Deut 28:41 - Kaqchiquel Bible

⁴¹ Xkek'oje' iwalk'ual, jak'a man xke'ok ta iwichin rix, roma xke'uk'uex-el chiwech y xkebeya' pa ximonri'il pa jun chik ruwach'ulew.

Deut 28:41 ပူးပေါင်းရင်းမြစ်များ

Deut 28:32

Kan chiwech rix xkejach-el ri iwalk'ual pa kiq'a' ch'aqa' chik winaqi' ri man e iwinaq ta, y jantape' k'a xtiwajo' xtitz'et chik kiwech, jak'a man jun chik xkixtikir xtiben richin xketzolej ta chik pe iwik'in.

Wuj Richin ri K'uxla'anik 1:5

Ri e etzelanel richin xa kan xe'ok-q'anej tata'al pa ruwi'. Ri itzel yetz'eton richin, wakami xa xebe pa jotol. Ronojel re tijoj-poqonal re' xuya' ri Jehová pa kiwi' ri winaqi', kere' xkik'uluwachij roma ri kimak kan pa ruk'iyal ri xkiben. Ri winaqi' kan xe'uk'uex-el pa ximonri'il koma ri e etzelanel kichin.

2 Rey 24:14

Y ri Nabucodonosor xeruk'uaj-el konojel winaqi' aj-Jerusalem: Ri aj-labal y ri aj-raqen ri ek'o pa kiwi' rije' y ri achi'a' ri jalajoj ruwech kisamaj. Konojel k'a ri aj-Jerusalem ri xe'uk'uex-el, e 10,000. Y xaxe chik ri winaqi' ri man jun k'o kik'in ri xek'oje' kan chupan ri ruwach'ulew Judá.

2 Crón 28:8

Chirij re' ri aj-labal aj-Israel xekik'en-pe e 200,000 winaqi' aj-Judá: Chi ixoqi', xtani', alaboni' y kan xkimej k'a pe chuwi-kiq'a' ronojel ri kan k'o rejqalen richin xkik'uaj pa Samaria.

Wuj Richin ri K'uxla'anik 1:18

Rat Jehová kan pa ruchojmilal ri xaben. Roj kan xqapaba-qi' chuwech ri ach'abel. Y rix winaqi' tiwak'axaj k'a, chi qonojel roj niqatej poqon. Konojel k'a ri qalk'ual, chi xtani', chi alaboni' xe'uk'uex-el pa ximonri'il.

Wuj Richin ri Isaías 65:23

Man xkesamej ta chaq keri'. Chuqa' ri ak'uala' ri xke'alex, man xtipe ta ruk'ayewal pa kiwi', roma rije' y ri e kijatzul kan nuya'on urtisanik pa kiwi'.

Dn 1:3

Chirij ri' ri rey xch'on rik'in ri aj-raqen pa kiwi' ri rusamajela', ri rubini'an Aspenaz, y xubij chire chi kek'amer-pe alaboni' chikikojol ri israelita ri e rijatzul ri rey y ri e tata'al.

Wuj Richin ri Miqueas 1:16

Y ri winaqi' aj-Judá xtikisokaj-el ri rusumal-kiwi' richin nikik'ut chi yebison. Xtikijos-el ri rusumal-kiwi', y xketz'anatz'o' kan achi'el ri k'uch. Y ri kalk'ual rije' ri janila yekajo' xa kan xke'uk'uex-el pa ximonri'il.