Deut 26:18 - Kaqchiquel Bible

¹⁸ Ri Jehová xubij re wakami chi roj israelita kan oj jun tinamit richin rija' achi'el ri rusujun chiqe, roma ri' kan tiqataqej ronojel ri rupixa'.

Deut 26:18 ပူးပေါင်းရင်းမြစ်များ

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Deut 28:9

Wi xtitaqej ri pixa' ri xuya' chiqe ri Jehová, y xkixbiyin chupan ri bey richin rija', kan xtuben k'a chiwe chi rix kan ix jun tinamit ri ruch'aron richin rija', achi'el ri rujikiban chiwe.

Deut 14:2

Roma roj kan oj jun tinamit ri kan oj ch'aron chire ri Jehová ri qa-Dios, rija' xojcha'on chikikojol ri ch'aqa' chik ruwach'ulew richin xojok jun tinamit ri kan richin rija'.

Deut 7:6

Roma rix kan ix jun tinamit ri kan ix ch'aron chire ri Jehová ri qa-Dios; rija' kan xixrucha' chikikojol chijun ri ruwach'ulew ri ek'o, richin keri' rix xkixok jun rutinamit ri kan k'o rejqalen chuwech rija'.

Ex 6:7

Y xkixok k'a nutinamit y yin xkinok i-Dios, y xtiwetamaj k'a chi ja yin Jehová ri i-Dios ri xixelesan-pe chuxe' ri kowilej taq samaj pan Egipto.

Romanos 16:26

Wakami xq'alajirisex yan k'a, y roma ri' toq niq'ax chiqawech ri e tz'iban kan koma ri q'alajirisey ruch'abel ri Dios ri xek'oje' ojer kan. Ri Dios ri k'o richin jantape', rubin kan chi titzijox chike konojel tzobaj winaqi', y jari' ri najin wakami, richin chi tikikuquba' kik'u'x rik'in rija' y tikinimaj ri rutzij.

Wuj Richin Bix Chire ri Dios 119:6

Wi keri' kan man xkik'ixbitej ta k'a roma nintaqej ronojel ri apixa'.

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

Deut 4:20

Jak'a ri Jehová xelesan-pe qichin pan Egipto akuchi xqatej-wi janila poqon, achi'el xa ta xojk'oje' pa jun horno, richin chi xojok rutinamit rija', achi'el re wakami.

Deut 29:13

Wakami kan nijike' k'a kan chi roj kan oj rutinamit y rija' kan qa-Dios achi'el ri rusujun chiqe y chike ri qati't-qamama': Ri Abraham, ri Isaac y ri Jacob.

Wuj Richin ri Sofonías 3:20

Chupan ri q'ij ri' kan xkixinwelesaj k'a pe akuchi xixuk'uex-wi-el. Kan xtinben chiwe chi xtik'oje' chik iq'ij, y kan xtik'oje' utzilej itzijol chikiwech konojel tinamit ri ek'o chuwech re ruwach'ulew. Re' kan xtibanatej k'a toq yin xkixinwurtisaj chik jun bey. Ja yin Jehová ri yibin.

Wuj Richin ri Chojmirisabelri'il 20:26

Yin Jehová kan in ch'ajch'oj-wi, y roma ri' rix k'o chi yixok ch'ajch'oj chuqa' y kan xixincha' k'a chikikojol konojel ri ruwach'ulew richin xixok wichin yin.

Deut 27:10

Roma ri' k'o chi niya' ixikin chire ri ruch'abel rija', y kan niben ri nubij ronojel ri pixa' ri xinbij chiwe re q'ij re', xcha'.

Deut 28:1

Wi rix kan qitzij ninimaj ri rutzij ri Jehová ri qa-Dios y kan niben ronojel ri nubij ri rupixa' ri ninbij chiwe re q'ij re', rija' kan xkixrunimirisaj y kan xkixruya' pa kiwi' konojel tinamit richin chijun ri ruwach'ulew.

2 Sam 7:24

Roma rat kan xojajikiba' roj ri atinamit Israel richin xojok awichin richin jantape'. Y ja rat Jehová, ri xatok qa-Dios.

Wuj Richin Bix Chire ri Dios 135:4

roma rija' kan ja ri e rijatzul kan ri Jacob ri xerucha'. Xucha' k'a ri tinamit Israel richin xok richin.

Wuj Richin ri Jeremías 13:11

Yin kan xenxim ri tinamit Israel y ri Judá, achi'el toq jun achin nuxim-ok kow ri ximibel-rupan. Keri' xinben kik'in richin yek'oje-pe naqaj wik'in, richin chi ye'ok nutinamit y nikiq'alajirisaj ta ri nubi'. Y kan ja ta rije' ri e nuruwaq'ijaj y e nuk'ojlemal. Jak'a xa man xinkinimaj ta.