Deut 28:52 - Kaqchiquel Bible

⁵² Xtikisutij-rij ri tinamit richin iruwach'ulew y xtikiben oyowal k'a toq xketzaq na qa ri tz'aq ri más e nima'q y nej e jotol chikaj ri achoq ik'in ikuquban-wi-ik'u'x rix. Kan xkekich'ek k'a ronojel ri tinamit ri ek'o chupan ri ruwach'ulew ri xtiberuya' ri Jehová ri qa-Dios chiwe.

Deut 28:52 ပူးပေါင်းရင်းမြစ်များ

San Mateo 22:7

Jari' toq xapon rutzijol rik'in ri rey, y rija' xyakatej royowal, y xeruteq aj-labal chikij richin chi xek'is k'a ri e kamisanela' kichin ri e rusamajel, y chuqa' xuteq ruporoxik ri kitinamit.

Wuj Richin ri Zacarías 14:2

Jak'a pa nabey yin xkenmol konojel ri winaqi' richin ri ruwach'ulew richin xtikiben labal kik'in ri aj-Jerusalem. Kan xtich'akatej k'a, y xke'eleq'ex k'a el ronojel ri k'o rejqalen. Ri ixoqi' kan xtiqasex k'a kiq'ij koma achi'a'. Y nik'aj chire ri tinamit xke'uk'uex-el. Jak'a ri ch'aqa' chik k'a xkek'oje' na kan ri chiri', xcha' ri Dios.

Wuj Richin ri Zacarías 12:2

Yin xtinben chi roma ri Jerusalem, konojel ri ruwach'ulew ri ek'o chunaqaj xtisach kik'u'x achi'el nikiben ri q'abarela'. Chupan ri q'ij ri' ri Jerusalem xtikisutij-rij, y chuqa' xkeq'ijux ri ch'aqa' chik tinamit richin Judá.

Dn 9:26

Toq xq'ax yan ri 483 juna', kan xtelesex k'a ruk'aslen ri tata'al ri', jak'a xa man roma ta rumak rija'. Chirij re' jun aj-raqen ri man etaman ta ruwech y ri ruwinaq xkepe pa Jerusalem achi'el jun raqen-ya' ri nel-el pa ruk'ulba't. Y kan xtikiwulaj k'a ri tinamit Jerusalem y ri rachoch ri Dios. Ri ruk'ayewal y ri labal kan xtik'oje' k'a jantape' k'a toq xtik'is na ri 490 juna', achi'el ri rubin ri Dios.

Wuj Richin ri Jeremías 37:8

Jak'a xketzolin chik k'a pe ri aj-Babilonia y xtikichop chi oyowal re tinamit re' y xtok kichin y xtikiya' ruq'aq'al.

Wuj Richin ri Jeremías 10:18

Roma ri Jehová nubij chi wakami yixruk'eq-el chupan re qaruwach'ulew, achi'el toq ri ikeq' nuk'eq jun abej. Rija' kan xkixruya' pa tijoj-poqonal y pa ruk'isibel kan xkixchapatej, xicha' chike.

Wuj Richin ri Isaías 62:8

Ri Jehová kan xuya' rutzij chi rik'in ri nimalej ruchuq'a' man jun bey chik xtuya' q'ij chi ja ri e etzelanel kichin xketijo ri kiway, ni man xtikiqum ta ki-vino ri aj-Sión.

Wuj Richin ri Isaías 1:7

Ri iruwach'ulew xa kan man jun chik k'o chuwech; y konojel ri itinamit kan xeporox. ri e etzelanel iwichin kan chiwech rix nikitej-el ri itiko'n ri ibanon-qa, y kan nimalin kan achi'el toq nikiwulaj kan ri man e aj wawe' ta.

2 Rey 18:13

Chirij ri', chupan k'a ri juna' kajlajuj chire ri q'atbel-tzij richin ri Ezequías, ri Senaquerib rey richin Asiria y ri aj-labal xekichop k'a chi oyowal ri ruwach'ulew Judá, y xekich'ek konojel tinamit ri e tz'apen-kij chi tz'aq.

Wuj Richin ri Chojmirisabelri'il 26:25

Y kan xtinya' k'a labal pan iwi', richin nitoj roma xiq'ej ruwi' ri jikibel-tzij ri qabanon. Y wi rix kan xtiwajo' xtito-iwi' pa jun tinamit ri sutin rij chi tz'aq, yin kan xkenteq-pe nimalej taq yabil chiwij ri nikitaluj-ki' y kan xkixtzaq pa kiq'a' ri etzelanel iwichin.

Deut 28:51

Rije' xkekitej ri kal ri iwawej y xkekitej ri itiko'n ri iya'on-qa chuwech ri iwulew y kan xkixk'ayewatej, man xtikiya' ta kan i-trigo, ni i-vino, ni ri aceite, ni ta ri taq alaji' kal ri e kokoj y nima'q taq iwawej, y roma ri' rix xkixken roma wayjal.

2 Rey 6:29

Xqachaq'arisaj k'a ri ti wal yin, y xqatej. Y ri jun chik q'ij yin xinbij chire chi tuk'ama-pe ri ti ral richin niqatej. Jak'a rija' xa xrewaj ri ti ral, xcha'.

Wuj Richin ri Jeremías 10:17

K'ari' xinbij chike ri nuwinaq: Tik'olo-el ronojel ri kan iwichin rix roma sutin chik iwij.

Wuj Richin ri K'uxla'anik 2:2

Xuben k'a chi kan man jun chik jay richin ri Judá ri xpa'e' ta kan. Xeruwulaj ronojel ri jay richin tobel richin ri ruwach'ulew Judá. Xeruqasaj k'a pan ulew ri ajawaren y ri e tata'al.