Deut 28:4 - Kaqchiquel Bible

⁴ Ri Jehová xtuben chi xtik'oje' k'iy iwalk'ual, y kan utz xtel ri itiko'n, y kan xkek'iyer ta ri taq kal ri kokoj y nima'q taq iwawej.

Deut 28:4 ပူးပေါင်းရင်းမြစ်များ

Wuj Richin Etamabel-Tzij 10:22

Ri urtisanik richin ri Dios, kan nuk'en-pe beyomel chike ri winaqi'; y ri winaqi' xa man rik'in ta k'a tijoj-poqonal toq nikiq'i-q'anej ri'.

Deut 7:13

Kan xkixrajo' y kan xtuya' urtisanik pan iwi' y kan xkixruwinaqirisaj y chuqa' kan xtuya' ruq'a' pa kiwi' ri iwalk'ual y pa ruwi' ri jalajoj ruwech ixin, ri vino, ri aceite, pa kiwi' ri kal ri wákix y ri karne'l, ri xkek'oje' iwik'in chiri' chupan ri ruwach'ulew ri sujun kan chike ri qati't-qamama'.

Wuj Richin ri Rutikeribel 49:25

Jak'a ri nu-Dios yin ri in atata' ri xtito'on awichin; ja ri Dios ri k'o ronojel uchuq'a' pa ruq'a' ri xturtisan awichin, kan xkarurtisaj-pe rik'in ri job ri niqaqa-pe chila' chikaj, kan xkarurtisaj k'a rik'in ri ya' ri k'o pa ruk'u'x re ruwach'ulew. Ri ak'uala' kan k'o k'a ri xtikitz'umaj y kan k'o chuqa' ak'uala' xke'alex.

Wuj Richin Bix Chire ri Dios 128:3

Ri awixjayil kan xtuben k'a achi'el ri juwi-uva ri kan janila ruwech. Ri awalk'ual kan achi'el k'a ri taq alaj che' olivo xtikiben chuchi' ri a-mesa.

Deut 28:11

Ri Jehová Dios kan xkixrurtisaj k'a, y xtuya' janila iwalk'ual, y ri iwawej kan janila xkek'iyer y ri itiko'n chuqa' janila xtiwachin achi'el xujikiba' chike ri qati't-qamama'.

Wuj Richin Bix Chire ri Dios 107:38

Ri Jehová kan xerurtisaj y kan janila xewinaqir; ri kawej kan janila chuqa' xek'iyer.

Wuj Richin ri Chojmirisabelri'il 26:9

Yin kan xkixinwajo' k'a y kan xkixink'iyerisaj, y ri nujikiban richin xtinbenya' chiwe kan xtinbenya' k'a.

Wuj Richin Etamabel-Tzij 13:22

Ri wineq ri kan utz, kan k'o k'a ri nuya' kan richin nikichinaj kan ri e riy-rumam; jak'a ri beyomel ri nuya' kan ri wineq aj-mak, kan niyake' kan, richin chi ja ri choj kik'aslen ri ye'ichinan.

Wuj Richin ri Rutikeribel 22:17

Xkatinwurtisaj y xtik'iyer k'a ri awijatzul achi'el ruk'iyal ri ch'umila' ri ek'o chila' chikaj, y achi'el ruk'iyal ri sanayi' ri k'o chuchi' ri palou, y ri awijatzul xke'ichinan kan ri tinamit ri ye'etzelan kichin.

Wuj Richin Etamabel-Tzij 20:7

Ri chojmilej wineq, kan tz'aqet-wi ri ruk'aslen ruk'uan, kan jebel k'a ruwa-kiq'ij ri ak'uala' ri yeralk'ualaj kan y yek'oje' kan chirij rija'.

1 Timoteo 4:8

Kan janila jebel wi natej aq'ij richin nik'oje' más ruchuq'a' ri ach'akul. Jak'a más utz wi natej aq'ij richin nak'uaj jun k'aslen utz chuwech ri Dios. Roma k'o nuk'en-pe chawe chupan ri ak'aslen wawe' y ri chawech apo.

Wuj Richin Bix Chire ri Dios 127:3

Ri alk'ualaxela' kan jun sipanik ri nuya' ri Jehová chike ri te'ej-tata'aj; kan jun urtisanik chike rije'.

Wuj Richin ri Rutikeribel 39:5

Y kan xaxe k'a toq ri Potifar xuya' kan ronojel pa ruq'a' ri José, ri Jehová xuya' urtisanik pa ruwi' ri ek'o pa rachoch y pa ruwi' ri rutiko'n.

Deut 28:3

Ri Jehová xtuben chi ronojel ri niben pa tinamit kan k'o urtisanik pa ruwi', keri' chuqa' pa ruwi' ronojel ri xtiben pa juyu'.

Deut 28:5

Ri Jehová kan xtuben chi kan xtuya' pa ruk'iyal ri iway.

Deut 28:18

Ri Jehová xtuben chi juba' ok iwalk'ual xkek'oje', y xa juba' ok xtiwachin ri itiko'n, y ri kal ri iwawej kan e juba' ok.