Deut 28:20 - Kaqchiquel Bible

²⁰ Ri Jehová xtuya' sachibel-k'u'x y q'axo'n pa ruwi' ronojel ri xke'iben. Y kan chaq k'ate' xkixruk'is jumul, roma ri itzel ibanobal ri xiben chi ximalij kan rija'.

Deut 28:20 ပူးပေါင်းရင်းမြစ်များ

Wuj Richin ri Malaquías 2:2

Wi rix man xtiwak'axaj ta y wi man xtinimirisaj ta ri nimalej nubi' rik'in ronojel ri iwánima, yin Jehová in k'iytisanel richin ronojel kan xtinwoyoj k'a pe ri itzel pan iwi'. Y pa ruwi' ri urtisanik ri ik'ulun chik wik'in yin, xa xtiqaqa itzel pan iwi'.

Wuj Richin ri Isaías 66:15

Roma xkinapon pa runik'ajal jun surkum, rik'in nu-carruaje ri banon rik'in q'aq' richin ninwelesaj woyowal. Y xtinya' rutojbalil-mak pa kiwi' ri e etzelanel wichin.

Wuj Richin ri Isaías 51:20

Ri Jehová ri qa-Dios kan janila royowal chiwe, y roma ri' ri iwal kan xepunupuxin kan pa taq krusin-bey, roma maneq chik kuchuq'a', achi'el ri masat ri e ya'on pa jun ya'l.

Deut 4:26

Roma ri' kan chikiwech k'a ri kaj y ri ruwach'ulew ninbij, wi keri' xtiben, kan xkixken. Man k'iy ta k'a q'ij xkixk'ase' chiri' y xa kan xkixk'is k'a el.

San Juan 3:36

Achike k'a ri nukuquba' ruk'u'x rik'in re k'ajolaxel re', k'o ruk'aslen ri man k'isel ta. Jak'a ri man nikajo' ta nikikuquba' kik'u'x rik'in, man k'a xtik'oje' ta kik'aslen. Kan ek'o chik k'a richin niqaqa ri royowal ri Dios pa kiwi'.

Wuj Richin ri Isaías 30:17

Xaxe k'a jun xkixoqotan-el ix 1,000 y iwonojel rix xkixanimej-el chikiwech e wo'o'. Xa kan juba' ri xkixk'oje' kan, achi'el toq nuyonij kan jun che' pa ruwi' jun juyu', o achi'el jun retal ri ya'on pa ruwi' jun juyu', xcha' ri Dios.

Wuj Richin ri Isaías 28:19

Ronojel mul toq xtipe, kan xkixruqirirej-el. Kan xtipe ronojel nimaq'a', y kan xkixruqirirej chi paq'ij chi chaq'a', xcha' ri Jehová. Y kan xkixbaybot k'a toq xtiwak'axaj ri rutzijol ri'.

Wuj Richin ri Chojmirisabelri'il 26:38

Xkek'is k'a chikikojol ri winaqi' ri e richin ch'aqa' chik ruwach'ulew. Kan xkek'is k'a chupan ri kiruwach'ulew ri e etzelanel kichin.

1 Tesalonicenses 2:16

Pa ruwi' ri', toq roj xqajo' xqatzijoj ruch'abel ri Dios richin kolotajik chike ri winaqi' ri man e judío ta, rije' janila itzel xkina', roma man xkajo' ta chi xojbe kik'in. K'iy ri kimak ri qawinaq judío. Y roma ri' ri Dios ruya'on chik ruk'ayewal pa kiwi'.

Wuj Richin Bix Chire ri Dios 7:11

Ri Dios kan jun choj q'atoy-tzij, rija' jantape' nrixowaj ri mak.

1 Sam 14:20

Y xaxe ri' ri Saúl y konojel ri aj-labal ri kan ek'o rik'in xkimol-el-ki', y xebe k'a chi'anin ri akuchi najin-wi ri oyowal. Jari' toq xkitz'et chi ri aj-Filistea xa kiyon rije' nikikamisala-qa-ki' roma kan jumul sachineq kik'u'x.

Deut 28:8

Ri Jehová kan xtuben chi xtuya-pe urtisanik pa kiwi' ri iyakonabal richin ri jalajoj ruwech ixin, y chuqa' pa ruwi' ronojel ri xtiben, y xtuya' kikoten iwik'in chupan ri ruwach'ulew ri xtiberuya' chiwe.

Wuj Richin ri Jeremías 1:16

Xtinya' rutojbalil-mak pa kiwi' ri awinaq aj-Judá roma ronojel ri mak ri xkiben chinuwech yin. Xinkimalij kan, richin xkiporoj pom y xexuke' chikiwech ri ch'aqa' chik dios ri xa ja rije' e banayon.

Wuj Richin ri Jeremías 19:4

Roma ri winaqi' israelita xinkimalij kan y kan xkiben chire ri taq'aj ri' chi xenoj chi dios ri man e aj wawe' ta y man xketamaj ta kiwech ri iwati't-imama', ni ri e rey ri xek'oje' ojer kan. Y wawe' xisuj pom chikiwech y kan xinojisaj ri tinamit rik'in kik' roma xe'ikamisaj ri winaqi' ri xa man jun kimak.

Wuj Kichin ri To'onela' 2:15

Y xabakuchi k'a yebe-wi pan oyowal, ri Jehová man xeruto' ta y kan xuben chike chi nikitej poqon; achi'el rubin rija' chike, y kan rujikiban chi keri' nuben; y kan janila k'a xepoqonatej.

Wuj Richin ri Achin Job 24:18

Ri itzel taq achi'a' yeq'ax-el chi'anin achi'el ri raqen-ya'; ri kulew kan k'o ruk'ayewal ya'on pa ruwi' roma ri Dios, y man jun chik nisamej chupan ri kitiko'on richin uva.