Deut 28:30 - Kaqchiquel Bible

³⁰ Chuqa' xtik'utuj jun xten richin nok iwixjayil y xa jun chik achin ri xtik'oje' rik'in. Xtipaba-q'anej jun iwachoch y xa jun chik xtik'oje' chupan; y chuqa' xtitik-qa uva y xa ch'aqa' chik ri xketijo ruwech.

Deut 28:30 ပူးပေါင်းရင်းမြစ်များ

Am 5:11

Rix ye'ixolq'otij ri winaqi' ri man jun k'o kik'in. Y niben chike chi k'o chi nikitoj trigo chiwe. Roma ri' man xkixtikir ta xkixk'oje' chupan ri nimalej iwachoch ri e banon rik'in abej. Stape' itikon-qa jebelej taq uva, man xtiqum ta vino chire.

Wuj Richin ri Jeremías 8:10

Roma ri' ri iwixjayilal xkenbenya' k'a chike ch'aqa' chik achi'a'. Chuqa' ri iwulew xtinya' chike ch'aqa' chik winaqi', roma chi ch'uti'q chi nima'q, chi'iwonojel rix xaxe ch'akonik ri man pa ruchojmilal ta ri nich'ob. Y ri nikibananej chi e q'alajirisey nuch'abel y ri e sacerdote, konojel rije' yesamej xaxe rik'in q'olonik.

Wuj Richin ri Achin Job 31:10

wi ta keri', ri wixjayil xa utz ta chi niberilij y nuben ta ri nrajo' jun chik achin, xa nibek'oje' ta pa ruch'at xabachike achin.

Wuj Richin ri Sofonías 1:13

Roma ri' xa xtuk'uex k'a el ronojel ri kibeyomel, y ri kachoch kan xtitole' kan. Rije' xkekipabala-q'anej jay, jak'a xa man xkek'oje' ta chik chupan. Xkekitik-qa ki-uva, jak'a xa man xtikiqum ta chik ri vino, xcha' ri Dios.

Wuj Richin ri Miqueas 6:15

Xtiben-qa ri itiko'n, jak'a xa man ja ta rix yixk'olo. Xtiyitz' k'a ri aceituna, jak'a xa man xtikusaj ta ri aceite. Xtiyitz' k'a ri uva, jak'a xa man xtiqum ta ri vino.

Os 4:2

Ri Dios nubij: Xa kan ruyon k'a tz'ukuj taq tzij k'o chikikojol, xaxe yekamisan, ye'eleq', nikibanala' ixoqinik y ch'aqa' chik itzel taq banobel. Kan jantape' k'a chi kamik nibanatej chupan ri ruwach'ulew Israel.

Wuj Richin ri K'uxla'anik 5:2

Ri ulew ri qichinan kan, wakami xa xok kan kichin ch'aqa' chik winaqi'. Ri qachoch, xa winaqi' aj juk'an chik ri xek'oje' kan chupan.

Wuj Richin ri Jeremías 12:13

Rije' xtikitik-qa trigo y xa ruyon k'ix ri xtel-pe. Ronojel ri kisamaj xa man jun xuq'ajuj-wi. Kan xek'ixbitej roma ri kitiko'n roma yin kan yakatajineq woyowal chikij.

Wuj Richin ri Achin Job 3:18

Chiri' ye'uxlan-wi ri xkitej-el poqon pa taq samaj, y man nikak'axaj ta chik ri kiraqoj-chi'ij ri xek'oje' pa kiwi'.

Deut 28:31

Ri iwákix kan chiwech xtiqupix ri kiqul, jak'a man ja ta rix ri xkixtijo ri kich'akul. Xke'uk'uex ri ibur chiwech y man xketzolix ta chik pe chiwe; y ri ikarne'l kan xkeya' pa kiq'a' ri e etzelanel iwichin y man jun xkekolon ta kan pa kiq'a'.

2 Sam 12:11

Re ruk'ayewal re' xtipe pan awi' y kan ja ri e aj pan awachoch ri xkek'amon-pe pan awi'. Kan chawech rat xkenk'uaj-el ri awixjayilal y xkenjech chire jun chike ri aj pan awachoch, richin xtik'oje' kik'in. Y re' man pan ewel ta xtibanatej-wi, roma xa kan chijun re tinamit xtitz'eton. Rat abanon-pe ri mak ri' pan ewel, jak'a yin xtinben richin xtiq'alajin chuwech chijun re ruwach'ulew Israel. Yin Jehová ri yibin, xcha' ri Natán.

Wuj Richin ri Jeremías 6:12

Y ri kachoch, ri kulew y ri kixjayilal xke'ok ta kichin ch'aqa' chik winaqi', roma yin kan xtintzeqej nuq'a' pa kiwi' konojel ri aj-Judá richin ninya' rutojbalil-mak pa kiwi'. Yin Jehová ri yibin.

Wuj Richin ri Achin Job 20:18

Ri wineq ri' kan k'o chi nutzolij ronojel ri nubij chi ruch'akon rik'in ri rusamaj, y man xtuna' ta juba' ruki'il ri rubeyomel.

Wuj Richin ri Isaías 62:8

Ri Jehová kan xuya' rutzij chi rik'in ri nimalej ruchuq'a' man jun bey chik xtuya' q'ij chi ja ri e etzelanel kichin xketijo ri kiway, ni man xtikiqum ta ki-vino ri aj-Sión.

Wuj Richin ri K'uxla'anik 5:11

Ri ixoqi' ri e richin ri tinamit Sión xa kan xqasex kiq'ij roma xek'oje' achi'a' kik'in, stape' rije' man xkajo' ta. Kan keri' chuqa' xkik'uluwachij konojel ri xtani' ri ek'o pa Judá.

Wuj Richin ri Habacuc 3:17

Yin kan xkikikot k'a rik'in ri Jehová, kan xkinimaq'ijun k'a rik'in ri Dios ri nukolonel; stape' ta ri ruche'el wíkix man ta chik niwachin, ni ri juwi-uva man ta chik nuya' ruwech, ni ri aceite richin ri olivo maneq ta chik; stape' kan man niwachin ta chik ri ruwach'ulew, y kan e maneq ta chik ri kokoj y nima'q taq awej.