:13 ပူးပေါင်းရင်းမြစ်များ

Hechos 16:9

chupan ri aq'a' ri' ri Pablo xutz'et k'a pa jun achik', chi k'o jun achin aj pa ruwach'ulew Macedonia ri pa'el-apo chuwech. Y ri achin ri' nubij k'a chire: Tabana' utzil, kaq'ax qik'in pa Macedonia, y qojato', xcha' chire.

Hechos 10:33

Roma ri' kan jari' xinteq akanoxik, y matiox k'a chi kan xape. Y kan chuwech wi k'a ri Dios ojk'o-wi qonojel re qamolon-qi' wawe', y niqajo' k'a niqak'axaj ri xtaq'alajirisaj chiqawech, ri kan ja ri Dios biyon chawe richin taq'alajirisaj rat, xcha' ri Cornelio chire ri Pedro.

Hechos 10:22

Ri achi'a' xkibij k'a chire ri Pedro: Jun aj-raqen pa kiwi' jun tzobaj aj-labal rubini'an Cornelio oj rutaqon k'a pe chi'awoyoxik. Y re achin k'a re' jun achin choj ruk'aslen, jun achin ri nuxibij-ri' nimakun chuwech ri Dios. Konojel ri awinaq judío janila nikajo'. Y k'o k'a jun loq'olej ángel ri xoch'on rik'in, y re ángel re' xubij kan chire chi karoyoj rat, y trak'axaj ri achike xtabij chire. Roma ri' xojpe chi'awoyoxik, xecha'.

San Juan 6:27

Kan kixsamej k'a, jak'a man richin ta chi nich'ek ri wey ri xa nik'is. Xa kan kixsamej richin nich'ek ri wey ri nuya' ik'aslen ri man k'isel ta, wey ri xtinya' chiwe, yin ri xiqaqa-pe achi'el wineq chi'ikojol. Y ja yin ri xiruteq-pe ri nata' Dios, richin ninben re samaj re', xcha'.

San Mateo 12:42

Chuqa' toq xtapon k'a ri q'ij richin xtiq'at-tzij pan iwi', ri reina richin ri ruwach'ulew Sabá xtubij k'a chi man utz ta xiben, chi man xinimaj ta. Roma toq xk'ase' rija', janila nej xbiyin-pe richin xorak'axaj ri etamabel ri xk'oje' rik'in ri rey Salomón. Y wakami ink'o yin ri más wetamabal chuwech ri rey ri', jak'a xa man yininimaj ta, xcha' ri Jesús.

Wuj Richin Etamabel-Tzij 16:6

Ri wineq ri kan qitzij nutzeqelibej ri Dios y man numalij ta kan, kan xtikuyutej rumak, y wi kan xtunimaj rutzij ri Dios, man jun itzel xtuk'uluwachij.

Wuj Richin Etamabel-Tzij 8:11

Ri na'oj kan más rejqalen chikiwech ri wiqobel ri e banon rik'in q'anapueq y saqipueq, y ronojel ri rayixel man tikirel ta chuqa' chi nijunamex rik'in ri na'oj.

Deut 30:12

ni man k'a chila' chikaj ta k'o-wi richin ta xtibij: ¿Achike ta k'a xtitikir xtijote-q'anej k'a chikaj qoma roj, richin chi nuqasaj ta pe chiqe ri pixa' y nusik'ij ta chiqawech richin keri' roj kan xtiqaben ri nubij?, xkixcha' ta.

Deut 30:14

Man keri' ta, roma ri ch'abel kan naqaj chiqe roj k'o-wi, kan qetaman chik y k'o chik pa taq qánima richin niqataqej.