Deut 27:6 - Kaqchiquel Bible

⁶ Ke'ikanoj k'a abej ri man e toch'on ta richin niben ri porobel. Y chiri' chuwech ri porobel ri' xtisuj-wi chikop richin niporox chijun chire ri Jehová ri qa-Dios.

Deut 27:6 ပူးပေါင်းရင်းမြစ်များ

1 Rey 6:7

Ri rachoch ri Jehová xpabex k'a q'anej rik'in abej ri kichojmirisan chik pe ri achi'a', roma ri' kan man jun chik k'a bajibel, ni toch'bel abej, ni samajibel ri banon rik'in q'eqapueq ri xukusex ta chik chiri' richin xban ri jay ri'.

Ex 20:25

Y wi xtiben porobel rik'in abej, man ke'itoch' richin niben kichojmil, roma wi keri' xtiben, xa kan xtiben chire ri porobel chi nisach ruch'ajch'ojil richin nikusaj chuwe yin.

Efesios 5:2

Kan qojajowan k'a achi'el chuqa' xojrajo' ri Cristo; rija' ruyon xusuj-ri' pa kamik qoma roj, achi'el xban toq xesuj ri sipanik y ri kamelabel. Y ri Dios yalan xqa' chuwech chi keri' xuben ri Cristo.

Deut 27:5

Keri' chuqa' k'o chi nipaba-q'anej jun porobel chuwech ri Jehová ri qa-Dios. Y ri abej ri nikusaj chire ja ri man e toch'on ta rik'in ch'ich'.

Deut 27:7

Pa ruwi' ri' xtisuj-wi sipanik richin nuq'alajirisaj chi junan iwech rik'in ri Jehová, y chuwech rija' xkixwa' y xkixnimaq'ijun.