Deut 27:13 - Kaqchiquel Bible

¹³ Y ri tzobaj richin ri Rubén, ri Gad, ri Aser, ri Zabulón, ri Dan y ri Neftalí xkepa'e' pa ruwi' ri juyu' Ebal richin chi nikiya' ri itzel oyonik pa ruwi' ri tinamit.

Deut 27:13 ပူးပေါင်းရင်းမြစ်များ

Wuj Richin ri Josúe 8:33

Y chiri' chuwech ri porobel y ri káxa richin ri rujikibel-tzij ri Dios, ri e sacerdote rijatzul ri Leví ri e uk'uayon ri káxa kibanon ka'i' tzobaj, ri nik'aj ek'o ri juk'an y ri nik'aj chik ek'o re juk'an chire ri káxa. Konojel ri e rijatzul kan ri Israel, ri aj-raqen pa kiwi' ri winaqi', ri aj-raqen pa kiwi' ri aj-labal, ri to'onela', y chuqa' ek'o-apo ri man e kiwinaq ta: Konojel rije' e pa'el-apo chikiwech ri e ka'i' tzobaj. Nik'aj chike rije' ek'o chuwech ri juyu' Ebal y ri nik'aj chik ek'o chuwech ri juyu' Gerizim, y ri e ka'i' tzobaj kan e kitzuliben k'a ri e sacerdote, achi'el rubin kan ri Moisés ri rusamajel ri Dios toq xch'on chirij ri urtisanik pa ruwi' ri Israel.

Deut 11:29

Toq ri Jehová ri qa-Dios ix rukusan chik apo chupan ri ruwach'ulew ri xtiwichinaj kan, kan xtiqaq'alajirisaj k'a re urtisanik re' pa ruwi' ri juyu' Guerizim, y re etzelanik re' xtiq'alajirisaj pa ruwi' ri juyu' Ebal.

Wuj Richin ri Rutikeribel 30:20

y chuqa' xubij: Re ak'ual re' xtubini'aj Zabulón. Y re bi'aj re' nel chi tzij yirupoqonaj. Y chuqa' xubij: Ri Dios xuya' jun nimalej sipanik chuwe. Wakami ri wachijil xkirupoqonaj más, roma xek'oje' e waqi' wal, xcha'.

Wuj Richin ri Rutikeribel 29:32

Y ri Lea kan xyawej k'a kan chirij ak'ual y toq xk'oje' ri ak'ual xubini'aj Rubén. Y re bi'aj re' nel chi tzij titz'eta'. Y chuqa' xubij: Ri Jehová xutz'et chi yin janila xibison, y roma ri' xk'oje' re ti wal re', y wakami kan xkinajowex roma ri wachijil, xcha'.

Deut 27:12

Toq xiq'axaj yan apo ri raqen-ya' Jordán, ri tzobaj richin ri Simeón, ri Leví, ri Judá, ri Isacar, ri José y ri Benjamín xkebepa'e' pa ruwi' ri juyu' Gerizim, richin nikiya' ri urtisanik pa ruwi' ri tinamit.

Deut 27:14

Ri e levita xtikibij rik'in uchuq'a' ri ch'abel, y ri ch'aqa' chik winaqi' xtikik'uluba-pe ri kich'abel y xtikibij: Kan keri' wi. Y keri' k'a xtikiben rik'in ronojel ri ch'abel ri xtikibij. Y ja ch'abel re' ri xtikibij: Itzel xtiqaqa pa ruwi' ri wineq ri xtibanon wachibel y kan nuya' ruq'ij, stape' nuya' ri akuchi man tz'etel ta; roma re banobel re' kan man niqa' ta chuwech ri Jehová, Itzel xtiqaqa pa ruwi' ri wineq ri man nuya' ta kejqalen ri rute-rutata'. Itzel xtiqaqa pa ruwi' ri wineq ri xtijel-apo pa k'ulba't richin numej kan juba' rulew ri k'o chunaqaj. Itzel xtiqaqa pa ruwi' ri wineq ri xtuben chire jun moy chi nujel rubey. Itzel xtiqaqa pa ruwi' ri wineq ri man nuben ta pa ruchojmilal rik'in ri jun ri man ruwinaq ta, ri meba' o ri malka'n. Itzel xtiqaqa pa ruwi' ri xtik'oje' rik'in ri rixjayil ri rutata', roma xtuqasaj ruq'ij ri rutata'. Itzel xtiqaqa pa ruwi' ri wineq ri xtik'oje' rik'in jun chikop. Itzel xtiqaqa pa ruwi' ri xtik'oje' rik'in ri yijrana'. Itzel xtiqaqa pa ruwi' ri xtik'oje' rik'in ri rujite'. Itzel xtiqaqa pa ruwi' ri wineq ri nikamisan richin jun chik wineq stape' pan ewel. Itzel xtiqaqa pa ruwi' ri wineq ri nuk'ul méro richin nukamisaj jun wineq ri xa man jun rumak. Itzel xtiqaqa pa ruwi' ri wineq ri man xtiniman ta y man xtutaqej ta ri ch'abel richin ronojel ri pixa'.