Deut 28:68 - Kaqchiquel Bible

⁶⁸ Stape' ri Jehová xubij chiwe richin man jun bey chik xkixtzolin pan Egipto, xa kan xkixruteq k'a el pa taq barco y xa xkixtzolin chik chiri'. Xtiwajo' xtik'ayij-iwi' pa kiq'a' ri e etzelanel iwichin richin xkixok loq'on taq samajela' jak'a xa kan man jun xtiloq'on iwichin. Ronojel k'a re' xtik'uluwachij wi rix man xtiben ta ri nubij ri pixa', xcha' ri Moisés chike.

Deut 28:68 ပူးပေါင်းရင်းမြစ်များ

Wuj Richin ri Jeremías 44:12

Xtinben chiwe ri xixpe pan Egipto chi kan xkixink'is. Xkixtzaq chi espada y xkixken roma wayjal. Ri más ko'ol k'a ri más nim, kan xkixinkamisaj y xkixok ya'ol taq k'ix. Iwoma rix ri ch'aqa' chik winaqi' xtikixibij-ki' y chuqa' xtiqaqa itzel pan iwi'.

Os 9:3

Rix kan man k'a xkixk'oje' ta kan chupan ri ruwach'ulew ri richin ri Jehová. Rix aj-Israel xa kan xkixtzolej chik k'a chupan ri ruwach'ulew Egipto, xkixbek'oje' k'a pan Asiria, chiri' kan xtitej k'a ronojel ri man ch'ajch'oj ta.

Wuj Richin ri Jeremías 43:7

Konojel rije' man xkinimaj ta rutzij ri Jehová y chiri' k'a pa tinamit Tafnes pa ruwach'ulew Egipto xojk'oje-wi-qa.

Os 8:13

Toq yekisujula' kamelabel chinuwech yin, xa kan xekitijila' k'a qa ri ti'ij richin kamelabel. Re' kan man xqa' ta chinuwech yin. Wakami kan xtinwajlaj k'a ronojel ri kimak, kan xtinya' k'a ri tojbalil pa kiwi', y kan xtinben chike richin xketzolej chik pan Egipto.

San Lucas 21:24

E janila k'a k'iy winaqi' xkeken pa kiq'a' ri aj-labal. Y ri ch'aqa' chik chike ri winaqi' xke'uk'uex-el pa ch'aqa' chik ruwach'ulew. Y re Jerusalem xtixeq'-xtipalibex koma winaqi' ri xa man e judío ta, k'a ja toq xtapon ri q'ij toq man xtikiq'et ta chik tzij ri winaqi' ri' pa ruwi' ri Jerusalem.

Deut 17:16

Jak'a ri rey ri' kan man utz ta k'a chi yek'oje' k'iy rukiej, ni man xkeruteq ta el winaqi' pan Egipto chuk'amik kiej richin keri' yek'iyer ri rukiej rija', roma ri Jehová ri qa-Dios rubin chi man jun bey chik xqojtzolin chiri'.

Ester 7:4

roma yin y ri nuwinaq xa kan oj k'ayin chik richin yojbeken y xqojk'is jumul. Wi ta xojk'ayix richin yojyuqe' pa samaj chi achi'a' chi ixoqi', man ta yich'on; jak'a re wakami, xa xqojbek'is, y re' kan man ruk'amon ta k'a chi keri' nibanatej, roma xa xtuben chi xtiwuluwu' ri awajawaren rat, xcha'.

Wuj Richin ri Nehemías 5:8

Y xinbij chike: Roj kan qatijon-pe qaq'ij richin e qakolon-pe ri qawinaq ri xek'ayitej-el chike ri ch'aqa' chik winaqi' richin jun chik ruwach'ulew. Y wakami, xa ja chik rix ri yixloq'on-qa kichin ¿Kan nich'ob rix chi ja roj k'o chi yojkolo chik kichin?, xicha'. Y rije' man xeq'ajan ta, kan man jun ch'abel xetikir xkibij.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

San Lucas 12:45

Jak'a ek'o ch'aqa' chik samajela' nikich'ob-qa pa kánima chi ri kajaw xa k'a man jani noqaqa, y nikichop ta k'a kich'ayik ri ch'aqa' chik samajela' chi achi'a' chi ixoqi', y xaxe ta wa'in nikiben, y nikichop q'abarik.

Deut 28:67

Y kan ronojel k'a ri ye'itz'et, kan xtik'en rukiy. Ri paq'ij xtibij chi k'ate' ta k'a niq'equmer yan qa, y ri chaq'a' xtibij chi k'ate' ta niseqer yan pe, roma ri nimalej xibinri'il ri xtik'oje' iwik'in.

Deut 29:1

Y keri' chupan ri q'ij ri' ri Moisés xtane' chubixik chike ri ruwinaq re ruka'n jikibel-tzij re', toq k'a ek'o na chiri' pa Moab. Y ri nabey jikibel-tzij xban ojer kan chiri' pan Horeb.

Ex 13:17

Toq ri rey xuya' q'ij richin xe'el-el ri israelita, ri Dios man xeruk'uaj ta chupan ri bey ri akuchi k'o-wi ri kiruwach'ulew ri aj-Filistea, stape' jari' ri bey ri más naqaj, roma xubij ri Dios chi rik'in juba' nikitzolij-ki' chikij toq xtikitz'et ri labal y xa xtikajo' xketzolin kan pan Egipto.