Deut 28:1 - Kaqchiquel Bible

¹ Wi rix kan qitzij ninimaj ri rutzij ri Jehová ri qa-Dios y kan niben ronojel ri nubij ri rupixa' ri ninbij chiwe re q'ij re', rija' kan xkixrunimirisaj y kan xkixruya' pa kiwi' konojel tinamit richin chijun ri ruwach'ulew.

Deut 28:1 ပူးပေါင်းရင်းမြစ်များ

Wuj Richin ri Isaías 1:19

Y wi rix xtiwak'axaj ri nuch'abel y xtinimaj nutzij, kan xtitej k'a ri xtiwachin chuwech re ruwach'ulew.

Ex 23:22

Y wi rix kan ninimaj ri rutzij rija' y niben ronojel ri nubin chire rija' chi k'o chi niben rix, wi keri' yin kan xtinpaba-wi' chikiwech ri ye'etzelan iwichin y xtinya' tijoj-poqonal pa kiwi' ri yebanon chiwe richin nitej poqon.

San Juan 15:14

Wi niben ronojel ri ninbij chiwe, rix kan ix wachibil-wi.

San Lucas 11:28

Jak'a ri Jesús xubij: Kan más k'a jebel ruwa-kiq'ij ri ye'ak'axan ri ruch'abel ri Dios y kan nikiben ronojel ri nubij, xcha'.

Ex 15:26

Y xubij: Wi kan qitzij xtiwak'axaj ri nuch'abel yin Jehová ri i-Dios, y kan xkixbiyin choj chinuwech, y kan xtiben ronojel ri nubij ri pixa' y kan xtiyek pan iwánima, kan man jun k'a yabil xtinteq-pe pan iwi' achi'el ri xinteq pa kiwi' ri aj-Egipto, roma ja yin Jehová ri in aq'omanel iwichin, xcha' ri Jehová.

Wuj Richin Bix Chire ri Dios 91:14

Ri Jehová nubij: Roma kan wik'in yin rukuquban-wi ruk'u'x, yin kan xtinkol. Kan xtinya' pa jotol, roma kan ruya'on rejqalen ri nubi'.

Deut 15:5

wi kan jantape' ninimaj rutzij ri Jehová ri qa-Dios y nitaqej ronojel re pixa' re ninbij chiwe re q'ij re'.

Deut 11:13

Wi rix kan xtitaqej ri pixa' ri xinya' chiwe re q'ij re', y kan niwajo' ri Jehová ri qa-Dios, y kan nisamajij rik'in ronojel iwánima y chijun ri ik'aslen,

Romanos 2:7

Jak'a kan ek'o winaqi' ri man yetane' ta richin nikiben ri utz. Rije' nikajo' chi ri Dios nuben chike chi nik'oje' kiq'ij y kik'aslen ri man k'isel ta. Y chike rije' ri Dios kan xtuya' ri k'aslen richin tibe-q'ij tibe-seq.

Wuj Richin ri Isaías 3:10

Tibij k'a chike ri choj kik'aslen chi kan utz xkebe, roma kan xtikitej ruwech ri kitiko'n.

Wuj Richin Bix Chire ri Dios 111:10

Wi k'o ta jun nrajo' nok aj-na'oj, k'atzinel chi tik'oje' rukiy ri Jehová chuwech. Roma ri' konojel ri nikitaqej ri rupixa', kan e aj-na'oj. Kan jantape' k'a tiya'ox ruq'ij ri Jehová.

Gálatas 3:10

Jak'a wi niqajo' niqakol-qi' roma ri pixa', xa kan xtiqaqa-wi k'a ruk'ayewal pa qawi', roma xa man yojtikir ta niqaben ronojel ri nubij ri pixa' ri', roma ri ruch'abel ri Dios nubij*f6* chi ri man nuben ta ronojel ri nubij chupan ri wuj richin ri pixa', kan niqaqa ruk'ayewal pa ruwi'.

San Lucas 9:48

Xubij k'a chike: Ri xtik'ulu jun ak'ual pa nubi', kan achi'el ja k'a yin ri xkiruk'ul, y ri xtik'ulun wichin yin, chuqa' kan xtuk'ul ri in taqayon-pe. Kan ja ri iwachibil ri más man jun ruq'ij, xa jari' ri más nim ruq'ij, xcha' ri Jesús.

