Deut 28:27 - Kaqchiquel Bible

²⁷ Ri Jehová xtuben chiwe richin xtitej poqon rik'in yabil achi'el ri awas achi'el xpe chike ri aj-Egipto. Xtipe sipojik chiwij ri kan k'o rujeleb, ch'a'k y sal ri kan janila ruk'aqatil y man jun ri xtik'achoj chik chire ri yabil ri'.

Deut 28:27 ပူးပေါင်းရင်းမြစ်များ

1 Sam 5:6

Chirij ri' ri Jehová xuya' jun ruk'ayewal pa kiwi' y xuben chike konojel ri aj-Asdod y chijun ri kiruwach'ulew, chi xpe sipojik chikij ri kan k'o rujeleb.

Deut 28:35

Ri Jehová xtuben chiwe richin xtitej poqon rik'in awas pa taq ich'ek y xkebe'el-pe chijun ich'akul y kan man xkixaq'omatej ta chik.

Wuj Richin ri Chojmirisabelri'il 21:20

chuqa' ri jun wuq'uwik, jun ixin wineq, jun tzor runaq'-ruwech, jun ri k'o sal chirij, jun ri k'o puj chirij ri ruch'akul, o jun achin ri man tz'aqet ta ri rukowil.

Ex 15:26

Y xubij: Wi kan qitzij xtiwak'axaj ri nuch'abel yin Jehová ri i-Dios, y kan xkixbiyin choj chinuwech, y kan xtiben ronojel ri nubij ri pixa' y kan xtiyek pan iwánima, kan man jun k'a yabil xtinteq-pe pan iwi' achi'el ri xinteq pa kiwi' ri aj-Egipto, roma ja yin Jehová ri in aq'omanel iwichin, xcha' ri Jehová.

Ex 9:9

Y ri aq'ab ri' kan kok'-kok' k'a xtuben y xtutaluj-ri' pa ruwi' chijun ri ruwach'ulew Egipto y re' xtuben chike chi xtipe ruk'aqatil ri kich'akul y xtich'akan. Keri' chikij ri winaqi' y chikij chuqa' ri kawej, xcha'.

Wuj Richin ri Isaías 3:17

Roma ri' ri Jehová kan k'o jun yabil ri xtuya' pa kiwi' ri ixoqi' ri'. Kan xtuben chike chi xtel-pe sal pa kijolon, richin chi xtik'is-el ronojel ri rusumal-kiwi'.

Wuj Richin Bix Chire ri Dios 78:66

Xuben k'a chi xech'akatej ri e etzelanel kichin y xe'animej. Kan xerunojisaj rik'in k'ix richin jantape'.

1 Sam 5:12

Y ri man xeken ta, kan janila k'a yesik'in roma rukiy ri sipojik rik'in ri jeleb ri k'o chikij y ri kiraqoj-chi'ij napon k'a chikaj.

1 Sam 5:9

Y toq kiq'axan chik pe pa Gat, ri Jehová xuya' pa poqon ri tinamit ri'. Xuya' sipojik chike ri kan k'o rujeleb, richin nikiq'axaj ri ruk'ayewal. Y ri yabil ri' xeruchop chi ch'uti'q chi nima'q.

Ex 9:11

Y chupan ri q'ij ri' ri aj-itza' kan man xetikir ta chik xe'apon toq xapon ri Moisés, roma rije' xa k'o chik k'a ch'a'k chikij. Ri ch'a'k ri' kan xqaqa k'a chikij ri aj-itza' y chikij konojel ri winaqi' aj-Egipto.

Deut 7:15

Ri Jehová kan xtrelesaj-el ronojel ruwech yabil y xtrelesaj ri nimalej ruk'ayewal, achi'el ri xuya' pa kiwi' ri aj-Egipto, xa kan xaxe pa kiwi' ri winaqi' ri ye'etzelan iwichin xtuya-wi.

Deut 28:28

Rija' xtuben chiwe richin xkixch'ujer, xkixmoyir y man xkixch'obon ta chik.

Am 4:10

Xinteq-pe nimalej taq yabil pan iwi' achi'el ri xinya' pa kiwi' ri aj-Egipto, Xinben chi ri alaboni' xeken kan chupan ri labal. Chuqa' ri e etzelanel iwichin xkimej kan ri ikiej. Xinben chi xiseq kichuwil ri kaminaqi' ri chiri' ri akuchi ixk'o-wi-qa. Man rik'in ri' man xtzolej ta pe ik'u'x wik'in. Yin Jehová ri yibin.

Ex 9:10

K'ari' ri Moisés y ri Aarón kan xkimoq'ej k'a el ri aq'ab pa taq kiq'a' y xebe rik'in ri rey. Y chiri' ri Moisés xujopij ri aq'ab chikaj y kan xpe k'a ch'a'k chikij ri winaqi' aj-Egipto y chikij ri kawej.