Deut 28:13 - Kaqchiquel Bible

¹³ Y ri Jehová kan ja rix k'a ri xkixruya' pa nabey chikiwech konojel winaqi', y rix kan man jun ri xtik'oje' pan iwi', xaxe kan titaqej k'a ri pixa' ri ruya'on ri Jehová ri qa-Dios, ri ninbij chiwe wakami, kan tibana' k'a.

Deut 28:13 ပူးပေါင်းရင်းမြစ်များ

Deut 28:1

Wi rix kan qitzij ninimaj ri rutzij ri Jehová ri qa-Dios y kan niben ronojel ri nubij ri rupixa' ri ninbij chiwe re q'ij re', rija' kan xkixrunimirisaj y kan xkixruya' pa kiwi' konojel tinamit richin chijun ri ruwach'ulew.

Filipenses 1:27

Wakami k'a, ruk'amon chi rix tik'uaj jun k'aslen utz achi'el nubij ri ruch'abel ri Cristo. Wi xkinapon chik iwik'in, kan keri' ta ri ik'aslen xtinbenwila', y wi man xkinapon ta, xtinwak'axaj ta k'a chiwij, chi kan kuqul ik'u'x rik'in ri Cristo, chi xa jun ta iwech ibanon, y kan ta ito'on-iwi' richin itzeqeliben ri utzilej ch'abel richin kolotajik.

Deut 15:6

Roma ri Jehová ri qa-Dios kan xtuya' urtisanik pan iwi', achi'el ri rusujun chiwe. Rix kan k'o k'a xtiya' pa qajik chike ri ch'aqa' chik ruwach'ulew; jak'a rix man jun tiqej chike rije'. Rix kan xtiq'et k'a tzij pa kiwi' e k'iy ruwach'ulew, jak'a rix kan man jun chik xtiq'aton-tzij pan iwi'.

Deut 26:19

Rija' kan xtuben jun nimalej ruwach'ulew chiqe, nim qejqalen y kan xtel rutzijol richin kan janila ruwa-qaq'ij chikiwech ri ch'aqa' chik ruwach'ulew achi'el ri rubin rija', kan oj jun tinamit ri ch'aron roma ri Jehová ri qa-Dios, xcha' ri Moisés.

Deut 28:43

Ri winaqi' ri man e iwinaq ta ri ek'o chupan ri iruwach'ulew xkebe pa jotol, jak'a rix q'ij-q'ij xkixbe más pa xulan.

Deut 28:44

Y rije' xtikiya' k'a iqajo'n jak'a rix man jun ri k'o ta iwik'in chi xtiya' pa qajik chike; kan ja rije' k'a ri e nabey y rix ri ruk'isibel.

Wuj Richin ri Jeremías 31:7

Roma kere', yin Jehová ninbij chiwe rix ch'aqa' chik winaqi' richin ri ruwach'ulew chi kixbixan k'a rik'in kikoten roma ri rutinamit ri Jacob ri kan k'o más rejqalen chi'ikojol iwonojel. Kan kixbixan k'a rik'in kikoten y tik'utuj utzil chuwe chi yin yenkol ri juba' ri k'a ek'o na kan.

Ex 15:26

Y xubij: Wi kan qitzij xtiwak'axaj ri nuch'abel yin Jehová ri i-Dios, y kan xkixbiyin choj chinuwech, y kan xtiben ronojel ri nubij ri pixa' y kan xtiyek pan iwánima, kan man jun k'a yabil xtinteq-pe pan iwi' achi'el ri xinteq pa kiwi' ri aj-Egipto, roma ja yin Jehová ri in aq'omanel iwichin, xcha' ri Jehová.