Deut 26:9 - Kaqchiquel Bible

⁹ Wakami roj ri oj kalk'ual kan rije' xojak'en-pe re wawe'; wakami ojk'o chupan re ruwach'ulew akuchi niwachin ronojel ruwech tiko'n.

Deut 26:9 ပူးပေါင်းရင်းမြစ်များ

Wuj Richin Bix Chire ri Dios 105:44

K'ari' xuya' k'a chike ri kiruwach'ulew ri ch'aqa' chik winaqi'. Ri kisamajin-qa ri winaqi' richin ch'aqa' chik tinamit jari' ri xkichinaj kan.

Ex 3:17

Xubij k'a chi yixrelesaj-el chupan ri tijoj-poqonal, y yixruk'uaj k'a chupan ri ruwach'ulew ri wakami k'o pa kiq'a' ri winaqi' aj-Canaán, ri heteo, ri amorreo, ri ferezeo, ri heveo, y ri jebuseo, ruwach'ulew akuchi niwachin-wi ronojel ruwech tiko'n, kere' xubij chuwe, xkacha' chike.

Ex 3:8

Roma ri' xiqaqa-pe richin chi yetotej-el pa kiq'a' ri aj-Egipto, y yenwelesaj-el chupan ri ruwach'ulew ri', y yenk'uaj chupan jun utzilej ruwach'ulew y nim, ri akuchi niwachin-wi ronojel ruwech tiko'n, ri akuchi k'o-wi ri kiruwach'ulew ri winaqi' cananeo, ri heteo, ri amorreo, ri ferezeo, ri heveo y ri jebuseo.

Ez 20:15

Chuqa' chiri' pa tz'iran ruwach'ulew xinjikiba' k'a chike chi man xtinya' ta chike ri ruwach'ulew ri nuya'on chik chike, ri kan más jebel chikiwech ri ch'aqa' chik ri akuchi niwachin ronojel ruwech tiko'n.

Ez 20:6

Ri q'ij ri' kan xinya' k'a ri nuq'a' pa kiwi' y xinya' nutzij chike chi yin yenwelesaj-pe chiri' y yenk'uaj chupan jun ruwach'ulew ri kan kichin rije' ri akuchi niwachin ronojel ruwech tiko'n, jun ruwach'ulew ri kan jebel chikiwech konojel.

Hechos 26:22

Jak'a ri Dios kan k'o-pe wik'in. Roma ri' man jun k'a ri nuk'uluwachin pa kiq'a' ri winaqi'. Kan nubin k'a pe ri ruch'abel ri Dios chike konojel ri winaqi'; chike ri janila kiq'ij y chike chuqa' ri maneq ok kiq'ij. Xaxe k'a ri kibin kan ri q'alajirisey ruch'abel ri Dios y ri Moisés, ri nintzijoj yin, roma ja rije' ri e biyon kan ri nibanatej.

Deut 26:15

Tatz'eta' k'a pe chila' chikaj ri akuchi atk'o-wi. Taya' k'a pe urtisanik pa ruwi' ri atinamit Israel; ri akuchi niwachin-wi ronojel ruwech tiko'n; achi'el ri xasuj chike ri qati't-qamama', xkixcha'.

Deut 6:3

Roma ri' rix nuwinaq israelita tiwak'axaj, y kan tiya' k'a pan iwánima re pixa' re' richin utz xkixbe, y keri' kan xkixwinaqir chupan ri ruwach'ulew ri akuchi nik'ase' ronojel ruwech tiko'n, achi'el rusujun ri Jehová ri qa-Dios, ri chuqa' ki-Dios ri qati't-qamama'.

Wuj Richin ri Josúe 23:14

Roma yin xa yiken yan, wakami k'a tiwetamaj kan jebel y tik'oje' kan pan iwánima, y tik'oje' kan chi'ik'u'x, chi ronojel ri rusujun ri Jehová ri qa-Dios chiqe, ronojel xbanatej y man jun xk'oje' ta kan chaq keri'.

1 Sam 7:12

K'ari' ri Samuel xberuk'ama-pe jun abej y xuya' pa k'ulba't chire ri tinamit Mispá y ri tinamit Sen. Y xuya' rubi' re abej re' y xubini'aj Eben-ézer roma ri ch'abel ri' nel chi tzij: K'a re wawe' oj ruto'on-wi ri Jehová.