Wuj Richin ri Jeremías 17:24

Chirij ri' ri Jehová xubij: Kan tinimaj k'a nutzij y man k'a tik'uaj ejqa'n chupan ri tinamit chupan ri q'ij richin uxlanenri'il. Kan tiya' k'a nuq'ij y kan man jun k'a isamaj tiben chupan ri q'ij ri'.

Deut 26:19

Rija' kan xtuben jun nimalej ruwach'ulew chiqe, nim qejqalen y kan xtel rutzijol richin kan janila ruwa-qaq'ij chikiwech ri ch'aqa' chik ruwach'ulew achi'el ri rubin rija', kan oj jun tinamit ri ch'aron roma ri Jehová ri qa-Dios, xcha' ri Moisés.

Wuj Richin ri Jeremías 11:4

Re jikibel-tzij re' xinya' chike ri iwati't-imama' toq xenwelesaj-pe pa ruwach'ulew Egipto, akuchi rije' xkitej janila poqon, toq xek'oje' achi'el pa jun horno akuchi niya'erisex-wi ri q'eqapueq. Chupan ri q'ij ri' xinbij chike chi tikak'axaj ri nuch'abel y tikibana' ronojel re'. Y wi keri' nikiben, rije' xke'ok nutinamit y yin xkinok ki-Dios, xicha' chike.

Wuj Richin Bix Chire ri Dios 106:3

Jebel ruwa-kiq'ij ri nikitaqej ri ruchojmilal. y ri jantape' nikiq'et-tzij pa ruchojmilal.

San Lucas 1:6

Re juk'ulaj winaqi' re' choj kik'aslen chuwech ri Dios, y kan nikiben ri nubij ri pixa'.

Wuj Richin Bix Chire ri Dios 148:14

Rija' kan ruya'on k'a nimalej uchuq'a' chire ri rutinamit, konojel ri israelita kan tikiya' ruq'ij, roma ja rije' ri ek'o más naqaj chire rija'. ¡Kan tinimirisex k'a ruq'ij ri Jehová!

Wuj Richin Bix Chire ri Dios 119:128

Roma ri' kan ja ri apixa' ri nutzeqeliben pa ruwi' ronojel; kan ninwetzelaj k'a ronojel ri man qitzij ta.

Wuj Richin Bix Chire ri Dios 119:6

Wi keri' kan man xkik'ixbitej ta k'a roma nintaqej ronojel ri apixa'.

Wuj Richin ri Jeremías 12:16

Jak'a rije' ri xek'utu chikiwech ri nuwinaq richin nikiya' kitzij chuwech ri Baal. Jak'a re wakami rije' k'o chi niketamaj kik'in ri nuwinaq richin nikiya' nuq'ij yin y nikiya' kitzij pa nubi' yin. Wi nikiben kere', kan xkejike' chikikojol ri nuwinaq.

Ex 23:25

Kan ja yin Jehová ri i-Dios ri kinisamajij. Y yin kan xkixinwurtisaj k'a rik'in ri iway y ri iya'. Y chuqa' kan xtinwelesaj k'a ronojel yabilal chi'ikojol rix.

Deut 11:27

K'o urtisanik wi rix kan ninimaj ri pixa' ri ruya'on ri Jehová ri qa-Dios ri xinbij chiwe wakami.

Deut 28:13

Y ri Jehová kan ja rix k'a ri xkixruya' pa nabey chikiwech konojel winaqi', y rix kan man jun ri xtik'oje' pan iwi', xaxe kan titaqej k'a ri pixa' ri ruya'on ri Jehová ri qa-Dios, ri ninbij chiwe wakami, kan tibana' k'a.

1 Crón 14:2

Keri' toq xq'ax chuwech ri David chi kan ja ri Jehová xya'on kan rey pa ruwi' ri tinamit Israel, roma kan janila utz beneq ri ruq'atbal-tzij pa ruwi' ri ruwach'ulew.

Deut 26:18

Ri Jehová xubij re wakami chi roj israelita kan oj jun tinamit richin rija' achi'el ri rusujun chiqe, roma ri' kan tiqataqej ronojel ri rupixa'.