Deut 3:11 - Kaqchiquel Bible

¹¹ Kan xaxe chik k'a ri rey Og ri k'o kan chike ri e refaíta. Ri raqen ri ruch'at*f1* ka'i' jaj rik'in ka'i' q'a'aj y ri ruwech jun jaj rik'in jun q'a'aj, y re' kan rik'in ch'ich' banon-wi. Y ri ch'at ri' k'o k'a pa kitinamit ri amonita kela' pa Rabá k'a re wakami.

Deut 3:11 ပူးပေါင်းရင်းမြစ်များ

Wuj Richin ri Rutikeribel 14:5

Y chupan ri juna' kablajuj xpe ri Quedorlaómer y ri ch'aqa' chik rey ri ek'o rik'in rija' y xekich'ek kan ri rijatzul ri Refa ri ek'o pan Astarot Carnaim y ri rijatzul ri Zus ri ek'o pan Ham, y ri winaqi' emita ri ek'o pa Savé-quiriataim,

Wuj Richin ri Jeremías 49:2

Wakami k'a yin Jehová ninbij chi xtapon k'a jun q'ij toq xtinben chi xtak'axatej raqoj-chi'ij richin labal iwichin rix ri chiri' pan itinamit Rabá. Ri chiri' kan xkewulex k'a ri tinamit ri' y kan xkeporox. K'ari' ri nuwinaq israelita xtikelesaj chik kan jun bey ri xelesex kan chike rije'. Ja yin Jehová ri yibin.

2 Sam 12:26

Rokik xbanatej ronojel re', ri Joab ruchapon k'a oyowal rik'in ri tinamit Rabá kichin ri amonita. Y xuchop yan k'a ri chajibel richin ri yakbel-ya'. Y xuteq rutzijol rik'in ri David pa ruwi' ronojel re'.

Am 2:9

Ri amorreo kan janila e nima'q kipalen; kan e nima'q achi'el ri tiox-che'. Rije' kan janila kuchuq'a'; kan e kow achi'el ri tuq. Man rik'in ri' yin xenwelesaj-el pa kiruwach'ulew. Kan xenk'is k'a jumul achi'el nik'is jun che'; ri nitiker-pe pa rutum y k'a pa ruxe-qa.

Am 1:14

Roma ri' xtinya' ruq'aq'al ri tz'aq richin ri tinamit Rabá y ri q'aq' ri' xtuk'is ri jay richin tobel richin ri rey. Ri e etzelanel kichin kan xkepe k'a rik'in raqoj-chi'ij richin oyowal. Rik'in uchuq'a' xkepe chikij achi'el nuben ri surkum.

Ez 21:20

Y jun chike re bey re' napon pa tinamit Rabá ri k'o pa ruwach'ulew Amón. Y ri jun chik napon pa Jerusalem chupan ri ruwach'ulew Judá.

2 Sam 11:1

Xbanatej k'a chi chupan ri ruq'ijul ri saq'ij, toq ri rey ye'el-el richin yebe pan oyowal, jari' toq ri David xuteq-el ri Joab, konojel ri aj-labal y ri e aj-raqen pa kiwi'. Richin xekik'is konojel ri amonita, y xkisutij-rij ri tinamit Rabá. Jak'a ri David man xbe ta kik'in, xa xk'oje' kan pa Jerusalem.

1 Sam 17:4

Y k'o k'a jun achin ri kan richin labal ri xel-pe ri akuchi ek'o-wi-qa ri aj-Filistea. Rija' rubini'an Goliat aj pa tinamit Gat, y ri rupalen jubama oxi' metro.

Deut 2:20

Ri ruwach'ulew ri' kan xetamex-wi chi kichin kan ri winaqi' refaíta; ja rije' k'a ri xek'oje' chiri' ri ojer kan, y ri amonita xkibij zamzumita chike.

Deut 2:11

Chuqa' re winaqi' re' nibix refaíta chike y chuqa' e rijatzul kan ri Anac, stape' ri winaqi' aj-Moab nikibij emita chike.

Apocalipsis 21:17

Chuqa' xretaj ri rujotolen ri tz'aq y kawineq jaj ri retabal, achi'el ri etabel aj-ruwach'ulew.

Wuj Richin ri Josúe 12:4

Y ri jun chik rey ri xch'akatej rubini'an Og, ja rija' ri ruk'isibel chike ri e rijatzul kan ri Refa ri nima'q kipalen. Rija' rey pa ruwi' ri ruwach'ulew Basán y xk'oje' juba' pa tinamit Astarot y juba' pa tinamit Edrei.

Wuj Richin ri Josúe 13:12

Y ri rey ri xk'oje' pa ruwi' ri ruwach'ulew ri' ja ri Og, ri xk'oje' juba' pa tinamit Astarot y juba' pa tinamit Edrei; rija' jun ruk'isibel chike ri winaqi' refaíta ri nima'q kipalen. Y ri winaqi' ri' kan e ruch'akon kan ri Moisés y xerelesaj kan chupan ri kiruwach'ulew.

Ez 25:5

Xtinben k'a chire ri itinamit Rabá chi xtok jun kisoq'olbal camello y ri ch'aqa' chik iwulew kan xtinben k'a chire richin chiri' xkeyuq'ux ri karne'l. Y toq xtik'uluwachitej re', k'ari' xtiketamaj chi ja yin Jehová ri ink'o pa ruwi' ronojel.

Wuj Richin ri Rutikeribel 6:15

Y kere' k'a rubanik ri xtaben: jumuch' jaj ri raqen, oxk'al jaj rik'in nik'aj ri ruwech, y waqxaqi' jaj rujotolen.