Deut 3:5 - Kaqchiquel Bible

⁵ Ronojel k'a re tinamit re' e sutin-kij rik'in nimaq taq tz'aq, ri kichi' kan jebel e tz'apen y kan e q'ebalon ch'ich' chirij. Ek'o chuqa' ch'aqa' chik tinamit ri man xe'ajlex ta, y man e sutin ta kij chi tz'aq.

Deut 3:5 ပူးပေါင်းရင်းမြစ်များ

Hebreos 11:30

Toq rije' xe'apon pa tinamit Jericó, kan kuqul kik'u'x xesutin wuqu' q'ij chirij ri nimalej tz'aq ri tz'apeyon richin ri tinamit roma ri' ri tz'aq ri' xtzaq.

Deut 1:28

Wakami k'a ¿Akuchi k'a xqojbe-wi? Ri qawinaq ri xeqateq xojokixibij y xkibij chiqe chi ri winaqi' ri ek'o chiri' kan más kuchuq'a' y más nima'q kipalen chiqawech roj y ri kitinamit kan janila e nima'q, y e sutin-kij rik'in tz'aq ri kan janila nej e jotol chikaj. Y chuqa' xkibij chiqe chi xekitz'et kan ri e rijatzul ri Anac. Y roma ri' xqamalij qak'u'x, xixcha'.

Wuj Richin ri Q'axanri'il 13:28

Jak'a ri winaqi' ri e chapayon ri ruwach'ulew ri', janila kuchuq'a'; y ri tinamit janila e nima'q y e tz'apen-kij chi tz'aq; y ri chiri' xeqatz'et chuqa' kan ri e rijatzul kan ri Anac, ri janila nima'q kipalen.

Deut 3:4

Xeqach'ek k'a oxk'al tinamit y chijun ri ruwach'ulew richin Argob.

Deut 3:6

Kan xeqak'is k'a konojel ri tinamit, chi achi'a', chi ixoqi', chi ak'uala' xeqakamisaj, achi'el xqaben toq xeqak'is ri Sihón rey richin Hesbón y konojel ri ruwinaq.

1 Sam 6:18

Y ri ch'oy ri xkiben rik'in q'anapueq xekiben achi'el ri kajlabal ri wo'o' tinamit ri' rik'in ri kokoj taq kitinamit. Ri nimalej abej ri achoq pa ruwi' xya'ox-wi ri káxa richin ri rujikibel-tzij ri Jehová, k'o pa Bet-semes pa rujuyu' ri Josué y k'a niq'alajin na k'a chikiwech ri winaqi'.

Wuj Richin ri Nehemías 9:25

Y rije' xekich'ek chuqa' ri tinamit ri e sutin-kij chi tz'aq y ulew richin tiko'n. Chuqa' xok kan kichin ri kachoch ri winaqi' aj chiri', jay e nojineq rik'in beyomel. Chuqa' xok kan kichin ri ralaxbel taq ya', utzilej taq qejoj ri tikon uva y che' olivo, chuwech y ronojel che' ri nuya' ruwech. Xkitej k'a ronojel ri' y janila k'a xeti'ojir. Y xekikot k'a roma ri awutzil rat.

Ester 9:19

Konojel ri ch'aqa' chik judío ri ek'o pa ronojel tinamit y ri kokoj taq tinamit ri man e sutin ta kij chi tz'aq, rije' yenimaq'ijun ri q'ij kajlajuj chire ri ik' Adar. Rik'in janila kikoten xenimaq'ijun; xkibanala' nima-wa'in y xesipalon chikiwech rije'.