Deut 26:15 - Kaqchiquel Bible

¹⁵ Tatz'eta' k'a pe chila' chikaj ri akuchi atk'o-wi. Taya' k'a pe urtisanik pa ruwi' ri atinamit Israel; ri akuchi niwachin-wi ronojel ruwech tiko'n; achi'el ri xasuj chike ri qati't-qamama', xkixcha'.

Deut 26:15 ပူးပေါင်းရင်းမြစ်များ

Wuj Richin ri Isaías 63:15

Wakami k'a rat qa-Dios, katzu'un k'a pe ri k'a akuchi atk'o-wi; y tatz'eta' jebel k'a chupan ri loq'olej atz'uyubal ri akuchi nitz'etetej-wi ri aruwaq'ijaj. ¿Akuchi k'o-wi ri awajowabal y ri nimalej awuchuq'a'? ¿Akuchi k'o-wi ri ana'oj? Rik'in juba' xk'is yan ri joyowanik ri k'o awik'in pa qawi' roj.

Wuj Richin ri Zacarías 2:13

Roma ri' man jun chik k'a wineq xtich'on ta chirij ri Jehová, roma rija' k'o pa rachoch, y kan nuchojmirisaj chik ri' richin nipe qik'in. Keri' xtabij, xcha' ri ruka'n ángel chire ri jun chik.

Hechos 7:49

Ri Jehová nubij: Ri nutz'uyubal k'o wawe' chikaj, y ri rupalibal ri waqen, jari' ri ruwach'ulew. ¿Akuchi kami nich'ob rix richin nipaba-q'anej jun wachoch? ¿Akuchi kami nich'ob niben-wi jun k'ojelibel richin yinuxlan juba'?

Wuj Richin ri Jeremías 31:23

Yin Jehová ri k'o ronojel uchuq'a' pa nuq'a' y roma ri' ninbij chi toq yin xtinjel ri rubanik ri kik'aslen ri winaqi' ri ek'o pa tinamit Judá, jari' toq rije' xkek'oje' chik jun bey pa kiruwach'ulew y pa taq kitinamit. Y xkech'on wik'in y xtikik'utuj chuwe chi yin xtinwurtisaj ri wachoch ri k'o pa ruwi' re juyu' re'.

1 Rey 8:43

wi keri', rat xtawak'axaj k'a ri chila' chikaj ri akuchi atk'o-wi y xtaben k'a ronojel ri nuk'utuj chawe ri wineq ri' ri man qawinaq ta. Richin keri' konojel ta k'a ri winaqi' richin ri ch'aqa' chik tinamit xtiketamaj ta ri abi' y xtikiya' ta aq'ij y xtikinimaj ta ri atzij, achi'el nuben ri atinamit Israel. Y keri' xtiq'ax k'a chikiwech re xinpaba-q'anej yin, ri niban-wi ronojel k'utunik chawe rat.

1 Rey 8:27

Chuqa' ri Salomón xubij k'a chire ri Dios: ¿Kan qitzij kami chi rat Dios yak'oje' chuwech re ruwach'ulew re'? Roma rat kan at nimalej-wi, y ri kaj chi tz'etel, chi man tz'etel ta kan man nitikir ta yarukuch; k'a ta la' chik re jay re xinpaba-q'anej re awichin rat.

San Mateo 6:9

Roma ri' toq rix yixch'on rik'in ri Dios kere' k'a tibij: Qatata' Dios ri atk'o chila' chikaj, kan jantape' ta k'a xtinimirisex ri loq'olej abi' rat.

Wuj Richin ri Isaías 61:1

Ri uchuq'a' richin ri Jehová ri wajaw kan k'o pa nuwi' yin; ri Jehová k'iytisanel richin ronojel kan xirucha' k'a yin. Kan xiruteq k'a pe richin ninya' utzilej rutzijol chike ri e k'ayewatajineq, richin ninya' ch'uch'ujil pa taq kánima ri niq'axon kánima, achi'el naq'omex jun sokotajik, richin yetotej ri e ximil, y ri ek'o pa cárcel kan xketotej k'a el.

