Deut 26:8 - Kaqchiquel Bible

⁸ Xe'awelesaj-pe pan Egipto rik'in nimalej awuchuq'a'; xe'awelesaj-pe rik'in nima'q y meyel taq banobel. Toq xe'awelesaj-pe, ri aj-Egipto kan xkik'en rukiy.

Deut 26:8 ပူးပေါင်းရင်းမြစ်များ

Deut 4:34

Kan man jun chik k'a dios ri nuben achi'el xuben ri qa-Dios roj, ri xojrucha' chikikojol ri ch'aqa' chik nimalej tzobaj winaqi' achi'el xuben qik'in roj richin xojrelesaj-pe pan Egipto, ri kan rik'in k'iy tejtobenik, rik'in nima'q taq retal, rik'in nima'q taq banobel, rik'in labal y rik'in nimalej uchuq'a'. Rik'in k'a ronojel banobel re' ri kan xe'itz'et rik'in ri runaq' taq iwech, xojrelesaj-wi-pe,

Deut 5:15

Toqaqa k'a chi'ik'u'x toq xixxime' pa samaj pan Egipto, y yin Jehová ri in i-Dios rik'in k'a wuchuq'a' xixinwelesaj-pe, y roma ri xinben iwik'in, roma ri' k'o chi nichajij ri q'ij richin uxlanen.

Ex 13:3

Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.

Ex 12:51

Keri' k'a ri rubanik toq ri Jehová xerelesaj-pe pa ruwach'ulew Egipto; kan konojel k'a ri tzobaj richin ri nimalej tinamit Israel xe'el-pe.

Ex 12:41

Y kan chupan k'a ri ruk'isibel q'ij richin ri 430 juna' ri', jari' toq ri tzobaj richin ri tinamit Israel, xe'el-el ri chiri'.

Ex 12:37

Ri israelita xe'el-el chupan ri tinamit Ramsés y xe'apon pa tinamit Sucot, y ri kajlabal ri xe'el-el e 600,000 achi'a' ri k'a k'o jebel kuchuq'a'. Y ri ixoqi' y ri ak'uala' man k'a xe'ajlex ta.

Wuj Richin ri Isaías 63:12

Ri Dios xuteq-pe ri nimalej ruchuq'a' richin xuyuqej chiruq'a' ri Moisés, ri xbanon chi xch'aratej ri palou ri', richin xnimirisex rubi' ri Jehová tibe-q'ij tibe-seq,

Ex 6:6

Wakami k'a kabiyin y tabebij chike ri awinaq: Ja yin Jehová, y ja yin xkinelesan-el iwichin chuxe' ri kowilej taq samaj y xkixtotej k'a el chuwech ri ilinri'il, y rik'in ri nimalej wuchuq'a', yin xtinq'et-tzij pa kiwi' rik'in nima'q taq ruk'ayewal.

Deut 34:11

Ri Dios xuteq richin xuben ronojel ruwech nima'q taq banobel richin retal pan Egipto chuwech ri rey y ri rusamajela' y chuwech chijun ri ruwach'ulew. Y kan man jun chik k'a wineq xk'oje' achi'el ri Moisés,

Deut 34:12

ni man jun nijunamex ta rik'in roma ri uchuq'a' ri xk'oje' rik'in, y ri nima'q taq banobel ri kan nak'en rukiy ri xuben chuwech chijun ruwach'ulew Israel.

Wuj Richin ri Jeremías 32:21

Kan xe'awelesaj k'a pe ri awinaq Israel chupan ri ruwach'ulew Egipto rik'in nima'q y meyel taq banobel. Rik'in nimalej awuchuq'a' xaben chike ri aj-Egipto chi e k'iy chike rije' kan xkik'en janila rukiy.