Deut 26:17 - Kaqchiquel Bible

¹⁷ Wakami kan xijikiba' k'a itzij chi kan ja ri Jehová ri i-Dios, y kan nitzeqelibej ri rubey y niben ri nubij ri pixa' ri xuya' chiwe, y chi kan jantape' xtinimaj rutzij.

Deut 26:17 ပူးပေါင်းရင်းမြစ်များ

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Ex 24:7

Y k'ari' xuchop ri wuj ri richin ri rujikibel-tzij ri Jehová y xusik'ij chuwech ri tinamit y konojel xkibij: Kan xtiqaben ronojel ri rubin kan ri Jehová y kan xtiqanimaj ri rutzij, xecha'.

2 Corintios 8:5

Ri qach'alal aj-Macedonia, nabey xkijech-ki' pa ruq'a' ri ajaw richin nikiben ri nrajo' rija'. K'ari' xkijech ki' chubanik ri samaj ri qachapon rubanik roj. Roj man jun bey k'a xqoyobej chi keri' nikiben, jak'a rije' kan xkiben achi'el rurayibel ri Dios.

Romanos 6:13

Toq rubanon kan oj kamineq chupan ri mak, jak'a re wakami qak'uan chik jun k'ak'a' k'aslen. Roma ri' tiqajacha-qi' pa ruq'a' ri Dios richin niqaben ri choj ri nrajo' rija'. Man tiqaya' q'ij richin nok ri mak qik'in y yeqaben ri man e choj ta.

Hechos 27:23

Roma chi'aq'a' xuk'ut-ri' chinuwech jun ángel ri rutaqon-pe ri Dios; ri Dios ri wajaw y ri ninsamajij chuqa'.

Wuj Richin ri Isaías 44:5

Rije' xtikibij chi ri e israelita, kan e wichin yin. Chuqa' xtikitz'ibaj chirij ri kiq'a' ri nubi' yin.

Wuj Richin ri Josúe 22:5

Xaxe k'a ninchilabej chiwe chi kan tibana' ri nubij ri pixa' ri xuya' kan ri Moisés ri rusamajel ri Jehová. Tiwajo' k'a ri Jehová ri qa-Dios, y kan kixbiyin chupan ri ruchojmilal. Tiyaka' ronojel ri nubij chupan ri pixa': Kan titzeqelibej rija'. Kan tiya' k'a ruq'ij rik'in ronojel iwánima y tisamajij rik'in ronojel ik'u'x, xcha-el chike.

Deut 30:16

Roma ri' ninbij chiwe wakami chi tiwajo' ri Jehová ri qa-Dios y kan titzeqelibej ri rubey y titaqej chuqa' ri rupixa', richin chi yixk'ase' y yixwinaqir, y ri Jehová ri qa-Dios xkixrurtisaj k'a chupan ri ruwach'ulew ri akuchi xkixberuya-wi.

Deut 15:5

wi kan jantape' ninimaj rutzij ri Jehová ri qa-Dios y nitaqej ronojel re pixa' re ninbij chiwe re q'ij re'.

Deut 13:18

wi rix kan xtinimaj ri rutzij y kan xtitaqej ri rupixa' richin jantape' ri xinya' chiwe wakami, y wi kan choj xtiben chuwech ri Jehová ri qa-Dios.

Ex 20:19

Y jari' toq xkibij chire ri Moisés: Más utz ja rat kach'on qik'in y xkatqak'axaj, xaxe man tich'on chik ri Dios qik'in richin chi man yojken ta, xecha' ri winaqi'.

Wuj Richin ri Zacarías 13:9

Y ri xkek'ase' kan, xkenq'axaj pa q'aq', achi'el toq niya'erisex ri saqipueq. Xkentejtobej k'a achi'el nitejtobex ri q'anapueq. K'ari' rije' xtikik'utuj to'onik chuwe, y yin kan xkenwak'axaj. Y chupan ri q'ij ri', xtinbij chike: Nutinamit yin, y rije' xtikibij chuwe: Qa-Dios roj.

2 Crón 34:31

K'ari' ri rey xbepa'e' rik'in ri pilar ri akuchi nipa'e-wi jantape' richin xujikiba' rutzij chuwech ri Jehová. Xujikiba' k'a chi kan choj xtibebiyin chuwech y kan rik'in ronojel ránima y ronojel ruk'u'x xtutaqej ronojel ri rupixa' ri ruya'on chire ri tinamit, y kan xtuben k'a achi'el ri tz'ibatajineq kan chupan ri wuj ri'.

Ex 15:2

Rat k'a Jehová ri quchuq'a' y ri qabix. Ja rat ri qakolonel. Rat ri qa-Dios ri k'o chi niqaya' aq'ij. Ri at ki-Dios ri qate-qatata' y roj niqanimirisaj ri abi'.

Wuj Richin ri Rutikeribel 28:21

y wi xtaya' q'ij chuwe richin yitzolej rik'in uxlanibel-k'u'x pa rachoch ri nata', kan ja rat Jehová ri xkatok nu-Dios.

Ex 19:8

Y konojel k'a ri winaqi' kan junan k'a xech'on y xkibij: Roj kan xtiqaben k'a ronojel ri rubin-pe ri Jehová, xecha'. Y ri Moisés xuk'uaj k'a chire ri Jehová ri ch'abel ri xkibij ri winaqi'.

Wuj Richin Bix Chire ri Dios 48:14

roma kan ja Dios re' ri qa-Dios roj, tibe-q'ij tibe-seq. Ja rija' ri niyuqen qichin richin jantape'.

Deut 27:10

Roma ri' k'o chi niya' ixikin chire ri ruch'abel rija', y kan niben ri nubij ronojel ri pixa' ri xinbij chiwe re q'ij re', xcha'.

Deut 29:12

Roj qamolon-qi' wawe' richin chi noqaqa chi'ik'u'x richin nitaqej ri jikibel-tzij ri xiben rik'in ri Jehová ri qa-Dios.

Wuj Richin ri Josúe 24:22

Y ri Josué xubij chike chi kan ja rije' xebin ronojel re', roma xkicha' ri Jehová richin nikisamajij. Y rije' xkibij chi kan keri' wi.