Deut 28:62 - Kaqchiquel Bible

⁶² Re wakami janila ix k'iy kan achi'el ri kajlabal ri ch'umila' ri ek'o chikaj. Jak'a wi man xtinimaj ta rutzij ri Jehová ri qa-Dios, xa kan ix juba' chik ok xkixk'oje' kan.

Deut 28:62 ပူးပေါင်းရင်းမြစ်များ

Wuj Richin ri Nehemías 9:23

Rat xaben k'a chi xewinaqir ri kalk'ual achi'el ri ch'umila' ri ek'o chikaj. Xe'ak'uaj k'a pa ruwach'ulew ri xasuj chike ri qati't-qamama', richin chi xkichinaj kan.

Deut 10:22

Toq ri qati't-qamama' xe'apon pan Egipto xaxe e oxk'al lajuj wineq, jak'a re wakami ri Jehová ri qa-Dios xuben chiqe chi janila xojwinaqir achi'el ri kajlabal ri ch'umila' ri ek'o chila' chikaj.

Deut 4:27

Ri Jehová yixberutaluj chikikojol ri winaqi' richin ri ch'aqa' chik ruwach'ulew y xa juba' ok chiwe rix ri xkek'ase' kan chikikojol ri tzobaj winaqi' ri'.

Marcos 13:20

Ri Dios xtuqasaj juba' ri q'ij richin ri tijoj-poqonal ri'. Jak'a wi man ta xtuqasaj ri q'ij ri', kan man jun ta xtikolotej kan. Jak'a roma ri rutzil ri Dios pa kiwi' ri e rucha'on chik, kan xtuqasaj k'a ri q'ij ri'.

Wuj Richin ri Jeremías 42:2

wik'in yin Jeremías y xkibij chuwe: Niqak'utuj utzil chawe, kach'on rik'in ri Jehová ri qa-Dios pa qavi' roj, ri xojkolotej kan, roma re wakami xa oj ka'i-oxi' chik ok, y ri rubanon-pe janila oj k'iy.

Wuj Richin ri Isaías 24:6

Kan xqaqa itzel pa ruwi' chijun ruwach'ulew, roma re mak re' ri xkiben ri winaqi'. Roma ri' konojel ri winaqi' kan xkeken, y xa kan e juba' ok ri xkek'oje' kan.

Wuj Richin ri Nehemías 7:4

Roma ri tinamit kan janila nim, jak'a man jani ek'o k'iy jay chupan, roma man jani ek'o e k'iy winaqi'.

2 Rey 24:14

Y ri Nabucodonosor xeruk'uaj-el konojel winaqi' aj-Jerusalem: Ri aj-labal y ri aj-raqen ri ek'o pa kiwi' rije' y ri achi'a' ri jalajoj ruwech kisamaj. Konojel k'a ri aj-Jerusalem ri xe'uk'uex-el, e 10,000. Y xaxe chik ri winaqi' ri man jun k'o kik'in ri xek'oje' kan chupan ri ruwach'ulew Judá.

Wuj Richin ri Isaías 1:9

Wi ta yin Jehová k'iytisanel richin ronojel man ta xixinya' kan juba' chiwe rix, kan ix achi'el ta chik ri tinamit Sodoma y Gomorra.

2 Rey 13:7

Y kan man e k'iy ta chik aj-labal ri xek'oje' kan rik'in ri Joacaz, xaxe chik k'a e kawineq lajuj achi'a' ri yech'oke' chirij kiej, e lajuj carruaje y 10,000 aj-labal ri nikiben oyowal chikaqen, ri xekanej kan rik'in; roma ri rey richin Siria kan xeruk'is k'a konojel, kan xuben chike achi'el ri poqolaj.

Wuj Richin ri Chojmirisabelri'il 26:22

Kan xtinben chi xkepe k'uxunela' taq chikopi', kan xkekitej ri iwalk'ual, chuqa' xkekitej ri iwawej y kan xkixk'is, y kan xtitole' kan ri bey.

Deut 1:10

Roma ri Jehová ri qa-Dios xuben chiqe chi janila xojk'iyer yan y kan oj achi'el chik ri kajlabal ri ch'umila' ri ek'o chila' chikaj.

Deut 1:11

Ri Jehová ri qa-Dios, ri kichin kan ri qati't-qamama', xtuben ta chiqe chi yojk'iyer pa 1,000 más chuwech ri ojk'o wakami, y kan ta xqojrurtisaj achi'el ri rusujun kan.

Wuj Richin ri Isaías 6:11

Y yin xink'utuj chire ri janipe' q'ij xtiyaloj re ruk'ayewal re'. Y rija' xubij chuwe: K'a ja toq ri tinamit xtitole' kan, y kan man jun chik kajaw: K'a ja toq man jun chik wineq chupan ri taq jay, y toq ri ruwach'ulew richin tiko'n xtok kan tz'iran:

Wuj Richin ri Isaías 6:13

Y stape' k'a xtik'oje' kan jun chire ri lajuj chike ri winaqi' ri', chuqa' kan xkenwelesaj-el. Jak'a achi'el toq yechoy-el ri paten-che', xa kan k'a yek'oje' kan ri kuta'm. Y keri' k'a xtibek'uluwachitej kik'in ri awinaq israelita. Jak'a xa xkek'oje' kan achi'el jun rukuta'm che'.

Am 5:3

Kere' k'a ninbij yin Jehová ri k'iytisanel richin ronojel: Wi k'o ta jun tinamit yeruteq e 1,000 achi'a' pa labal, rije' xaxe chik k'a e wok'al ri xketzolin. Wi ta yeruteq e wok'al achi'a', xaxe chik k'a e lajuj ri xketzolin.