Deut 26:2 - Kaqchiquel Bible

² Jari' k'a xtik'uaj ri nabey ruwech ronojel ri itiko'n ri xtiben-qa chuwech ri ruwach'ulew y niya-el chupan jun chakech. Y yixbe ri akuchi k'o-wi ri rachoch ri Jehová richin xtinatex ri rubi' chiri'.

Deut 26:2 ပူးပေါင်းရင်းမြစ်များ

2 Rey 4:42

K'o k'a jun q'ij xapon rik'in ri Eliseo jun achin aj-Baal-salisá; y re achin re' ruk'uan-apo chire ri Eliseo juwineq kaxlan-wey ri banon rik'in ri nabey taq ruwech cebada, y chuqa' kan ruk'uan k'a apo juba' trigo ri k'a k'o pa rij. Y ri Eliseo xubij chire ri rusamajel chi tuya' ri kaxlan-wey ri' chikiwech ri winaqi' richin yewa'.

2 Crón 31:5

Y toq ri israelita xkak'axaj re', kan rik'in k'a ronojel kánima xkiya-apo ri nabey taq ruwech kitiko'n, ri jalajoj ruwech taq ixin, ri k'ak'a' ruya'al uva, ri aceite richin olivo, ri kab ri nikiya' taq chikopi' y ronojel k'a ri yetik pa juyu'. Chuqa' xkiya-apo ri jun chire ri lajuj chire ri kitiko'n; y pa ruk'iyal k'a ri xkiya'.

2 Crón 6:6

Ri Dios xubij chuqa' chi rija' xucha' ri tinamit Jerusalem richin chi wawe' niqaya-wi ruq'ij, y chi rija' xucha' ri David richin nuq'et-tzij pa qawi'.

Wuj Richin ri Nehemías 12:44

Chupan ri q'ij ri' xecha'ox kan achi'a' richin nikichajij ri jay richin ri beyomel, richin ri sipanik, richin ri nabey taq ruwech tiko'n, richin ri jun chire ri lajuj chire ri kich'akoj, roma ri winaqi' k'o chi nikik'en-pe juba' chire ronojel ri nipe pa taq juyu' y pa taq tinamit, richin nich'ar chike ri sacerdote y ri levita, y roma ri' ri winaqi' judío janila yekikot kik'in re sacerdote y re levita re'.

Wuj Richin ri Nehemías 13:31

Chuqa' yin xinbij ri q'ij ri k'o chi nikik'en-pe ri sipanik richin ri si', y chuqa' xinbij chi k'atzinel nikik'en-pe ri nabey ruwech taq kitiko'n. Y roma ri' toq xich'on rik'in ri Dios y xinbij: Nata' yin, kinoqaqa k'a chi'ak'u'x y tajoyowaj nuwech, keri' xinbij chire ri nu-Dios.

Ex 20:24

Wakami k'a, rix tibana' jun porobel rik'in ulew y pa ruwi' ri' tiya-wi ri chikop ri nik'at chijun y pa ruwi' chuqa' ri' ke'iya-wi ri chikopi' ri ye'isuj chuwe richin jun sipanik richin nijunamatej-qawech. Y xabakuchi k'a ri xtinbij-wi yin chiwe chi tibana' jun natabel wichin, yin xkiqaqa-pe iwik'in y xkixinwurtisaj.

Ex 22:29

Man tiq'ax ri q'ij richin nik'en-pe chuwe ri nabey taq ruwech ri itiko'n, ri nabey taq vino y chuqa' ri nabey ik'ajol kan xtik'en-pe chuwe yin.

Ex 23:16

Chuqa' xtiben ri nimaq'ij richin ri nabey ruwech ri itiko'n, ri niwelesaj chuwech ri iwulew. Y pa ruk'isibel, toq nik'is ri juna', xtiben chuqa' ri jun nimaq'ij richin toq nik'ol ronojel ruwech ri itiko'n ri xiben.

Ex 23:19

Xtik'en k'a pe chupan ri wachoch yin, ri Jehová ri i-Dios, ri nabey jebelej taq ruwech ri itiko'n. Y ri rutijul jun ti alaj tzuntzun, man jun bey tiroqowisaj chupan ri tz'umaj ri richin ri rute'.*f9*

Ex 34:26

Xtik'uaj k'a chupan ri wachoch yin, ri Jehová ri i-Dios, ri nabey jebelej taq ruwech ri itiko'n. Y ri rutijul jun ti alaj tzuntzun, man jun bey tiroqowisaj chupan ri tz'umaj ri richin ri rute'.

Wuj Richin ri Jeremías 2:3

Chupan k'a ri q'ij ri', rije' e nutinamit, ri kan e nuch'aron xaxe wichin yin; kan e achi'el ri nabey taq ruwech nutiko'n nubanon chike. Jak'a ri xek'ison kichin, yin kan xinya' ri ruk'ayewal pa kiwi'. Yin Jehová ri yibin.

Ez 20:40

Roma yin Jehová ri ink'o pa ruwi' ronojel ninjikiba' nutzij chi chiri' pa ruwi' ri juyu' ri nucha'on yin, chiri' rix ri aj pa rachoch kan ri Israel xkinisamajij y chiri' xtiya-wi nuq'ij y yin rik'in ronojel wánima xtink'ul ri isipanik, ri nabey ruwech taq itiko'n. Y ronojel ri xtisuj chuwe xtink'ul rik'in kikoten.

