Deut 29:1 - Kaqchiquel Bible

¹ Y keri' chupan ri q'ij ri' ri Moisés xtane' chubixik chike ri ruwinaq re ruka'n jikibel-tzij re', toq k'a ek'o na chiri' pa Moab. Y ri nabey jikibel-tzij xban ojer kan chiri' pan Horeb.

Deut 29:1 ပူးပေါင်းရင်းမြစ်များ

Hebreos 8:9

Y ri k'ak'a' jikibel-tzij ri' man achi'el ta k'a ri jikibel-tzij ri xinben kik'in ri kati't-kimama', toq xenwelesaj-pe chupan ri ruwach'ulew Egipto, roma rije' xa man xkitaqej ta ri jikibel-tzij ri', roma ri' yin xenmalij.

Wuj Richin ri Jeremías 31:32

Y ri k'ak'a' jikibel-tzij ri' man achi'el ta k'a ri jikibel-tzij ri xinben kik'in ri kati't-kimama', toq xenwelesaj-pe chupan ri ruwach'ulew Egipto. Stape' ja yin in kajaw rije', jak'a xa man xkitaqej ta ri nujikibel-tzij.

2 Rey 23:3

Ri rey xpa'e' k'a q'anej chunaqaj ri ru-pilar y xuben jun jikibel-tzij chuwech ri Jehová, chi kan xtutzeqelibej rija'. Chuqa' kan xtuben ri nubij ronojel ri pixa', y kan xtuben k'a rik'in ronojel ránima y rik'in ronojel ruk'u'x. Y k'ari' konojel ri winaqi' chuqa' kan xkijikiba-kitzij.

Hechos 3:25

Qichin k'a roj judío ri xusuj kan ri Dios koma ri e q'alajirisey ri xbix chike roma rija'. Y kan qichin chuqa' roj ri xusuj toq xuben ri jun jikibel-tzij kik'in ri qati't-qamama'. Roma xubij chire ri Abraham chi ri winaqi' ri ek'o chuwech re ruwach'ulew xtikik'ul k'a utzil roma ri riy-rumam rija', ri xtibe'alex.*f12*

Wuj Richin ri Jeremías 34:18

Rix xiben re jun jikibel-tzij re', jak'a man xitaqej ta. Y roma ri' ninya' rutojbalil-mak pan iwi'. Rix xich'er k'a pa nik'aj ri alaj achij wákix y xiya' kan pa ka'i' cholaj. K'ari' xiq'ax pa kinik'ajal.

Wuj Richin ri Jeremías 11:6

Chuqa' ri Jehová xubij chuwe chi tinwelesaj rutzijol re ch'abel re' pa taq tinamit richin Judá y pa taq bey richin Jerusalem. Y jare' ri rutzijol: Tiwak'axaj re ch'abel ri k'o chupan re jikibel-tzij re' y kan tibana' k'a achi'el ri nubij.

Wuj Richin ri Jeremías 11:2

Tawak'axaj ri ch'abel ri nubij ri nujikibel-tzij y kach'on kik'in ri achi'a' aj-Judá y kik'in ri aj-Jerusalem.

Deut 29:25

Y k'ari' xtibix k'a chikij: Kela' xkik'uluwachij roma xkimalij kan ri rujikibel-tzij ri Jehová ri ki-Dios kan ri kati't-kimama', ri jikibel-tzij ri xuben kik'in toq xerelesaj-pe pan Egipto.

Deut 29:21

Y ri Jehová xtuch'er-el ri wineq ri nibanon keri' chikikojol konojel ri qawinaq y xtuben chire richin janila xtutej poqon achi'el ri etzelanik ri xtz'ibex kan chupan ri wuj richin ri pixa'.

Deut 29:12

Roj qamolon-qi' wawe' richin chi noqaqa chi'ik'u'x richin nitaqej ri jikibel-tzij ri xiben rik'in ri Jehová ri qa-Dios.

Deut 4:23

Xaxe k'a ninchilabej chiwe chi man timestaj ri jikibel-tzij ri xuben ri Jehová ri qa-Dios qik'in roj. Man jun wachibel ri tipaba-q'anej, ni man jun chuqa' ruwachibel ri xabachike xke'ipaba-q'anej, roma ri Jehová ri qa-Dios rubin chi man tiban.

Deut 4:10

Toqaqa k'a chi'ik'u'x toq xqamol-apo-qi' chuwech ri Jehová ri qa-Dios, chuxe-apo ri juyu' Horeb, toq rija' xubij chuwe: Ke'amolo' k'a ri awinaq, richin chi nikak'axaj ri nuch'abel richin niketamaj nikiya' nuq'ij chijun ri kik'aslen chuwech re ruwach'ulew, y xtikik'ut chikiwech ri kalk'ual, xcha' chuwe.

Deut 4:13

Rija' kan xuq'alajirisaj chiqe ri rujikibel-tzij ri lajuj pixa' y xubij chi man tiqamestaj niqaben; y xutz'ibaj kan chuwech ka'i' tz'alem taq abej.

Wuj Richin ri Chojmirisabelri'il 26:46

Ja k'a ronojel ruwech pixa' re' ri xuya' ri Jehová chire ri Moisés richin xuya' chike ri ruwinaq israelita ri chiri' pa ruwi' ri juyu' Sinaí.

Wuj Richin ri Chojmirisabelri'il 27:34

Ja ronojel k'a pixa' re' ri xuya' ri Jehová chire ri Moisés ri chiri' pa ruwi' ri Sinaí, richin chi kan tikitaqej ri ruwinaq, ri e rijatzul kan ri Israel.

Deut 28:68

Stape' ri Jehová xubij chiwe richin man jun bey chik xkixtzolin pan Egipto, xa kan xkixruteq k'a el pa taq barco y xa xkixtzolin chik chiri'. Xtiwajo' xtik'ayij-iwi' pa kiq'a' ri e etzelanel iwichin richin xkixok loq'on taq samajela' jak'a xa kan man jun xtiloq'on iwichin. Ronojel k'a re' xtik'uluwachij wi rix man xtiben ta ri nubij ri pixa', xcha' ri Moisés chike.

Deut 29:2

K'ari' ri Moisés xerumol k'a konojel ri ruwinaq y xubij chike: Rix xitz'et k'a ronojel ri xuben ri Jehová ri chiri' chupan ri ruwach'ulew Egipto, chire ri rey, chike ri rusamajela' y chire chijun ri ruwach'ulew.

Deut 1:1

Wawe' tz'ibatel-wi ri xubij ri Moisés chike ri israelita, toq ek'o chiri' pa tz'iran ruwach'ulew Arabá ri k'o pa relebel-q'ij chire ri raqen-ya' Jordán. Ek'o k'a chiri' chuwech-pe ri taq'aj Suf, pa xaman chire ri tz'iran ruwach'ulew Parán, y ri tinamit Tófel, Labán, Haserot y ri Dizahab.

1 Sam 12:24

Xaxe k'a nik'atzin chi kan nik'oje' rukiy ri Jehová chiwech y kan qitzij tisamajij rik'in ronojel iwánima. Kan toqaqa chi'ik'u'x ronojel ri rubanon iwik'in rix.

Wuj Richin Bix Chire ri Dios 105:27

Rije' xkiben meyel taq banobel chikiwech ri aj chiri'. Kan xkik'ut k'a ri banobel ri man jun bey e tz'eton, chiri' pan Egipto.