Deut 28:25 - Kaqchiquel Bible

²⁵ Ri Jehová kan xtuben chi xkixrujech pa kiq'a' ri e etzelanel iwichin, y rix xkixanimej-el chikiwech. Xa kan itzel k'a xkixtz'et koma konojel ri winaqi' richin ri ruwach'ulew.

Deut 28:25 ပူးပေါင်းရင်းမြစ်များ

Ez 23:46

Yin Jehová ninbij: Kan xtikimol k'a ki' chijun ruwach'ulew richin xkeyakatej chiwij. Xtinben k'a chike chi xtipe jun nimalej xibinri'il y xke'eleq' k'a iwik'in.

Wuj Richin ri Isaías 30:17

Xaxe k'a jun xkixoqotan-el ix 1,000 y iwonojel rix xkixanimej-el chikiwech e wo'o'. Xa kan juba' ri xkixk'oje' kan, achi'el toq nuyonij kan jun che' pa ruwi' jun juyu', o achi'el jun retal ri ya'on pa ruwi' jun juyu', xcha' ri Dios.

Wuj Richin ri Jeremías 24:9

Kan koma k'a rije', ri winaqi' richin ri ch'aqa' chik ruwach'ulew kan xtisach kik'u'x. Chuqa' e ya'ol k'ix, kan xkeyojobex y kan xtiqaqa itzel pa kiwi' ri akuchi xkenteq-wi-el.

Deut 28:7

Ri Jehová kan xtuben chi xkerujech pan iq'a' ri e etzelanel iwichin, y xke'animej-el chiwech.

Deut 32:30

¿Tikirel kami chi e 1,000 achi'a' chiwe rix ye'animej chuwech jun chike ri e etzelanel iwichin, o e 10,000 achi'a' chiwe rix ye'animej chikiwech e ka'i' chike rije'? Ri' xbanatej xaxe roma ri Jehová, ri abej ri itobal man xixruto' ta chik. Xa xixrujech pa kiq'a' ri e etzelanel iwichin.

Wuj Richin ri Chojmirisabelri'il 26:17

Yin xkiyakatej k'a chiwij y kan xkixch'akatej k'a pa kiq'a' ri etzelanel iwichin y ja rije' ri xkek'oje' pan iwi'; y rix xkixanimej k'a, stape' man jun oqotayon iwichin.

San Lucas 21:24

E janila k'a k'iy winaqi' xkeken pa kiq'a' ri aj-labal. Y ri ch'aqa' chik chike ri winaqi' xke'uk'uex-el pa ch'aqa' chik ruwach'ulew. Y re Jerusalem xtixeq'-xtipalibex koma winaqi' ri xa man e judío ta, k'a ja toq xtapon ri q'ij toq man xtikiq'et ta chik tzij ri winaqi' ri' pa ruwi' ri Jerusalem.

Wuj Richin ri Jeremías 34:17

Roma ri' yin ninbij chi roma rix kan man xiniwak'axaj ta k'a richin chi xiya' ta el q'ij chike ri isamajela' richin xetotej, roma ri' re wakami yin kan xtinya' q'ij chi xtipe ri labal, ri wayjal y ri nima-yabil chiwij; kan xtinben chike konojel tzobaj winaqi' richin re ruwach'ulew, chi xtikixibij-ki' chiwech.

Wuj Richin ri Josúe 7:4

Y xebe k'a e 3,000 achi'a', y rije' xa xe'animej-pe roma xa xkixibij-pe-ki' chikiwech ri aj-Ai.

Wuj Kichin ri To'onela' 2:14

Roma ri' ri Jehová xpe janila royowal chikij ri e rijatzul kan ri Israel, y xerujech kan pa kiq'a' eleq'oma' ri kan xe'eleq' kik'in. Xerujech kan pa kiq'a' ri e etzelanel kichin ri ek'o chikinaqaj; y rije' man xetikir ta chik xkipaba-ki' chikiwech.

1 Sam 4:10

Xkiben k'a oyowal ri aj-Filistea y kan xekich'ek k'a ri israelita. Toq xech'akatej, chikijujunal xe'animej y xebe pa taq kachoch. Kan janila e k'iy ri aj-labal ri xeken, ri kajlabal e 30,000.

1 Rey 8:33

Wi ta ri nuwinaq xkech'akatej-el roma jun chik tinamit ri etzelanel qichin roma xemakun chawech rat, jak'a wi xa xtitzolin-pe kik'u'x y xtikik'utuj kuyubel-mak chawech y xtikiya' chik aq'ij ak'ojlen, y xtikik'utuj utzil chawe pa ruchojmilal re awachoch;

2 Crón 28:8

Chirij re' ri aj-labal aj-Israel xekik'en-pe e 200,000 winaqi' aj-Judá: Chi ixoqi', xtani', alaboni' y kan xkimej k'a pe chuwi-kiq'a' ronojel ri kan k'o rejqalen richin xkik'uaj pa Samaria.

2 Crón 29:8

Roma ri' ri Jehová xuteq-pe ri royowal pa kiwi' ri qate-qatata' ri ek'o pa Judá y pa Jerusalem, y xuben chike richin xkik'uluwachij nima'q taq q'axo'n, y ri winaqi' richin ri ch'aqa' chik ruwach'ulew kan xkixibij k'a ki' toq xekitz'et, y chuqa' kan xetze'en chikij. Y rix kan itz'eton k'a pe re'.

Wuj Richin ri Jeremías 19:7

Re wawe' xtinwulaj-wi ri ich'obonik rix aj-Judá y aj-Jerusalem. Y xtinben chi ri e etzelanel iwichin xkixkich'ek y xkixkikamisaj chi espada. Y chuqa' ri ich'akul kan xtik'atzin richin xtok kiway ri aj-xik' taq chikopi' y ri chikopi' ri ek'o pa k'echelaj.

2 Crón 6:24

Wi ta ri nuwinaq xkech'akatej-el roma jun chik tinamit ri etzelanel qichin roma xemakun chawech rat, jak'a wi xa xtitzolin pe kik'u'x y xtikik'utuj kuyubel-mak chawech y xtikiya' chik aq'ij ak'ojlen, y xtikik'utuj utzil chawe pa ruchojmilal re awachoch;

Os 8:3

Ri tinamit Israel xa man xrajo' ta k'a ri utz, roma ri' kan ja ri e etzelanel richin ri xketzeqeliben richin.