Deut 3:20 - Kaqchiquel Bible

²⁰ Ke'ito' k'a ri qawinaq israelita, k'a toq xtikichinaj na kan ri ruwach'ulew ri xtuya' ri Jehová chike re k'o pe juk'an chire ri raqen-ya' Jordán. Toq ri Jehová xtuya' uxlanen chike achi'el ri xuya' yan chiwe rix, k'ari' xkixtzolej chik pe chupan re ruwach'ulew ri xinya' yan chiwe chi'ijujunal.

Deut 3:20 ပူးပေါင်းရင်းမြစ်များ

Wuj Richin ri Josúe 22:4

Roma rija' wakami xuya' yan uxlanenri'il chiqakojol achi'el ri rusujun chiqe. Wakami k'a kixtzolej pa taq iwachoch chupan ri iruwach'ulew ri ruya'on kan chiwe ri Moisés ri rusamajel ri Jehová. Kixtzolej k'a pan iruwach'ulew ri k'o-apo juk'an chire ri raqen-ya' Jordán.

Wuj Richin ri Q'axanri'il 32:22

Y toq xech'akatej yan kan, k'ari' xkixtzolej y yixtotej kan chuwech ri ijikiban chuwech ri Jehová y keri' chuqa' chikiwech ri ch'aqa' chik qawinaq. Keri' re ruwach'ulew re' xtok kan iwichin rix, y man jun xkixelesan-el chupan.

Deut 3:21

Chupan k'a ri q'ij ri' xinbij k'a chire ri Josué: Xatz'et ronojel ri xuben ri Jehová ri qa-Dios kik'in ri Sihón y ri Og; kan keri' k'a chuqa' xtiberubana' kik'in konojel ri e rey ri ek'o pa taq ruwach'ulew ri akuchi xkatapon-wi.

Deut 12:9

Roma wakami man jani kixapon chupan ri ruwach'ulew richin uxlanenri'il, akuchi xtiberuya-wi ri Jehová ri qa-Dios chiwe richin xtiwichinaj.

Wuj Richin ri Josúe 1:15

Rix kan xqojito', k'a toq ri Jehová xtuya' na chiqe ri ulew richin xtiqichinaj achi'el ri xuya' yan chiwe rix; y k'ari' xkixtzolin-pe chupan re ruwach'ulew re' re iwichinan kan rix, re ruya'on kan ri Moisés ri rusamajel ri Jehová chiwe, re k'o pe kere' pa relebel-q'ij chire re Jordán, xcha' ri Josué.

Wuj Richin ri Q'axanri'il 32:18

Man xqojtzolej ta chi taq qachoch, k'a toq ri ch'aqa' chik qach'alal xtikichinaj na kan ri ruwach'ulew ri xtikik'ulumaj kan chikijujunal rije'.

Wuj Richin ri Josúe 22:2

y xubij chike: Rix kan itaqen k'a pe ronojel ri xubij kan chiwe ri Moisés ri rusamajel ri Jehová, y chuqa' kan ibanon k'a ronojel ri xinbij yin chiwe.

Wuj Richin ri Josúe 22:9

Keri' ri aj-labal e richin ri tzobaj richin ri Rubén, ri Gad y ri nik'aj tzobaj richin ri Manasés xkich'er k'a kan ki' kik'in ri kiwinaq israelita chiri' pa Siló ri k'o pa ruwach'ulew Canaán. Y rije' xkichop-el bey richin ye'apon pa kiruwach'ulew Galaad, ri ya'on kan chike richin xkichinaj achi'el xubij ri Jehová, toq k'a k'es na ri Moisés.