Deut 27:1 - Kaqchiquel Bible

¹ Ri Moisés y ri achi'a' ri k'o kiq'ij richin ri tinamit Israel xkimol-ki' richin xech'on kik'in ri kiwinaq. Y ri Moisés xubij: Kan titaqej k'a ronojel ri pixa' ri xinya' chiwe re q'ij re'.

Deut 27:1 ပူးပေါင်းရင်းမြစ်များ

San Juan 15:14

Wi niben ronojel ri ninbij chiwe, rix kan ix wachibil-wi.

Santiago 2:10

Roma wi kan nibij chi niben ronojel ri nubij ri pixa', jak'a xa k'o jun chire ri man niben ta, niq'alajin chi man jun ninimaj chire ri pixa'.

San Lucas 11:28

Jak'a ri Jesús xubij: Kan más k'a jebel ruwa-kiq'ij ri ye'ak'axan ri ruch'abel ri Dios y kan nikiben ronojel ri nubij, xcha'.

Deut 26:16

Ri Jehová ri qa-Dios nubij chiqe wakami chi kan tiqataqej ronojel ri pixa' ri xuya' chiqe; kan tiqachajij k'a y kan tiqasamajij k'a rik'in ronojel qánima chijun ri qak'aslen.

Deut 11:32

kan titz'eta' k'a richin niben ronojel ri nubij ri pixa' ri ya'on chiwe.

Deut 26:19

Rija' kan xtuben jun nimalej ruwach'ulew chiqe, nim qejqalen y kan xtel rutzijol richin kan janila ruwa-qaq'ij chikiwech ri ch'aqa' chik ruwach'ulew achi'el ri rubin rija', kan oj jun tinamit ri ch'aron roma ri Jehová ri qa-Dios, xcha' ri Moisés.

Deut 27:2

Juba-apo xkixok chupan ri ruwach'ulew ri akuchi niwachin-wi ronojel ruwech tiko'n, ri xtuya' ri Jehová ri qa-Dios chiwe, achi'el ri rusujun chike ri qati't-qamama'. Roma ri' toq xtiq'axaj ri raqen-ya' Jordán, k'o chi yixjote-el pa ruwi' ri juyu' Ebal y kan xke'ipaba-q'anej nima'q taq abej y xke'ichumaj rij, richin nitz'ibaj chuwech ronojel re xtinbij chiwe.

Wuj Richin Bix Chire ri Dios 78:7

Ronojel re' nik'atzin richin chi rik'in ri Dios tikikuquba-wi kik'u'x, y richin chi man tikimestaj ronojel ri meyel taq banobel ri xuben kik'in, y kan tikiyaka' ri pixa' ri xuya' chike.

Deut 1:1

Wawe' tz'ibatel-wi ri xubij ri Moisés chike ri israelita, toq ek'o chiri' pa tz'iran ruwach'ulew Arabá ri k'o pa relebel-q'ij chire ri raqen-ya' Jordán. Ek'o k'a chiri' chuwech-pe ri taq'aj Suf, pa xaman chire ri tz'iran ruwach'ulew Parán, y ri tinamit Tófel, Labán, Haserot y ri Dizahab.

Deut 6:17

Titaqej k'a y kan tibana' ronojel ri pixa' ri ruya'on chiqe ri Jehová ri qa-Dios.

1 Crón 28:8

Wakami k'a kan chiwech k'a rix y chuwech ri Jehová ri qa-Dios ri yojrak'axaj, ninbij chiwe chi kan titaqej k'a ri nubij ri rupixa' ri Jehová ri qa-Dios, richin keri' kan xtok kan iwichin re jun jebejoj nimalej ruwach'ulew re', y richin xtiya' chik kan chike ri iwalk'ual richin nikichinaj kan rije'.