Deut 3:28 - Kaqchiquel Bible

²⁸ Xaxe k'a tabij chire ri Josué chi tutija' ruq'ij y tukuquba' ruk'u'x, roma ja rija' xtuk'uan richin ri tinamit y ja rija' xtibejachon ri ruwach'ulew chikiwech ri winaqi' ri xtabetz'eta' kan, xcha' ri Jehová chuwe.

Deut 3:28 ပူးပေါင်းရင်းမြစ်များ

Deut 31:3

Kan ja rija' ri xtinabeyej-el chiwech richin yixq'ax-apo y kan chiwech k'a rix xkeruk'is-el ri winaqi' ri ek'o chupan ri ruwach'ulew ri', richin xtok iwichin rix. Chuqa' ri Josué xtok uk'uey iwichin richin yixq'ax-apo, achi'el rubin ri Jehová.

Deut 31:23

K'ari' ri Jehová xuya' ri ruchojmilal chire ri Josué, y xubij chire: Kan kow k'a kak'oje' y tatija' aq'ij, roma ja rat k'a ri xkatukusan-apo kichin ri awinaq chupan ri ruwach'ulew ri kan nuya'on chik nutzij chi kan ninya' chike; y yin kan xkik'oje' k'a awik'in rat, xcha' ri Jehová chire.

Deut 31:7

K'ari' ri Moisés xroyoj ri Josué chikiwech konojel ri winaqi' y xubij chire: Kan kow k'a kak'oje' y tatija' aq'ij, roma ja rat xkatukusan-apo richin re tinamit re' chupan ri ruwach'ulew ri rusujun ri Jehová chike ri qati't-qamama'. Y ja rat k'a xkajachon ri ulew chike richin nikichinaj kan.

Deut 1:38

Chuqa' xubij: Jak'a ri ato'onel Josué, ri xtok-apo chupan ri ruwach'ulew ri' pan ak'exel rat. Tabij chire chi tutija' ruq'ij, roma ja rija' ri xtich'aron ri ruwach'ulew chikiwech ri ch'aqa' chik israelita.

Hechos 7:45

Ja rachoch ri Dios ri' ri kik'amon-pe ri qati't-qamama' toq xe'ok-pe chupan re ruwach'ulew re', toq e k'amon-pe roma ri Josué. Xek'oje' k'a qa wawe', toq kichapon chik yekich'ek ri winaqi' ri ek'o chupan re ruwach'ulew re'. Kan jak'a ri Dios xto'on kichin. Y ri rachoch ri Dios ri kik'amon-pe toq xe'oqaqa, kan jari' ri k'a k'o na pa ruq'ijul ri David.

Hebreos 4:8

Y ri uxlanen ri xusuj chire ri David kan niq'alajin chi man nich'on ta chirij ri uxlanen ri xokila' wawe' ri qati't-qamama' toq e k'amon-pe roma ri Josué.

San Juan 1:17

Ri pixa' xya'ox roma ri Moisés, jak'a ri utzil ri' y ri qitzij, xya'ox roma ri Jesús ri Cristo ri nibix chuqa' ch'abel chire.

1 Crón 28:20

Kan tatija' k'a aq'ij y kof kak'oje', man tamalij ak'u'x y man taxibij-awi' richin naben re samaj re', roma ri Jehová ri qa-Dios kan xtik'oje' awik'in. Rija' man xkaruya' ta kan, y man xkarumalij ta kan.

1 Crón 22:6

Y toq ri David janila chik ri'j, jari' toq xroyoj ri Salomón ri ruk'ajol richin xuchilabej kan chire chi xtupaba-q'anej ri rachoch ri Jehová Dios richin ri tinamit Israel,

Wuj Richin ri Josúe 1:2

Rat xatz'et chi ri nusamajel Moisés xken-el. Wakami k'a, rat xkayuqen richin ri atinamit Israel, xke'aq'axaj k'a apo chupan ri raqen-ya' rubini'an Jordán, richin chi ninya' ri ulew chiwe rix.

Deut 1:37

Chuqa' ri Jehová xyakatej royowal wik'in yin iwoma rix y xubij chuwe chi chuqa' yin man xkinok ta apo chupan ri ruwach'ulew ri'.