Deut 26:16 - Kaqchiquel Bible

¹⁶ Ri Jehová ri qa-Dios nubij chiqe wakami chi kan tiqataqej ronojel ri pixa' ri xuya' chiqe; kan tiqachajij k'a y kan tiqasamajij k'a rik'in ronojel qánima chijun ri qak'aslen.

Deut 26:16 ပူးပေါင်းရင်းမြစ်များ

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

San Juan 14:15

Wi rix yiniwajo', kan ninimaj ri pixa' ri yenbij chiwe.

Deut 10:12

Wakami k'a nuwinaq, ri Jehová ri qa-Dios jare' ri nuk'utuj chiqe: Kan tiqaya' rejqalen, kan tiqatzeqelibej ri bey ri niqa' chuwech rija'. Kan tiqajo' y kan tiqaya' ruq'ij-ruk'ojlen rik'in ronojel qánima y chijun ri qak'aslen.

Deut 11:1

Kan tiwajo' k'a ri Jehová ri qa-Dios ronojel q'ij chire ri ik'aslen, y kan titaqej k'a ronojel re pixa' re'.

Deut 11:8

Roma ri' kan tiyaka' k'a ronojel ri pixa' ri xinbij chiwe re q'ij re', richin kan xtik'oje' iwuchuq'a' y kan xtiwichinaj ri ulew ri xtibeya'ox chiwe.

Deut 12:1

Jare' k'a ri pixa' ri ya'on chiwe, ri k'o chi nitaqej rix chijun ri ik'aslen, chupan ri ruwach'ulew ri xtuya' chiwe richin xtiwichinaj kan, ri rusujun chiqe ri Jehová ri qa-Dios roj, ri chuqa' ki-Dios ri qati't-qamama'.

Deut 12:32

Kan tibana' k'a ronojel ri xinbij chiwe y man tiya' ruwi', ni man jun tiwelesaj kan chire.

Deut 26:17

Wakami kan xijikiba' k'a itzij chi kan ja ri Jehová ri i-Dios, y kan nitzeqelibej ri rubey y niben ri nubij ri pixa' ri xuya' chiwe, y chi kan jantape' xtinimaj rutzij.

Deut 4:29

Jak'a wi rix kan nikanoj ri Jehová ri qa-Dios rik'in ronojel ri iwánima y rik'in ronojel ik'u'x, kan xtiwil.

Deut 6:1

Ja ronojel pixa' re' ri xuya' ri Jehová ri qa-Dios chuwe, richin xixintijoj, richin jari' ri nitaqej chupan ri ruwach'ulew ri xkixapon-wi ri kan xtok iwichin.

Deut 6:17

Titaqej k'a y kan tibana' ronojel ri pixa' ri ruya'on chiqe ri Jehová ri qa-Dios.

Deut 6:5

Kan tiwajo' k'a ri Jehová ri qa-Dios rik'in ronojel iwánima y rik'in ronojel ik'u'x, chupan chijun ri ik'aslen.

Deut 8:2

Y toqaqa k'a chi'ik'u'x ri tijoj-poqonal ri xqak'owisaj-pe toq xojruk'en-pe ri Jehová ri qa-Dios re kawineq juna' re', chupan re tz'iran ruwach'ulew, richin xqetamaj ta ri qasanri'il chuwech rija' y richin xojrutejtobej, chuqa' richin xretamaj ri achike k'o pa qánima y wi niqayek ri rupixa' o ni.