Deut 28:29 - Kaqchiquel Bible

²⁹ Keri' xkixmaqmo'x k'a pa nik'aj-q'ij achi'el nimaqmo'x jun moy pa q'equ'm y ronojel k'a ri xtiben man jun utz xtel chiwech; y kan jantape' xtiban chiwe richin xtitej poqon, y kan xteleq'ex-el ronojel ri k'o iwik'in y kan man jun xtipe richin xkixruto' ta juba'.

Deut 28:29 ပူးပေါင်းရင်းမြစ်များ

Wuj Richin ri Isaías 59:10

Kan yixmaqmo'x achi'el nikiben ri moyi'. Kan ixibin-iwi' yixbiyin, achi'el xa man yixtzu'un ta. Kan nipajk'ila' iwaqen ri pa nik'aj-q'ij, achi'el xa ja ta ri chi'aq'a' ri yixbiyin. Ixk'o pa q'equ'm, achi'el xa ta ix kaminaqi' chik.

Wuj Richin ri Achin Job 5:14

Y stape' jebel rubanon ri rusaqil ri q'ij, chikiwech rije' xa q'equ'm; rije' yemaqeq yebiyin ri pa nik'aj-q'ij, achi'el xa ta chi'aq'a'.

Wuj Kichin ri To'onela' 13:1

Ri israelita xa kan xkichop chik k'a rubanik ri itzel taq banobel chuwech ri Jehová; y roma ri' xek'oje' pa kiq'a' ri aj-Filistea kawineq juna'.

Wuj Kichin ri To'onela' 10:8

Y re winaqi' re' waqxaqlajuj juna' xekiya' pa tijoj-poqonal ri israelita ri ek'o pa ruwach'ulew Galaad ri k'o pa relebel-q'ij chire ri raqen-ya' Jordán, ri nibix chuqa' ruwach'ulew kichin ri amorreo chire.

Wuj Kichin ri To'onela' 3:14

Y rije' waqxaqlajuj juna' xe'ok samajela' richin ri Eglón rey kichin ri aj-Moab.

Romanos 11:25

Wach'alal, yin ninwajo' chi rix iwetaman ta re k'a juba' tuq'alajirisaj ri Dios, richin man xa tina-iwi' iyon rix chi janila iq'ij. Y ri nuwinaq judío ri kowirineq ri kánima y man nikajo' ta nikinimaj ri Dios, keri' xkek'oje', k'a toq xkekolotej na ri man e judío ta.

Hechos 21:24

Ke'ak'uaj k'a el, tich'ajch'ojirisaj-iwi' kik'in y tiya' chire ri Dios ri nubij ri pixa'. Y ja rat kaloq'o ronojel ri nik'atzin. K'ari' rije' xtikijuk'-el ri rusumal taq kiwi'. Wi rat xtaben ronojel ri xqabij chawe, ri qawinaq xtiketamaj k'a chi xa man qitzij ta ri nitzijox chawij; xa xtikibij k'a chi kan at nimanel-wi richin ri pixa'.

Wuj Richin ri Sofonías 1:17

Ri Jehová xkeruya' janila pa k'ayew ri winaqi', y xtuben chike chi xke'ok moy roma ri kiq'axo'n, roma kan xemakun chuwech rija'. Ri kikik'el rije' kan xtibebiyin achi'el nibiyin ri ya', y ri kixkolob kan xtel-pe jumul.

Wuj Richin ri K'uxla'anik 5:17

Roma ronojel re' kan nimayamo-qa ri qánima. Xq'equmatej yan qawech,

Wuj Richin ri K'uxla'anik 5:8

Wakami xa ojk'o k'a pa kiq'a' relik taq samajela'. Kan man jun k'a nikolon qichin.

Wuj Richin ri Achin Job 12:25

Yemaqaqlan k'a e beneq, achi'el pa q'equ'm e beneq-wi y maneq saqil. Nuben chike chi yetzalima'y yebiyin achi'el nikiben ri q'abarela'.

Wuj Richin ri Nehemías 9:37

Re ruwach'ulew re' jebel niwachin, jak'a re wakami man qichin ta chik roj. Xa kichin chik ri rey ri xe'aya' pa qawi' roma ri qamak, y roma ri' rije' nikiben chiqe ri nikajo' y chuqa' kik'in ri taq qawej, y roma ri' ojk'o pa jun nimalej bis, xcha' ri Esdras.

Wuj Richin ri Rutikeribel 19:11

K'ari' xkiben chike ri achi'a' richin xemoyir y xemoyir ri más e rijita'q k'a ri más k'a e ak'uala' na. Y re achi'a' re' xa nabey xekos y man xkil ta ri ruchi' ri jay.

Ex 10:21

Xeri' ri Jehová xubij chik chire ri Moisés: Tayaka' ri aq'a' chikaj richin chi tiqaqa jun nimalej q'equ'm pa ruwi' chijun ri Egipto; q'equ'm ri xa kan tikirel richin chi nichap, xcha'.

Deut 28:28

Rija' xtuben chiwe richin xkixch'ujer, xkixmoyir y man xkixch'obon ta chik.

Wuj Richin ri Jeremías 9:19

Roma pa tinamit Sión xak'axatej k'a jun raqoj-chi'ij ri nikibij: Ri qaruwach'ulew kan xk'oje' k'a kan pa wululen y pa k'ixbilal. Chuqa' kan xek'is k'a ri qachoch y roma ri' k'o chi xqojel-el.

Wuj Richin ri K'uxla'anik 4:14

Ri e sacerdote xa xemaqmo'x k'a pa taq bey. Y ri e q'alajirisanela' ri xa man qitzij ta ri nikibij, xa xebiyin achi'el nikiben ri moyi'. Xe'ok man e ch'ajch'oj ta roma ri kik'. Y roma ri' man jun chik xajowan xjel-apo kik'in.