Deut 26:6 - Kaqchiquel Bible

⁶ Jak'a ri aj-Egipto janila xekiya' pa tijoj-poqonal. Kan janila xekiya' pa tijoj-poqonal y pan ilinri'il.

Deut 26:6 ပူးပေါင်းရင်းမြစ်များ

Ex 1:11

Kan ja ri q'ij ri', ri aj-Egipto xekikanoj achi'a' richin yek'oje' pa kiwi' ri israelita richin niya'ox k'ayew taq samaj chike y xban chike chi xkipaba-q'anej ri nima'q taq tinamit kibini'an Pitón y Ramsés, richin nuyek ri ru-trigo ri rey.

Ex 1:14

Kan xk'ayewatej k'a ri kik'aslen roma ri ilinri'il xya'ox pa kiwi'. Xeya'ox k'a pa banoj ch'abeq richin xkiben xan chire richin nok ladrillo y ronojel ri kow taq samaj richin pa juyu', y kan xetz'ilox k'a chubanikil ri samaj ri'.

Ex 1:16

Toq yixbe kik'in ri ixoqi' israelita toq ye'alan, kan titz'eta' chi'anin ri achike ri nalex, wi ti ala' ri nalex, tikamisaj y wi ti xten, tik'asba' kan, xcha' chike.

Ex 1:22

Y toq ri rey xutz'et chi xa man nitikir ta yerukamisaj, jari' toq xubij chike ri ruwinaq chi toq ye'alex ri ak'uala' taq alaboni' chikikojol ri winaqi' israelita, kan ketorix-el pa raqen-ya', y wi taq xtani' ri ye'alex, kekik'asba' kan.

Ex 1:8

Y chupan k'a ri q'ij ri' xok chik jun k'ak'a' rey, richin niq'aton-tzij pa ruwi' ri Egipto, y ri rey ri' man xretamaj ta ruwech ri José, y roma ri' xch'on kik'in ri ruwinaq y xubij chike:

Ex 5:19

Jari' toq ri e aj-raqen chikikojol ri israelita, xkina' chi ek'o pa latz', toq xbix chike chi man niqasex ta ruwi' ri rajlabal ri xan ri q'aton pa kiwi' richin chi nikijech.

Ex 5:23

Roma xa kan xaxe toq xibe rik'in ri rey, richin yich'on pan abi' rat, kan jari' k'a toq xunimirisaj ri tijoj-poqonal pa qawi' roj ri oj atinamit y rat k'a man jani oj akolon ta el, xcha'.

Ex 5:9

Tinimirisaj k'a ri ilinri'il pa kiwi' richin nibe kik'u'x rik'in ri kisamaj y man tikak'axaj ri tz'ukun-tzij ri niban chikiwech, xcha' ri rey.

Wuj Richin ri Q'axanri'il 20:15

Rat awetaman chi ri qati't-qamama' xebe-qa k'a pan Egipto, y xojk'oje' chiri' janila k'iy juna'. Awetaman chuqa' chi ri winaqi' aj chiri' kan janila xojkiya' pa tijoj-poqonal roj, kan achi'el chuqa' xkiben-el kik'in ri qati't-qamama';

Deut 26:7

Roma ri' xkik'utuj chawe rat Jehová ri qa-Dios, xkik'utuj richin chi ye'ato'. Rat kan xe'awak'axaj y xajoyowaj kiwech. Xawetamaj ri kowilej taq samaj y xatz'et ri tijoj-poqonal ri xya'ox pa kiwi'.

Deut 4:20

Jak'a ri Jehová xelesan-pe qichin pan Egipto akuchi xqatej-wi janila poqon, achi'el xa ta xojk'oje' pa jun horno, richin chi xojok rutinamit rija', achi'el re wakami.