Ez 44:30

Ri sacerdote kan xtikik'ul chuqa' ri nabey jebelej ruwech tiko'n y xtikik'ul chuqa' ronojel sipanik. Ri nabey taq q'or*f13* richin ri ikaxlan-way xtiya' k'a chike rije'. Wi keri' xtiben, kan xtik'ul k'a urtisanik pa taq iwachoch.

Ez 48:14

Re ulew re' ja re' ri más utz chupan chijun ri ruwach'ulew Israel. Man tik'ayix juba' chire ri ulew o xtijal o xa xtiq'ax ta pa ruq'a' jun chik wineq, roma re ulew re' kan jachon chuwe yin Jehová.

Wuj Richin ri Chojmirisabelri'il 2:12

Jak'a toq nisuj ri nabey ruwech tiko'n, utz chuqa' nisuj ri ch'amilej-q'or y ri kab ri nikiya' ri taq chikopi', xaxe man niporox ta richin nijubulin chinuwech yin.

Wuj Richin ri Chojmirisabelri'il 2:14

Toq nawajo' nasuj ri nabey taq ruwech ri atiko'n chuwe yin, k'o chi nawotz'otz'ij pa q'aq' ri trigo y naq'ututej ri ruwech ri nel kan; jari' ri nasuj chuwe yin Jehová.

Romanos 11:16

Xa kan e achi'el k'a ri nabey sipanik ri nel chire ri ke'en ri richin ri kaxlan-wey ri nikiya' chire ri Dios. Roma ri nabey chire ri ke'en ri' kan loq'olej wi, keri' chuqa' ri ch'aqa' chik ke'en. Y wi ta jun wineq nusuj jun ruxe' che' chire ri Dios, xa kan ronojel ri ruq'a' ri che' ri' nok loq'olej richin ri Dios.

Romanos 16:5

Y tiya' chuqa' rutzil-kiwech ri molaj qach'alal ri nikimol-ki' pa kachoch ri ka'i' qach'alal ri'. Y keri' chuqa' tiya' rutzil-ruwech ri qach'alal Epéneto ri janila ninwajo'. Ja rija' ri nabey xkuquban ruk'u'x rik'in ri Cristo pan Acaya.

Romanos 8:23

Y kan keri' chuqa' roj. Ri qánima niq'axo, nijilo k'a re q'ij chuqa' re'. Kan janila k'a niqajo' chi napon yan ta ri q'ij toq xtiq'alajin chi xojok ralk'ual ri Dios, y xtijalatej ri qach'akul. Qetaman chi keri' xtiban chiqe, roma ya'on chik ri Loq'olej Espíritu pa taq qánima.

1 Corintios 15:20

Jak'a ri Cristo kan xk'astej-wi-el. Ja rija' ri nabey ri xk'astej-el chikikojol ri ch'aqa' chik kaminaqi' ri xkek'astej-el.

1 Corintios 15:23

Jak'a kan pa ruchojmilal xtibanatej ronojel re'. Ri Cristo nabey xk'astej-el. Y toq xtipe chik jun bey, roj ri oj richin chik rija' xqojk'astej-el chuqa'.

1 Corintios 16:2

Jare' ri ruchojmilal: Ri nabey q'ij chire ri wuqu' q'ij k'atzinel chi rix nich'er kan juba' chire ri nich'ek, richin niya-el chike ri qach'alal. Keri' tibana' richin chi k'o chik ronojel toq xkinapon yin, y man nik'atzin ta chik chi k'ari' nimol.

Deut 16:10

jari' toq k'o chi ninimaq'ijuj ri semana richin niya' ruq'ij-ruk'ojlen ri Jehová ri qa-Dios. Y xtik'uaj k'a apo ri sipanik ri janipe' k'a nalex-pe pan iwánima, ri achi'el k'a ri urtisanik ri ruya'on ri Jehová ri qa-Dios pan iwi'.

Deut 18:4

Chuqa' k'o chi nikik'ul ri nabey taq ruwech tiko'n richin ri jalajoj ruwech ixin, ri vino, ri aceite y ri nabey rusumal ri karne'l ri nisokaj-el.

Deut 26:1

Juba-apo, rix xkixok chupan ri ruwach'ulew ri akuchi xtuya-wi ri Jehová ri qa-Dios chiwe richin niwichinaj y kan xkixk'oje' chupan.

Deut 26:3

Xkixapon k'a chuwech ri sacerdote ri xtik'oje' ri q'ij ri' y kere' k'a xtibij chire: Yin wakami yimatioxin chire ri Jehová ri qa-Dios, roma xinok chupan re ruwach'ulew ri xusuj chike ri qati't-qamama', richin xuya' chiqe, xkixcha'.

Santiago 1:18

Y rik'in ri rurayibel rija' xuya' jun k'ak'a' qak'aslen toq xqakuquba' qak'u'x rik'in ri qitzij ruch'abel. Xuben keri' richin chi ja roj ri xojok achi'el ri nabey taq kiwech tiko'n ri ye'uk'uex-apo chire rija'.

Wuj Richin ri Josúe 18:1

Konojel ri winaqi' israelita xkimol-ki' chiri' pa tinamit Siló y chiri' xkipaba-q'anej ri rachoch ri Jehová richin molojri'il, y re' xkiben toq xjach yan ri ruwach'ulew chike.

Apocalipsis 14:4

Y jare' ri man jun bey xek'oje' ta kik'in ixoqi'. Kan e ch'ajch'oj-wi y kan jantape' kojqan ri Karne'l. Jare' ri nabey ri xekol-pe chikikojol ri winaqi', richin chi ye'ok achi'el nabey sipanik chire ri Dios y ri Karne'l.