Deut 29:4 - Kaqchiquel Bible

⁴ Stape' rik'in ronojel re xitz'et, rix kan man niq'ax ta chiwech.

Deut 29:4 ပူးပေါင်းရင်းမြစ်များ

Efesios 4:18

Rije' xa q'equmatajineq ri kich'obonik. Kan q'alaj-wi chi man jun ketaman y kowirineq ri kánima pa mak. Roma ri' man nikik'ul ta ri k'aslen ri nipe rik'in ri Dios.

San Juan 8:43

¿Achike k'a roma toq man niq'ax ta chiwech ri ninbij chiwe? Roma rix man nikoch' ta niwak'axaj ri nuch'abel.

Wuj Richin Etamabel-Tzij 20:12

Ri rusamaj ri ruxikin ri wineq, richin nak'ex y ri rusamaj ri runaq' taq ruwech, richin nitzu'un; chi ak'axabel y chi tzubel, kan ja wi ri Jehová banayon kichin.

Wuj Richin ri Isaías 63:17

¿Achike roma Jehová naya' q'ij chiqe chi roj yojsach kan chupan ri abey, y kan niqakowirisaj ri qánima richin chi man niqaya' ta awejqalen? Pa ruk'exel re' tabana' utzil tajala' ri ach'obonik pa qawi', roma ja roj ri oj asamajela' ri janila yojawajo', y ri tzobaj ri akuchi e eleneq-pe ri awijatzul.

2 Corintios 3:15

Y rije' kan k'a ke na ri' kibanon re wakami. Toq nisik'ix ri nabey jikibel-tzij ri ruya'on kan ri Moisés, xa kan k'a tz'apel na ri kich'obonik.

Ez 36:26

Kan xtinwelesaj-el ri kow iwánima ri achi'el abej rubanon y xtinya' jun iwánima ri kan k'es, richin nimey-tzij. Kan keri' k'a xtinya' jun k'ak'a' iwánima ri más ch'uch'uj.

Deut 2:30

Jak'a ri rey ri' man xuya' ta q'ij richin xojq'ax-el chupan ri ruwach'ulew, roma ri Jehová ri qa-Dios xukowirisaj ri ránima y kan xupaba-ri' chiqawech. Ri Jehová xuben keri' richin chi xujech pa qaq'a' ri Sihón y ri ruwach'ulew.

2 Timoteo 2:25

Y rik'in ch'uch'ujil tabij chike ri winaqi' ri man junan ta kich'obonik pa ruwi' ri ruch'abel ri Dios, chi tikijala' ri kich'obonik. Rik'in juba' rija' nuya' q'ij chike richin nikitzolij-ki' chikij y xtiketamaj ri qitzij.

Ez 12:2

Rat Ezequiel, ri atk'o chikikojol jun tinamit ri yalan yakatajinenri'il rik'in, roma k'o runaq'-kiwech jak'a xa man nikajo' ta yetzu'un. K'o kixikin jak'a xa man nikajo' ta ye'ak'ex, roma ri winaqi' ri' xa kan e richin yakatajinenri'il.

Ex 16:35

Y keri' ri israelita, ja ri aj-chikajil-wey ri xkitej chi kawineq juna'. Rije' xkiya' kan rutijik ri wey ri' ja toq xe'apon pa k'ulba't richin ri ruwach'ulew Canaán.

Deut 2:7

Ri Jehová ri qa-Dios kan ruya'on k'a urtisanik pa ruwi' ronojel ri qabanon-pe; y kan oj ruchajin k'a pe chupan re jun nimalej tz'iran ruwach'ulew re'. Kan chupan k'a chi kawineq juna' k'o-pe qik'in y man jun ri man ta xuya' chiqe.