Wuj Richin ri Isaías 57:15

K'ari' xch'on ri k'o nim ruq'ij, ri k'o chila' chikaj, y rija' rubini'an Loq'olej. Y rija' nubij: Ri akuchi ink'o-wi yin kan janila nej, y kan janila loq'olej. Jak'a chuqa' ink'o rik'in ri janila ruqasan-ri', y poqonatajineq, richin ninya' ruchuq'a' ri ránima ri kan janila k'ayewatajineq.

Wuj Richin Bix Chire ri Dios 90:17

Jehová ri at qa-Dios roj, ri asaqil rat ja ta ri' ri xtisaqirisan pa qawi' roj. Ronojel ri samaj ri yeqaben roj kan ta xtawurtisaj-pe. Kan keri', ri samaj ri yeqaben kan ta xtiqa' chawech rat Jehová.

Wuj Richin Bix Chire ri Dios 51:18

Rik'in ri awajowabal rat, kan taya' k'a ri utzil pa ruwi' ri tinamit Sión. Kan tabana' k'a chi xtiyak-el ri tz'aq chirij ri tinamit.

Wuj Richin Bix Chire ri Dios 28:9

Jehová, takolo' y tawurtisaj ri atinamit. Tayuq'uj y taq'axaj k'a richin jantape'.

Deut 26:7

Roma ri' xkik'utuj chawe rat Jehová ri qa-Dios, xkik'utuj richin chi ye'ato'. Rat kan xe'awak'axaj y xajoyowaj kiwech. Xawetamaj ri kowilej taq samaj y xatz'et ri tijoj-poqonal ri xya'ox pa kiwi'.

Deut 26:9

Wakami roj ri oj kalk'ual kan rije' xojak'en-pe re wawe'; wakami ojk'o chupan re ruwach'ulew akuchi niwachin ronojel ruwech tiko'n.

Deut 26:14

Man jun chire ronojel re' xintej ta toq ink'o pa bis; ni man jun chire ronojel re' xinchop ta toq man in ch'ajch'oj ta; y chuqa' man jun chire re' nusujun ta chike kaminaqi'. Jehová ri at qa-Dios, yin kan nuniman-pe atzij y kan nutaqen-pe ronojel ri abin chuwe.

2 Crón 30:27

Chirij ronojel re', ri e sacerdote y ri e levita keri' e pa'el xkiya' urtisanik pa kiwi' ri winaqi'. Y ri Dios kan xrak'axaj k'a ri kich'owen k'a chila' chikaj, akuchi k'o-wi Rija'.

Wuj Richin Bix Chire ri Dios 68:5

Ri Dios kan tata'aj k'a chike ri meba'i' y to'onel kichin ri malkani' Kan k'a chupan k'a ri rachoch yeruto-wi-pe.

Wuj Richin Bix Chire ri Dios 80:14

Nimalej Dios k'iytisanel richin ronojel, katzolej chik k'a pe wakami. Katzu'un k'a pe chila' chikaj richin tach'obo' rij, y katanpe richin yojakol.

Deut 1:8

Tiwetamaj k'a chi kan ja yin yiya'on chiwe ri ruwach'ulew, kixok chupan y tichapa' k'a y kan tibana' iwichin chire ri ruwach'ulew ri nuya'on nutzij chire. Yin in Jehová, chi kan chike ri iwati't-imama', Abraham, Isaac y ri Jacob y chiwe rix ri ix kijatzul kan rije' ninya-wi, xcha' ri Jehová, xcha' ri Moisés.

Deut 6:3

Roma ri' rix nuwinaq israelita tiwak'axaj, y kan tiya' k'a pan iwánima re pixa' re' richin utz xkixbe, y keri' kan xkixwinaqir chupan ri ruwach'ulew ri akuchi nik'ase' ronojel ruwech tiko'n, achi'el rusujun ri Jehová ri qa-Dios, ri chuqa' ki-Dios ri qati't-qamama'.

Wuj Richin Bix Chire ri Dios 80:15

Katanpe richin yojakol roj ri kan oj achi'el tiko'n ri ja rat xatiko-qa, ri kan xajikiba' chi kan awichin rat.