Deut 28:56 - Kaqchiquel Bible

^56-57 Stape' ta jun ixoq ri kan janila ruq'ij ri k'o chi'ikojol rix ri kan man jun bey nibiyin ta chiraqen roma kan man nrajo' ta nupalibej ulew, re ixoq re' xtutej ri ti ral ri k'a juba' talex y chuqa' ri rachibil ri ruk'amon-pe ri ak'ual, ronojel re' xtutej pa ruyonil. Kan xkerixowaj ri rachijil y ri ral xaxe richin chi man nusipaj ta juba' chike ri ruch'akul ri ti ral.

Deut 28:56 ပူးပေါင်းရင်းမြစ်များ

Deut 28:54

Stape' ta jun achin ri janila jebel-runa'oj ri k'o chi'ikojol, kan xtutej jun chike ri ralk'ual, roma man jun chik ri k'o rik'in richin nutej, roma kan janila nim ri ruk'ayewal ri xtipe pan iwi' rokik sutin-rij ri itinamit koma ri etzelanel iwichin. Ri jun achin kan xkerixowaj ri rach'alal, ri rixjayil y ri e ralk'ual ri k'a ek'o na kan rik'in, xaxe richin man nuya' ta chike juba' ri ruch'akul ri ralk'ual.

Wuj Richin ri Isaías 3:16

Chuqa' ri Jehová nubij chikij ri ixoqi' aj-Sión; chi janila kinimirisan-ki', kan nikiyek-el ri kijolon chikaj, y kan rik'in ri runaq' taq kiwech yekoyoj ri achi'a'. Toq yebiyin, kan kokoj taq kixak ri nikiya', y nikiben xaxe richin nak'axatej ri kiwiqobel ri k'o chikaqen.

San Mateo 11:8

Ri xibetz'eta' rix xa jun achin ri xa man jebelej ta taq tzieq ri e rukusan, roma ri achi'a' ri e kikusalon jebelej taq tzieq, kan pa taq kachoch ri e rey ek'o-wi.

Wuj Richin ri Isaías 47:1

Ri Jehová nubij: Rix aj-Babilonia tijacha-iwi', y kixanpe wawe' richin yixtz'uye' pa poqolaj. Ri itinamit man jun bey xch'akatej ta, achi'el jun xten ri man jun bey xk'oje' rachijil. Jak'a chiwech-apo, man jun bey chik xtibix chire chi rija' k'a ko'ol ok y jebel ok.

Wuj Richin ri Jeremías 6:2

Kan xtik'is k'a ri tinamit Sión, stape' kan jun jebelej juyu' ri akuchi janila q'os k'o chuwech.

Wuj Richin ri K'uxla'anik 4:10

Ri ojer kan, ri ixoqi' janila joyowanik k'o kik'in, jak'a re wakami xa xekichaq'arisaj-qa ri taq kal. Kan ja ri taq kal ri xk'atzin-qa chike richin xok-qa kiway chupan ri q'ij richin ruk'ayewal kichin ri nuwinaq.