Deut 3:1 - Kaqchiquel Bible

¹ Chirij ri', xqachop-el ri jun chik bey ri nibe pa Basán, jari' toq ri rey Og e rachibilan-pe konojel ri aj-labal, xojokik'ulu' chiri' pa tinamit Edrei, richin nokibana' oyowal qik'in.

Deut 3:1 ပူးပေါင်းရင်းမြစ်များ

1 Rey 4:19

Ri Guéber ruk'ajol ri Urí ja rija' ri xk'oje' pa ruwi' ri ruwach'ulew Galaad. Ojer kan ri ruwach'ulew ri' xk'oje' pa ruq'a' ri Sihón ri rey kichin ri amorreo, y ri Og rey richin ri Basán. Y pa ruwi' ronojel re' k'o chuqa' jun ri aj-raqen pa ruwi' ri ruwach'ulew Judá.

Wuj Richin ri Nehemías 9:22

Xkichinaj k'a ajawaren y tinamit kichin ch'aqa' chik winaqi', richin xaya' ri kulew chikijujunal ri kijatzul. Xajech pa kiq'a' ri ruwach'ulew Hesbón ri akuchi xq'aton-wi-tzij ri Sihón, y chuqa' xajech ri Basán ri akuchi xq'aton-wi-tzij ri rey Og.

Wuj Richin Bix Chire ri Dios 136:20

Xukamisaj k'a ri Og ri rey richin ri ruwach'ulew Basán: Roma ri rujoyowanik rija' kan richin jantape'.

Deut 1:4

Y re' xubij ri Moisés toq xeruch'ek yan kan ri Sihón ki-rey ri winaqi' amorreo ri chiri' pa tinamit Hesbón, y ri Og rey richin ri ruwach'ulew Basán ri chiri' pa tinamit Edrei y Astarot.

Deut 2:32

Toq ri Sihón y ri aj-labal xepe richin nokibana' oyowal qik'in pa Jahas,

Deut 29:7

Y toq xojoqaqa re wawe' xojkichop chi oyowal ri Sihón, rey richin ri Hesbón, y ri Og rey richin ri ruwach'ulew Basán, y roj kan xeqach'ek.

Deut 3:2

K'ari' ri Jehová xubij chuwe: Man tixibij-iwi' chikiwech, roma xa xinjech yan pan iq'a' ri rey, ri e aj-labal, y chijun ri ruwach'ulew. Tibana' k'a achi'el xiben chire ri Sihón rey kichin ri amorreo, ri xek'oje' pan Hesbón, xcha' chuwe.

Deut 31:4

Ri Jehová xtuben chike ri winaqi' ri' achi'el xuben chike ri Sihón y ri Og, ri e rey kichin ri amorreo, toq kan xeruk'is junan kik'in ri tinamit ri ek'o pa kiq'a'.

Deut 4:47

Keri' xok k'a kan kichin ri israelita ri kiruwach'ulew kan ri rey Sihón, y ri Og, rey richin ri Basán.

Wuj Richin ri Josúe 12:1

Toq ri Moisés k'a k'es na, jari' toq ri winaqi' israelita xekich'ek ri e ka'i' rey ri yeq'aton-tzij pa ruwi' ri ruwach'ulew ri k'o pa taq'aj chire ri relebel-q'ij chire ri raqen-ya' Jordán, y chuqa' ri chuwi' taq juyu' ri nitiker-el rik'in ri ch'uti'n raqen-ya' Arnón y napon k'a pa juyu' Hermón.

Wuj Richin ri Josúe 12:4

Y ri jun chik rey ri xch'akatej rubini'an Og, ja rija' ri ruk'isibel chike ri e rijatzul kan ri Refa ri nima'q kipalen. Rija' rey pa ruwi' ri ruwach'ulew Basán y xk'oje' juba' pa tinamit Astarot y juba' pa tinamit Edrei.

Wuj Richin ri Josúe 13:30

Ri kiruwach'ulew rije' nitiker-pe rik'in ri tinamit Mahanaim y napon rik'in ri ruwach'ulew Basán ri xk'oje' pa ruq'a' ri rey Og; y keri' chuqa' ri oxk'al kokoj tinamit ri e richin kan ri Jaír, ri xek'oje' pa Basán,

Wuj Richin ri Josúe 9:10

y ronojel ri xuben kik'in ri e ka'i' rey kichin ri amorreo, ri ek'o juk'an chire ri raqen-ya' Jordán, nel chi tzij: Ri Sihón rey richin ri tinamit Hesbón y ri Og rey pa ruwi' ri ruwach'ulew Basán, y pa ruwi' ri tinamit Astarot.