Deut 3:17 - Kaqchiquel Bible

¹⁷ Ri ruk'ulba't ri ruwach'ulew nitiker-el pa qajbel-q'ij chire ri raqen-ya' Jordán, nel-pe rik'in ri choy richin Quinéret*f2* y napon k'a rik'in ri Tzayi-Choy, ri k'o chuxe-pe ri juyu' Pisgá.

Deut 3:17 ပူးပေါင်းရင်းမြစ်များ

Wuj Richin ri Rutikeribel 13:10

Y ri Lot xutz'et-apo ri ruwa-taq'aj richin ri ruchi' ri raqen-ya' Jordán ri napon k'a rik'in ri tinamit Sóar y kan jebel ya' k'o chupan, y re ya' re' kan achi'el ruya'an ri ulew, achi'el ri qejoj ri kan nik'ases, y jebel chuqa' achi'el ri ruwach'ulew Egipto, y chuqa' achi'el ri tinamit Sodoma y ri Gomorra toq ri Jehová man jani keruk'is rik'in q'aq'.

Wuj Richin ri Rutikeribel 14:3

Re wo'o' rey re' y ri aj-labal xa xkitun-ki', y xkimol-ki' chupan ri ruwa-taq'aj richin Sidim y chiri' k'o-wi ri Tzayi-Choy re wakami.

2 Rey 14:25

Y ri Jeroboam ruk'ajol ri Joás xuch'ek chik jun bey ri ruwach'ulew Israel ri majon kan, nitiker-el chuchi' ri ruwach'ulew Hamat ri k'o pa xaman, y napon k'a pa Tzayi-Choy. Ronojel re' xbanatej achi'el rubin ri Jehová chire ri Jonás ri q'alajirisey ruch'abel. Ri Jonás ri' ruk'ajol ri Amitai, ri aj-Gat-héfer.

Ez 47:8

K'ari' ri achin xubij chuwe: Re ya' re' nibiyin-qa pa relebel-q'ij y napon k'a pa raqen-ya' Jordán. K'ari' nok-apo chupan ri Tzayi-Choy. Y toq napon-qa chiri', ri ya' ri k'o chupan ri Tzayi-Choy kan nok k'a ki'.

Wuj Richin ri Q'axanri'il 23:14

K'ari' ri Balac xuk'uaj-el ri Balaam pa jun ulew rubini'an Sofim, pa ruwi' ri juyu' Pisgá. Y kan xaxe xe'apon chiri', ri Balac kan jari' xerupaba' chik q'anej wuqu' porobel richin kamelabel y xusuj jun nima-alaj achij wákix y jun achij karne'l pa kiwi' chikijujunal ri porobel richin niporox chijun.

San Lucas 5:1

Xbanatej k'a chi toq ri Jesús k'o chiri' chuchi' ri choy Genesaret,*f11* janila k'a winaqi' xe'apon rik'in, y kan nikinimila-ki', roma nikajo' nikak'axaj ri ruch'abel ri Dios.

Deut 4:49

y chupan ri ruwach'ulew ri' k'o ri taq'aj Arabá ri napon k'a pa xokon chuchi' ri Tzayi-Choy y napon k'a pa relebel-q'ij chire ri juyu' Pisgá.

Wuj Richin ri Josúe 12:3

Y chuqa' xuq'et-tzij pa kiwi' ri winaqi' ri ek'o pa taq'aj ri k'o chunaqaj ri raqen-ya' Jordán, ri nitiker-pe chuchi' ri choy richin Quinéret ri k'o pa xaman y napon k'a pa Tzayi-Choy, y re' k'o pa ruchojmilal ri bey ri nibe pa tinamit Bet-jesimot ri k'o pe chuxe' ri ruwi-juyu' Pisgá.

Wuj Richin ri Josúe 13:27

Y chupan ri taq'aj richin ri raqen-ya' Jordán, chuqa' xkichinaj ri tinamit Bet-aram, ri tinamit Bet-nimrá, ri tinamit Sucot, ri tinamit Safón, y ri ch'aqa' chik tinamit ri xek'oje' pa ruq'a' ri Sihón, rey richin ri Hesbón. Ri jun k'ulba't napon pa qajbel-q'ij chire ri raqen-ya' Jordán y ri jun chik k'ulba't napon pa xaman chire ri ruchi' ri choy richin Quinéret.

Wuj Richin ri Josúe 15:2

Y ri ruk'ulba't ri k'o pa xokon nitiker-el chuchi' ri Tzayi-Choy akuchi k'o-wi ri ruq'a-ya' ri nitzu'un-apo pa xokon.

Wuj Richin ri Josúe 15:5

Ri k'ulba't ri k'o pa relebel-q'ij ja ri Tzayi-Choy, y napon k'a rik'in ri akuchi nok-wi-apo ri raqen-ya' Jordán. Y chiri' ri k'ulba't ri k'o pa xaman, nel-pe k'a rik'in ri ruq'a' ya' y nuchojmij ri raqen-ya' Jordán ri nibe pa xaman,

Wuj Richin ri Josúe 18:19

y napon k'a pa xaman chire ri tinamit Bet-hoglá y nibetane' k'a rik'in ri ruq'a' ya' ri k'o pa xaman chire ri palou, ri akuchi nok-wi ri raqen-ya' Jordán. Jari' ri ruk'ulba't ri k'o pa xokon.

Wuj Richin ri Josúe 19:35

Jare' ri tinamit ri e sutin-kij rik'in tz'aq, ri xya'ox chike: Sidim, Ser, Hamat, Racat, Quinéret,

Wuj Richin ri Josúe 3:16

ri ya' ri xulan-pe xpa'e' y xumol kan ri', y ri akuchi xumol kan ri' ri ya' ri', kan janila nej chike rije' y chunaqaj ri tinamit rubini'an Adam ri k'o chunaqaj ri jun chik tinamit rubini'an Saretán, ri ya' ri beneq pa xulan xapon k'a chupan ri Tzayi-Choy y ri winaqi' xeq'ax-apo pa chaqi'j pa ruchojmilal ri tinamit Jericó.