Deut 28:32 - Kaqchiquel Bible

³² Kan chiwech rix xkejach-el ri iwalk'ual pa kiq'a' ch'aqa' chik winaqi' ri man e iwinaq ta, y jantape' k'a xtiwajo' xtitz'et chik kiwech, jak'a man jun chik xkixtikir xtiben richin xketzolej ta chik pe iwik'in.

Deut 28:32 ပူးပေါင်းရင်းမြစ်များ

Joel 3:6

Kan xe'ik'ayij-el nej ri nuwinaq aj-Judá y ri aj-Jerusalem; kan xe'ik'ayij-el chike ri aj-Grecia richin xe'iwelesaj-el chupan ri kiruwach'ulew.

Deut 28:41

Xkek'oje' iwalk'ual, jak'a man xke'ok ta iwichin rix, roma xke'uk'uex-el chiwech y xkebeya' pa ximonri'il pa jun chik ruwach'ulew.

2 Crón 29:9

Roma ri' ri qate-qatata' xeken chi espada chupan ri oyowal, y ri ak'uala' y ri ixoqi' xe'uk'uex-el.

Wuj Richin ri Miqueas 4:10

Ruk'amon chi keri' yixq'axo y yixjilo; roma rix nuwinaq k'o chi yixel-el re wawe' pa tinamit Jerusalem, y xa xkixbek'oje' pa taq ulew richin tiko'n. Rix xa xkixbe k'a pa Babilonia, y toq ixk'o chik chiri' xkixbekol-pe. K'a chiri' k'a xkixrelesaj chik pe ri Jehová pa kiq'a' ri e etzelanel iwichin.

Am 5:27

roma yin xkixinteq-el más k'a kela' chirij ri ruwach'ulew Damasco. Yin Jehová ri Dios ri k'o ronojel uchuq'a' wik'in ri yibin.

Ez 24:25

Y ri Dios xubij chuwe chi xtrelesaj-el ri rachoch ri achoq ik'in kikuquban kik'u'x ri nuwinaq y achoq ik'in yekikot-wi. Chuqa' xtrelesaj k'a ri kik'aslen ri kimi'al-kik'ajol.

Wuj Richin ri K'uxla'anik 5:17

Roma ronojel re' kan nimayamo-qa ri qánima. Xq'equmatej yan qawech,

Wuj Richin ri K'uxla'anik 4:17

Kan xqakanoj k'a to'onik, jak'a man xqil ta. Roma ri' ri runaq' taq qawech xa kan xk'is yan k'a ruchuq'a'. Ri e chajinela' yetzu'un k'a nej koyoben to'onik jak'a man jun chike ri ruwach'ulew ri xpe ta richin xojkikol

Wuj Richin ri K'uxla'anik 2:11

Ri woq'ej kan nuk'is k'a ruchuq'a' ri runaq'-nuwech. Ri nupan kan achike na k'a nuben roma ri q'axo'n. Kan niq'axon ri wánima roma nintz'et ri tijoj-poqonal ri nikik'owisaj ri nuwinaq; roma ri ak'uala' y ri neneya' e punupuxineq pa taq bey richin ri tinamit.

Wuj Richin ri Isaías 38:14

Xinben achi'el yech'ipch'ot ri taq tz'unun, xijilon achi'el yejilon ri taq paloma. Ri runaq' taq nuwech kan janila xekos rokik xaxe xitzu'un-el chila' chikaj. Yin kan xink'utuj utzil chawe rat Jehová chi xinato' ta, roma xik'oje' pa q'axo'n.

Wuj Richin Bix Chire ri Dios 119:123

Ri runaq' taq nuwech xa kan xk'is-qa kuchuq'a' richin koyoben ri asujun. Kan woyoben k'a chi yitotej achi'el ri asujun chuwe.

Wuj Richin Bix Chire ri Dios 119:82

Ri runaq' taq nuwech xa kan xk'is-qa kuchuq'a' richin koyoben ri asujun. Yin kan nink'utuj k'a qa chi janipe' yape richin nakuquba' nuk'u'x.

Wuj Richin Bix Chire ri Dios 69:3

Xikos yan janila, roma yisik'in chuk'utuxik to'onik, ri nuqul kan niq'axon chik, y xjasjo' yan. Ri runaq'-nuwech chuqa' nik'is yan qa ruchuq'a', roma yatinkanoj rat nu-Dios.

Wuj Richin ri Achin Job 17:5

Rije' xa nikiben achi'el nubij ri tzij: Ri achin k'o ri nutaluj chikiwech ri rachibil, rokik ri ralk'ual man jun nikik'ul y yewayjan.

Wuj Richin ri Achin Job 11:20

Jak'a ri runaq' taq kiwech ri e itzel taq winaqi' kan xtik'is kuchuq'a', y man jun akuchi xtikito-wi-ki'. Xaxe k'a ri kamik ri xtito'on-el kichin chuwech ri'.

Deut 28:65

Rokik ixk'o chuwech ri ruwach'ulew ri' man xkixuxlan ta juba', ni man xtiwil ta ch'uch'ujil, roma ri Jehová xtuben chiwe richin xkixk'ase' rik'in xibinri'il. Xtibison iwech y xtik'oje' q'axo'n pa taq iwánima.

Deut 28:18

Ri Jehová xtuben chi juba' ok iwalk'ual xkek'oje', y xa juba' ok xtiwachin ri itiko'n, y ri kal ri iwawej kan e juba' ok.

Wuj Richin ri Q'axanri'il 21:29

¡Tijoyowex awech rat Moab! Kan xak'is k'a rat tinamit richin ri dios Quemós. Rat Quemós, xa xaya' q'ij chi ri awinaq achi'a' xe'animej, xa xaya' q'ij chi ri e kimi'al rije' xe'uk'uex pa ximonri'il. Xa xe'uk'uex roma ri Sihón, ri rey kichin ri winaqi' amorreo.

Deut 28:31

Ri iwákix kan chiwech xtiqupix ri kiqul, jak'a man ja ta rix ri xkixtijo ri kich'akul. Xke'uk'uex ri ibur chiwech y man xketzolix ta chik pe chiwe; y ri ikarne'l kan xkeya' pa kiq'a' ri e etzelanel iwichin y man jun xkekolon ta kan pa kiq'a'.

Wuj Richin ri K'uxla'anik 1:18

Rat Jehová kan pa ruchojmilal ri xaben. Roj kan xqapaba-qi' chuwech ri ach'abel. Y rix winaqi' tiwak'axaj k'a, chi qonojel roj niqatej poqon. Konojel k'a ri qalk'ual, chi xtani', chi alaboni' xe'uk'uex-el pa ximonri'il.

Wuj Richin ri Miqueas 2:1

Kan toq'ex k'a kiwech ri winaqi' ri nikich'ob achike etzelal nibekibana'. Rije' ja ri chi'aq'a' nikich'ob itzel taq banobel, y kan xaxe k'a niseqer-el kan jari' nibekibana' ri etzelal ri xkich'ob rij. Rije' kan yetikir k'a nikiben roma kan k'o uchuq'a' pa kiq'a'.

Wuj Richin ri Achin Job 31:8

wi ta keri', utz ta nrelesaj ronojel ri nutikon-qa y nuya' chike ch'aqa' chik, y chuqa' ri nutikon-qa kan yek'uq-el chinuwech.