Deut 3:8 - Kaqchiquel Bible

⁸ Chupan k'a ri q'ij ri' xqak'en kan kulew ri e ka'i' rey kichin ri amorreo. Ri kiruwach'ulew k'o pa relebel-q'ij chire ri raqen-ya' Jordán: Nitiker-el rik'in ri raqen-ya' Arnón y napon k'a pa xaman chire ri juyu' Hermón,

Deut 3:8 ပူးပေါင်းရင်းမြစ်များ

1 Rey 4:19

Ri Guéber ruk'ajol ri Urí ja rija' ri xk'oje' pa ruwi' ri ruwach'ulew Galaad. Ojer kan ri ruwach'ulew ri' xk'oje' pa ruq'a' ri Sihón ri rey kichin ri amorreo, y ri Og rey richin ri Basán. Y pa ruwi' ronojel re' k'o chuqa' jun ri aj-raqen pa ruwi' ri ruwach'ulew Judá.

1 Crón 5:23

Ri nik'aj chire ri tzobaj richin ri Manasés ri ek'o pa relebel-q'ij chire ri raqen-ya' Jordán kan janila k'a xewinaqir; xkiq'atapuj k'a ri ruwach'ulew, nitiker-el rik'in Basán y napon k'a pa Baal-hermón, ri nibix chuqa' Senir y juyu' Hermón chire.

Wuj Richin Bix Chire ri Dios 42:6

Ink'o wawe' akuchi nitiker-wi-el ri raqen-ya' Jordán, pa juyu' Hermón y ri Misar. Janila yibison, y roma ri' kan janila yatinquqa' rat.

Wuj Richin Bix Chire ri Dios 42:7

Nak'axatej k'a ri ya' ri nichoxin-pe y nik'oxoman chupan ri nimalej taq siwan, ri janila chi ya' ri nateq-pe rat Jehová, kan xik'o pa nuwi' yin.

Wuj Richin Bix Chire ri Dios 89:12

nitiker-pe pa xaman y napon k'a pa xokon. Ri juyu' Tabor y ri Hermón kan yebixan rik'in kikoten richin nikiya' aq'ij.

Deut 4:47

Keri' xok k'a kan kichin ri israelita ri kiruwach'ulew kan ri rey Sihón, y ri Og, rey richin ri Basán.

Deut 4:48

Re ruwach'ulew re' nitiker-el pa tinamit Aroer ri k'o chuchi' ri raqen-ya' Arnón, y napon k'a pa xaman rik'in ri juyu' Sirión ri nibix chuqa' Hermón chire;

Wuj Richin ri Josúe 12:1

Toq ri Moisés k'a k'es na, jari' toq ri winaqi' israelita xekich'ek ri e ka'i' rey ri yeq'aton-tzij pa ruwi' ri ruwach'ulew ri k'o pa taq'aj chire ri relebel-q'ij chire ri raqen-ya' Jordán, y chuqa' ri chuwi' taq juyu' ri nitiker-el rik'in ri ch'uti'n raqen-ya' Arnón y napon k'a pa juyu' Hermón.

Wuj Richin ri Josúe 13:8

Ri tzobaj richin ri Rubén, ri Gad y ri nik'aj chik tzobaj richin ri Manasés, kan kik'ulun chik k'a kan ri kulew pa ruq'a' ri Moisés ri rusamajel ri Jehová. Y ri ruwach'ulew ri' k'o pa relebel-q'ij chire ri raqen-ya' Jordán.