Deut 3:21 - Kaqchiquel Bible

²¹ Chupan k'a ri q'ij ri' xinbij k'a chire ri Josué: Xatz'et ronojel ri xuben ri Jehová ri qa-Dios kik'in ri Sihón y ri Og; kan keri' k'a chuqa' xtiberubana' kik'in konojel ri e rey ri ek'o pa taq ruwach'ulew ri akuchi xkatapon-wi.

Deut 3:21 ပူးပေါင်းရင်းမြစ်များ

Efesios 3:20

Tiqaya' k'a ruq'ij ri Dios, roma rija' kan k'o-wi ronojel uchuq'a' rik'in y nisamej pa taq qánima. Roj kan k'iy wi k'a utzil niqak'utuj chire, jak'a rija' man xaxe ta ri' nitikir nuben. Roj kan man yojtikir ta k'a niqach'ob ronojel ri nitikir nuben rija'.

2 Corintios 12:10

Kan janila wi yikikot toq roma ri Cristo k'o ri yenk'uluwachila'; roma re' xa nikik'ut chi maneq wuchuq'a'. Yikikot toq k'o nikiben chuwe richin yinkik'ixbisaj, yikikot toq k'o yek'atzin chuwe y xa man jun nipe-wi, yikikot toq yinetzelex y yikikot chuqa' ri pa q'axo'n. Roma jak'a toq yin maneq chik wuchuq'a' ninna', jari' toq nipe wuchuq'a'.

2 Corintios 1:10

Y ja rija' ri xojkolon-pe chuwech ri kamik ri', y kan keri' xtuben. Kan qakuquban k'a qak'u'x rik'in chi re beneq-apo kan xqojrukol-wi k'a chuwech ri kamik achi'el ri rubanon-pe qik'in.

Wuj Richin Bix Chire ri Dios 9:10

Jehová kan awik'in k'a rat xtikikuquba-wi kik'u'x ri ketaman awech, roma rat, man jun bey ye'amalij kan ri yekanon awichin.

Wuj Richin ri Josúe 10:25

Y ri Josué xubij chike ri aj-raqen ri': Man tixibij-iwi' ni man timayamo-qa ri iwánima: titija' iq'ij y kow kixk'oje', roma keri' xtuben ri Jehová chike konojel ri e etzelanel qichin ri xtibebana' oyowal kik'in, xcha'.

Deut 3:20

Ke'ito' k'a ri qawinaq israelita, k'a toq xtikichinaj na kan ri ruwach'ulew ri xtuya' ri Jehová chike re k'o pe juk'an chire ri raqen-ya' Jordán. Toq ri Jehová xtuya' uxlanen chike achi'el ri xuya' yan chiwe rix, k'ari' xkixtzolej chik pe chupan re ruwach'ulew ri xinya' yan chiwe chi'ijujunal.

Deut 3:22

Y man taxibij-awi' chikiwech ri winaqi' ri', roma ri Jehová ri qa-Dios kan ja rija' ri xtibanon oyowal pan ak'exel, xicha' chire.

Deut 7:19

Tich'obo' rij ri nima'q taq banobel ri xitz'et, ri man jun bey itz'eton, ri xuben ri Jehová Dios ri k'o ronojel uchuq'a' rik'in toq xojrelesaj-pe ri chiri' pan Egipto. Keri' chuqa' xtiberubana' ri Jehová Dios kik'in konojel ri tinamit ri ixibin-iwi' chikiwech.