Deut 27:5 - Kaqchiquel Bible

⁵ Keri' chuqa' k'o chi nipaba-q'anej jun porobel chuwech ri Jehová ri qa-Dios. Y ri abej ri nikusaj chire ja ri man e toch'on ta rik'in ch'ich'.

Deut 27:5 ပူးပေါင်းရင်းမြစ်များ

Ex 20:25

Y wi xtiben porobel rik'in abej, man ke'itoch' richin niben kichojmil, roma wi keri' xtiben, xa kan xtiben chire ri porobel chi nisach ruch'ajch'ojil richin nikusaj chuwe yin.

Ex 24:4

Ri Moisés kan xutz'ibaj k'a ronojel ri xubij-pe ri Jehová chire. Y ri ruka'n q'ij xyakatej nimaq'a' yan y xupaba-q'anej jun porobel richin kamelabel, chuxe-apo ri juyu' ri'. Chuqa' xerupaba-q'anej kablajuj abej, kik'exewach ri kablajuj tzobaj kichin ri rijatzul kan ri Israel.

Deut 27:6

Ke'ikanoj k'a abej ri man e toch'on ta richin niben ri porobel. Y chiri' chuwech ri porobel ri' xtisuj-wi chikop richin niporox chijun chire ri Jehová ri qa-Dios.

1 Rey 6:7

Ri rachoch ri Jehová xpabex k'a q'anej rik'in abej ri kichojmirisan chik pe ri achi'a', roma ri' kan man jun chik k'a bajibel, ni toch'bel abej, ni samajibel ri banon rik'in q'eqapueq ri xukusex ta chik chiri' richin xban ri jay ri'.