Deut 3:12 - Kaqchiquel Bible

¹² Y ri Moisés xubij chike: Ri ruwach'ulew ri xok kan qichin chiri', k'o pa xaman chire ri tinamit Aroer, chuchi' ri raqen-ya' Arnón. Keri' chuqa' ri nik'aj chire ri chuwi' taq juyu' Galaad y ronojel ri rutinamit. Jare' k'a ri xinjech chike ri e rijatzul kan ri Rubén y ri e rijatzul kan ri Gad.

Deut 3:12 ပူးပေါင်းရင်းမြစ်များ

Deut 2:36

Roj kan xeqach'ek k'a ronojel ri tinamit, nitiker-pe rik'in ri Aroer k'a pa Galaad, y ronojel ri tinamit ek'o-qa chuchi' ri raqen-ya' Arnón, kan man jun k'a ri xch'akon ta chiqij roj, roma ri Jehová ri qa-Dios xerujech pa qaq'a'.

2 Rey 10:33

Ri Hazael xuchop ronojel ruwach'ulew ri k'o pa relebel-q'ij chire ri raqen-ya' Jordán, nitiker-pe pa tinamit Aroer ri k'o chuchi' ri raqen-ya' Arnón, y xapon k'a pa Galaad y pa Basán. Re ruwach'ulew re' xkichinaj kan ri Gad, ri Rubén y ri nik'aj tzobaj richin ri Manasés.

Deut 4:48

Re ruwach'ulew re' nitiker-el pa tinamit Aroer ri k'o chuchi' ri raqen-ya' Arnón, y napon k'a pa xaman rik'in ri juyu' Sirión ri nibix chuqa' Hermón chire;

Wuj Richin ri Q'axanri'il 32:40

K'ari' ri Moisés xujech ri ruwach'ulew Galaad chire ri Maquir, richin xkichinaj.

Deut 3:13

Y chike ri nik'aj tzobaj ri e rijatzul kan ri Manasés, xinya-wi kan ri nik'aj chik chire ri ruwach'ulew Galaad y chijun ri ruwach'ulew Basán. Ojer kan, chijun ri ruwach'ulew Argob y ri ruwach'ulew Basán kan etaman chi kan kichin ri refaíta.

Deut 29:8

Y xqak'en kan ri kiruwach'ulew y xqaya' chike ri tzobaj richin ri Rubén, richin ri Gad y chike ri nik'aj tzobaj richin ri Manasés richin xkichinaj.

Deut 29:7

Y toq xojoqaqa re wawe' xojkichop chi oyowal ri Sihón, rey richin ri Hesbón, y ri Og rey richin ri ruwach'ulew Basán, y roj kan xeqach'ek.