Deut 28:21 - Kaqchiquel Bible

²¹ Kan xtuteq k'a pe jun nima-yabil ri xtuk'en-pe kamik pan iwi' y kan xkixruk'is-el chuwech ri ruwach'ulew ri akuchi xkixbek'oje-wi ri xtiwichinaj kan.

Deut 28:21 ပူးပေါင်းရင်းမြစ်များ

Wuj Richin ri Chojmirisabelri'il 26:25

Y kan xtinya' k'a labal pan iwi', richin nitoj roma xiq'ej ruwi' ri jikibel-tzij ri qabanon. Y wi rix kan xtiwajo' xtito-iwi' pa jun tinamit ri sutin rij chi tz'aq, yin kan xkenteq-pe nimalej taq yabil chiwij ri nikitaluj-ki' y kan xkixtzaq pa kiq'a' ri etzelanel iwichin.

Wuj Richin ri Jeremías 24:10

Kan xtiben k'a richin xkekamisex chi espada, xkeken roma wayjal y xkeken roma yabil. Kan xkek'is k'a konojel pa ruwi' re ruwach'ulew re', ri xinya' chike rije' y chike ri kati't-kimama', xcha' ri Dios.

Wuj Richin ri Jeremías 15:2

Y wi nikik'utuj akuchi yebe-wi, tabij chike: Ri kan k'o chi yeken roma ri nima-yabil, kan xkeken roma ri', ri k'o chi xkeken pa labal, kan xkeken roma ri', ri k'o chi xkeken roma wayjal, kan xkeken roma ri' y ri k'o chi xke'uk'uex-el pa ximonri'il, kan xkebe pa ximonri'il.

Wuj Richin ri Q'axanri'il 14:12

Y yin xtinben chi man xke'ok ta chupan ri ruwach'ulew, roma kan xtinya-pe jun nimalej yabil pa kiwi' rije', richin yeken y yek'is. Jak'a rat xkatikeriban jun chik k'ak'a' tinamit ri más nim y janila ruchuq'a' chikiwech ri ek'o wakami, xcha'.

Wuj Richin ri Jeremías 16:4

Xkeken konojel rik'in itzel taq yabil y man jun xtoq'en y man jun xtimuqun kichin. Kan xkech'otot kan pa taq bey, achi'el ri pamaj, roma ch'aqa' xkekamisex chi espada y ch'aqa' chik xkeken roma wayjal. Y ri aj-xik' taq chikopi' y ri chikopi' ri ek'o pa k'echelaj xtikitej ri kich'akul.

2 Sam 24:15

Y kan chupan k'a ri nimaq'a' ri' ri Jehová xuteq-pe jun nimalej yabil pa ruwi' ri Israel. Xuchop k'a pe pa Dan y xapon k'a pa Beerseba y xeken e 70,000 winaqi'.

Wuj Richin ri Q'axanri'il 25:9

Konojel k'a ri winaqi' ri xeken chupan ri ruk'ayewal ri' e 24,000.

Ex 5:3

Y rije' xkibij: Ri Dios ri richin ri tinamit Israel xuk'ut-ri' chiqawech; roma ri' nik'atzin chi roj yojbiyin oxi' q'ij k'a pa tz'iran ruwach'ulew y chiri' nibeqasuju' kamelabel chuwech ri Jehová ri qa-Dios. Roma wi man xtiqaben ta re', rik'in juba' xqojrukamisaj rik'in jun nimalej yabil, o yojken chi espada, xecha' chire.

San Mateo 26:7

Y toq raq'el-apo chiri' chuchi' ri mesa*f37* y niwa', jari' toq xapon jun ixoq rik'in ri Jesús, ruk'uan-apo jun k'ojelibel ri banon rik'in ri abej alabastro, y k'o-el jun jubulej aq'om chupan, ri kan janila jotol rajel. Y jari' ri xberuq'eja' pa rujolon.

1 Rey 8:37

Y wi chuwech re ruwach'ulew k'o ta nima-wayjal o nima-yabil kichin ri awej, o wi ri tiko'n nuchop ul o wi yepe pus chirij, o wi yepe ta ri tzobaj sak' richin nikik'is ri tiko'n, o yepe ta ri etzelanel qichin nikisutij-rij ri qatinamit y xtikichop chi oyowal, o xtipe xabachike nima-ruk'ayewal o xabachike yabilal pa kiwi',

Am 4:10

Xinteq-pe nimalej taq yabil pan iwi' achi'el ri xinya' pa kiwi' ri aj-Egipto, Xinben chi ri alaboni' xeken kan chupan ri labal. Chuqa' ri e etzelanel iwichin xkimej kan ri ikiej. Xinben chi xiseq kichuwil ri kaminaqi' ri chiri' ri akuchi ixk'o-wi-qa. Man rik'in ri' man xtzolej ta pe ik'u'x wik'in. Yin Jehová ri yibin.

Wuj Richin ri Zacarías 14:12

Jak'a ri Jehová xtuteq-pe jun nimalej ruk'ayewal pa kiwi' ri winaqi' ri xkeyakatej chirij ri Jerusalem. Kan k'a yebiyaj na ri winaqi' toq xtuben yan chike chi xtiq'ey ri kich'akul; keri' chuqa' ri runaq' taq kiwech y ri kaq'.