Deut 3:6 - Kaqchiquel Bible

⁶ Kan xeqak'is k'a konojel ri tinamit, chi achi'a', chi ixoqi', chi ak'uala' xeqakamisaj, achi'el xqaben toq xeqak'is ri Sihón rey richin Hesbón y konojel ri ruwinaq.

Deut 3:6 ပူးပေါင်းရင်းမြစ်များ

Deut 2:34

Y k'ari' xojok k'a chupan ronojel ri kitinamit y xeqak'is konojel; xeqakamisaj kan chi achi'a' chi ixoqi', chi ak'uala'. Y man jun xqak'asba' kan.

Deut 2:24

Y ri Moisés xubij: Ri Jehová xubij chuwe chi tiqachapa' chik k'a el bey y tiqaq'axaj la raqen-ya' Arnón, roma rija' rujachon chik pa qaq'a' ri Sihón ri rey kichin ri amorreo ri k'o pa tinamit Hesbón. Y xubij chuqa' chi tiqabana' k'a labal kik'in richin yojok kan chuwech ri ruwach'ulew richin niqichinaj kan.

Wuj Richin ri Josúe 11:14

Y ri Josué y ri achi'a' xok kichin ronojel ri ek'o chupan ri tinamit ri xekich'ek, y chuqa' ronojel ri awej ri xekil chupan ri tinamit ri'; jak'a konojel ri winaqi' xekikamisaj chi espada, y kan man jun xk'ase' kan chike,

Deut 3:2

K'ari' ri Jehová xubij chuwe: Man tixibij-iwi' chikiwech, roma xa xinjech yan pan iq'a' ri rey, ri e aj-labal, y chijun ri ruwach'ulew. Tibana' k'a achi'el xiben chire ri Sihón rey kichin ri amorreo, ri xek'oje' pan Hesbón, xcha' chuwe.

Wuj Richin ri Q'axanri'il 21:2

Y xeri' ri israelita kan xkibij k'a chire ri Jehová, chi wi xkerujech ri winaqi' ri' pa kiq'a', kan xkekik'is ri kitinamit.

Deut 1:4

Y re' xubij ri Moisés toq xeruch'ek yan kan ri Sihón ki-rey ri winaqi' amorreo ri chiri' pa tinamit Hesbón, y ri Og rey richin ri ruwach'ulew Basán ri chiri' pa tinamit Edrei y Astarot.

Deut 3:5

Ronojel k'a re tinamit re' e sutin-kij rik'in nimaq taq tz'aq, ri kichi' kan jebel e tz'apen y kan e q'ebalon ch'ich' chirij. Ek'o chuqa' ch'aqa' chik tinamit ri man xe'ajlex ta, y man e sutin ta kij chi tz'aq.

Deut 29:6

Stape' kan man k'a itijon ta kaxlan-wey y man iqumun ta vino y ni ta jun chik ruwech ya' ri ch'amirineq chik ri niq'abarisan, jak'a ri Dios kan ruya'on iway más utz, y re' richin chi niwetamaj chi ri Jehová jari' ri qa-Dios.