Deut 28:8 - Kaqchiquel Bible

⁸ Ri Jehová kan xtuben chi xtuya-pe urtisanik pa kiwi' ri iyakonabal richin ri jalajoj ruwech ixin, y chuqa' pa ruwi' ronojel ri xtiben, y xtuya' kikoten iwik'in chupan ri ruwach'ulew ri xtiberuya' chiwe.

Deut 28:8 ပူးပေါင်းရင်းမြစ်များ

Deut 15:10

Kan tiya' k'a ri nik'atzin chire rik'in ronojel ri iwánima, y man tiben k'ek'el rik'in. Roma re utzilej banobel re' ri Jehová ri qa-Dios xtuya' urtisanik pan iwi' rik'in ronojel ri ye'iben.

Wuj Richin ri Chojmirisabelri'il 26:10

Kan k'a xtitej na ri iyakon kan roma kan pa ruk'iyal ri xk'oje' iwik'in; y toq xtik'en-pe ri k'ak'a' itiko'n, k'o chi xtiwelesaj-el ri k'a k'o na iwik'in richin niyek kan ri k'ak'a'.

Wuj Richin Bix Chire ri Dios 133:3

Chuqa' kan achi'el ri raxq'ab ri niqaqa pa ruwi' ri juyu' Hermón, y pa ruwi' ri juyu' Sión, roma chiri' ri Jehová kan nuteq k'a pe urtisanik y k'aslen richin q'asen.

San Lucas 12:18

Toq xch'obotej chuwech, xubij: Más utz kenwulaj na el re nuk'ujay taq kokoj, y xkenben nima'q. Chupan re nuk'ujay re' xkenyakala-wi ri k'o wik'in, y ronojel ri xuya' ri nutiko'n.

San Mateo 6:26

Ke'itz'eta' ri aj-xik' taq chikopi'; rije' man yetikonej ta, y chuqa' maneq kitiko'n nikelesaj jun juna', ni maneq chuqa' kik'ujay richin kiyakon ta kijal. Man rik'in ri' rije' yewa', roma ja ri aj-chikajil qatata' ri niya'on kiway. ¿Man más ta k'a iwejqalen rix ke chikiwech ri aj-xik' taq chikopi' ri'?

Wuj Richin Bix Chire ri Dios 42:8

Ri paq'ij ri Jehová xtuya' rutzil pa nuwi', richin keri' ri chi'aq'a', yin kan xtinbixaj ri rubi' rija', y kan yich'on k'a rik'in ri Dios ri rajaw ri nuk'aslen.

Wuj Richin ri Chojmirisabelri'il 25:21

Jak'a yin kan xtinteq k'a pe urtisanik chupan ri ruwaq juna' richin pa ruk'iyal xtiwachin ri itiko'n, y re' kan xkixruben richin ka'i' chik juna'.

Wuj Richin ri Hageo 2:19

Stape' man jun chik k'o chupan ri ik'ujay, y man jani yewachin-pe ri juwi-uva, ri wíkix, ri granado y ri olivo, jak'a re wakami rija' nutikeriba' nuya' chik urtisanik pan iwi', xcha' ri Hageo.

Wuj Richin Bix Chire ri Dios 144:13

Chuqa' ri qak'ujay kan jantape' k'a xtinoj rik'in jalajoj ruwech ixin; ri qawej kan jantape' k'a xkek'iyer, y kan janila chi awej ri xkek'oje' chupan ri qulew.

2 Rey 6:27

Y ri rey xubij: Wi ri Jehová man yaruto' ta, ¿achoq ik'in ta k'a xkatinto-wi yin? ¿Xkibe ta k'a ri akuchi nich'ay-wi ri trigo, o ri akuchi niyitz'-wi ri uva?, xcha'.

San Mateo 13:30

Xa tiya' na k'a q'ij chi ri pach'un-q'os junan nik'iy-q'anej rik'in ri trigo, k'a xtapon na ri q'ij richin q'atoj. Roma toq xtapon ri q'ij ri' xtinbij k'a chike ri q'atonela' chi nabey tikimolo' ri pach'un-q'os y tikibana' pa taq boraj richin chi yeporox; y k'ari' k'a tikiq'ata' ri trigo richin chi nibekiyaka' kan, xcha' ri achin. Keri' xubij ri Jesús.

Wuj Richin Bix Chire ri Dios 44:4

Rat, nimalej Dios, ri at nu-rey. Tabana' utzil taya' ri kolotajik chike ri e rijatzul kan ri Jacob.

Deut 15:4

Ri Jehová kan pa ruk'iyal k'a ri urtisanik ri xtuya' pan iwi' chupan ri ruwach'ulew ri xtuya' chiwe richin niwichinaj. Man jun wineq ri xtik'oje' chi'ikojol rix ri man jun k'o ta rik'in

Deut 28:7

Ri Jehová kan xtuben chi xkerujech pan iq'a' ri e etzelanel iwichin, y xke'animej-el chiwech.

Deut 28:20

Ri Jehová xtuya' sachibel-k'u'x y q'axo'n pa ruwi' ronojel ri xke'iben. Y kan chaq k'ate' xkixruk'is jumul, roma ri itzel ibanobal ri xiben chi ximalij kan rija'.

Deut 14:29

richin niya' chike ri levita ri man jun nikichinaj kan chi'ikojol, chuqa' ri man e iwinaq ta ri ek'o chi'ikojol, ri meba'i' y ri e malkani' ri ek'o pan itinamit richin xkewa-xke'uk'ya' jebel. Richin keri' ri Jehová ri qa-Dios xtuya' urtisanik pan iwi' rik'in ronojel ri xtiben.

Wuj Richin Bix Chire ri Dios 1:3

Re wineq re' kan achi'el k'a jun che' ri tikil chuchi' jun raqen-ya', ri kan nuya' ruwech toq napon ri ruq'ijul y ri ruxaq kan man yetzaq ta el. Ronojel ri nuben kan utz k'a nel chuwech.

Wuj Richin Bix Chire ri Dios 128:2

Kan ja ri ruwech ri atiko'n ri xtatej; xkakikot k'a y kan utz xtel ronojel chawech.