Deut 28:22 - Kaqchiquel Bible

²² Chuqa' xtuteq-pe jun nima-yabil chiwij ri kan xtuk'is iwuchuq'a', rik'in nimalej k'aten, sipojik ri kan yerepo. Chuqa' xtipe jun nimalej saq'ij y man xtiqaqa ta chik job y kan xtipe k'a yabil pa ruwi' ri itiko'n. Ronojel re' kan man xkixruya' ta kan k'a toq xkixruk'is na jumul.

Deut 28:22 ပူးပေါင်းရင်းမြစ်များ

Am 4:9

Xinya' nimalej taq kaq'iq' pa ruwi' ri itiko'n richin xechaqi'j-qa. Xinteq k'a pe yabil richin nik'is ri i-uva y ri itiko'n ri ek'o pa qejoj. Chuqa' ri sak' xekitej ri iwíkix y ri olivo. Man rik'in ri' man xtzolej ta pe ik'u'x wik'in. Yin Jehová ri yibin.

Wuj Richin ri Chojmirisabelri'il 26:16

yin kan xtinteq k'a pe jun nimalej ruk'ayewal ri nuk'en-pe xibinri'il. Chuqa' xtinteq k'a pe jun nimalej yabil chiwij richin xtuk'is ri iwuchuq'a' y xtinteq k'a pe nimalej k'aten chiwij y xtipe k'a por pa runaq' taq iwech roma ri nimalej k'aten ri'. Y kan xkixmayamo' k'a qa. Ri itiko'n ri xtiben-qa kan man xtitej ta chik roma xa ja ri etzelanel iwichin xketijo.

Wuj Richin ri Hageo 2:17

Ri Jehová xuya-pe ruyabil ri tiko'n y chuqa' ri saqboch richin xuk'is ronojel ri isamaj rix. Man rik'in ri' man xtzolin ta pe ik'u'x rik'in.

1 Rey 8:37

Y wi chuwech re ruwach'ulew k'o ta nima-wayjal o nima-yabil kichin ri awej, o wi ri tiko'n nuchop ul o wi yepe pus chirij, o wi yepe ta ri tzobaj sak' richin nikik'is ri tiko'n, o yepe ta ri etzelanel qichin nikisutij-rij ri qatinamit y xtikichop chi oyowal, o xtipe xabachike nima-ruk'ayewal o xabachike yabilal pa kiwi',

Wuj Richin ri Jeremías 14:12

Stape' rije' xkemewayin, yin man xkenwak'axaj ta toq xkech'on wik'in. Y stape' xtikisuj chikop ri niporox chijun y ch'aqa' chik sipanik chinuwech, yin kan man xtink'ul ta. Xa kan xkenk'is k'a chi espada, rik'in wayjal y rik'in nima-yabil, xcha' ri Dios.

2 Crón 6:28

Y wi chuwech re ruwach'ulew k'o ta nima-wayjal o nima-yabil kichin ri awej, o wi ri tiko'n nuchop ul o wi yepe pus chirij, o wi yepe ta ri tzobaj sak' richin nikik'is ri tiko'n, o yepe ta ri e etzelanel qichin nikisutij-rij ri qatinamit y xtikichop chi oyowal, o xtipe xabachike nima-ruk'ayewal o xabachike yabilal pa kiwi',

Deut 4:26

Roma ri' kan chikiwech k'a ri kaj y ri ruwach'ulew ninbij, wi keri' xtiben, kan xkixken. Man k'iy ta k'a q'ij xkixk'ase' chiri' y xa kan xkixk'is k'a el.

Deut 28:23

Y ri kaj man xtuya' ta chik pe ri job; y ri ruwach'ulew man xtuya' ta chik pe ri tiko'n.

Deut 32:24

Xtinya-pe jun nimalej wayjal pan iwi', ri kan xtik'is-xtik'is ri ich'akul pa ruq'a'. Y kan ja ri' peteneq jalajoj ruwech yabil. Chuqa' xtinben chi xkeyakatej-pe k'uxunela' taq chikopi' chiwij, y ronojel kiwech kumatzi'.

Wuj Richin ri Hageo 1:11

Y xinben chi man niwachin ta chik ri k'echelaj, ri juyu', ri itiko'n, ri juwi-uva, ri olivo y ronojel ri nuya' pe ri ruwach'ulew. Y chuqa' man xkixk'iyer ta chik rix, ni ta ri iwawej man xkek'iyer ta chik. Y ronojel ri itiko'n man xtel ta chik pe, nicha' ri Jehová, xcha' ri Hageo.

Wuj Richin ri Zacarías 14:12

Jak'a ri Jehová xtuteq-pe jun nimalej ruk'ayewal pa kiwi' ri winaqi' ri xkeyakatej chirij ri Jerusalem. Kan k'a yebiyaj na ri winaqi' toq xtuben yan chike chi xtiq'ey ri kich'akul; keri' chuqa' ri runaq' taq kiwech y ri kaq'.

1 Rey 17:7

Y toq q'axineq chik janila k'iy q'ij, ri ch'uti'n raqen-ya' xchaqi'j roma kan man jun k'a job rubanon chiri' pa ruwach'ulew ri'.

Wuj Richin ri Jeremías 16:4

Xkeken konojel rik'in itzel taq yabil y man jun xtoq'en y man jun xtimuqun kichin. Kan xkech'otot kan pa taq bey, achi'el ri pamaj, roma ch'aqa' xkekamisex chi espada y ch'aqa' chik xkeken roma wayjal. Y ri aj-xik' taq chikopi' y ri chikopi' ri ek'o pa k'echelaj xtikitej ri kich'akul.

Wuj Richin ri Hageo 2:19

Stape' man jun chik k'o chupan ri ik'ujay, y man jani yewachin-pe ri juwi-uva, ri wíkix, ri granado y ri olivo, jak'a re wakami rija' nutikeriba' nuya' chik urtisanik pan iwi', xcha' ri Hageo.