Deut 3:18 - Kaqchiquel Bible

¹⁸ Chupan ri q'ij ri' xinya' chiwe rix ri ix rijatzul kan ri Rubén, ri Gad, y ri nik'aj chiwe ri ix rijatzul kan ri Manasés re jun ruchojmilal re': Ri Jehová ri qa-Dios nujech re ruwach'ulew re' chiwe richin niwichinaj kan. Jak'a konojel ri aj-labal, tikichapa' ri kikamisabal y ke'ik'o-el chikiwech ri qawinaq israelita.

Deut 3:18 ပူးပေါင်းရင်းမြစ်များ

Wuj Richin ri Rutikeribel 15:7

Y xubij chuqa' chire: Ja yin Jehová ri xatinwelesaj-pe chupan ri tinamit Ur ri k'o pa ruwach'ulew Caldea y xatink'en-pe chupan re ruwach'ulew re' richin ninya' chawe, y ja rat ri xkatichinan kan, xcha' chire.

Wuj Richin ri Q'axanri'il 33:53

Kan xke'ik'is k'a konojel winaqi' ri ek'o chuwech re ruwach'ulew richin yixk'oje' kan rix chiri', roma ja yin xiya'on chiwe richin niwichinaj kan.

Deut 5:31

Jak'a rat yak'oje' kan wawe' wik'in, richin ninbij chawe ronojel ri nupixa' richin xkentijoj. Y wi rije' kan xtikitaqej ri pixa', chuqa' xkek'oje' chupan ri ruwach'ulew ri xtinbenya' chike, xcha' chuwe.

Deut 6:1

Ja ronojel pixa' re' ri xuya' ri Jehová ri qa-Dios chuwe, richin xixintijoj, richin jari' ri nitaqej chupan ri ruwach'ulew ri xkixapon-wi ri kan xtok iwichin.

Deut 9:6

Roma ri' kan tiwetamaj chi man roma ta yalan utz ri ik'aslen, man roma ta ri' ri Jehová ri qa-Dios xtuya' ri utzilej ruwach'ulew chiwe richin niwichinaj; roma rix xa kan ikowirisan-iwi'.

Deut 12:1

Jare' k'a ri pixa' ri ya'on chiwe, ri k'o chi nitaqej rix chijun ri ik'aslen, chupan ri ruwach'ulew ri xtuya' chiwe richin xtiwichinaj kan, ri rusujun chiqe ri Jehová ri qa-Dios roj, ri chuqa' ki-Dios ri qati't-qamama'.

Deut 15:4

Ri Jehová kan pa ruk'iyal k'a ri urtisanik ri xtuya' pan iwi' chupan ri ruwach'ulew ri xtuya' chiwe richin niwichinaj. Man jun wineq ri xtik'oje' chi'ikojol rix ri man jun k'o ta rik'in

Deut 19:2

jari' k'a toq xtich'er pan oxi' ri ruwach'ulew ri xtuya' ri Jehová ri qa-Dios chiwe richin xtok iwichin. Y pa kinik'ajal ri oxi' ri' xtik'oje' jujun tinamit richin tobel. Chuqa' nichojmirisaj k'a ri bey ri napon chupan chikijujunal re tinamit re' richin chi xabachike wineq ri xtibanon jun kamik xtanimej y chiri' nuto-wi-ri'.

Deut 19:7

Roma ri' yin ninbij chiwe chi tich'ara' oxi' tinamit richin tobel.

Deut 19:14

Chupan ri ruwach'ulew ri xtiberuya' ri Jehová ri qa-Dios chiwe richin niwichinaj kan, man chaq tichoy-apo ri k'ulba't richin ri iwachpochel, ri kibanon kan ri ojer taq winaqi'.

Deut 21:1

Wi chupan ri ruwach'ulew ri xtiberuya' ri Jehová ri qa-Dios chiwe, nilitej ta jun wineq kamisan kan y rik'il kan pa juyu' y man netamex ta ri achike xkamisan kan,

Deut 25:19

Roma ri' toq ri Jehová ri qa-Dios xtuya' uxlanen chiwe pa kiq'a' ri e etzelanel qichin ri ek'o chupan ri ruwach'ulew ri xtuya' chiwe richin xtiwichinaj kan, jari' toq xtiyoj jumul ri rubi' ri Amalec chuwech ri ruwach'ulew. Man k'a timestaj chi k'o chi keri' niben.

Wuj Richin ri Josúe 1:11

Kixbiyin pa runik'ajal ri akuchi ek'o-wi-qa ri winaqi' y tibij chike chi tikichojmirisaj ri achike ri nikik'uaj richin nikitej roma pa rox q'ij xqojbe richin chi xtiqaq'axaj ri raqen-ya' Jordán richin yojok-apo y xtok qichin ri ruwach'ulew ri xtuya' chiqe ri Jehová ri qa-Dios, xcha' chike.

Wuj Richin Bix Chire ri Dios 136:21

Ri kiruwach'ulew re winaqi' re' kan xuya' k'a chike ri qati't-qamama': Roma ri rujoyowanik rija' kan richin jantape'.